#عوضني_بيك
الحلقة12
رهف: تعشينا وفات اليوم كأي يوم مع خالد ضحك ولعب وفرح😍😍😍😍
صبح تاني يوم☀☀
رهف: نضت وتيت فطور خالد وعدا للعمل و هو يضحك وايبصر ولميت حوستي ورديت لنوووم😴😴😴
خالد: عديت للعمل وتلاقيت مع نوري وكملنا وراقنا ودوام العمل شبه تم قعدت انهذرز اني ونوري نسمع في رسايل فايبر جني فتحتهن لقيتهن صور دردشة بين رقم رهف ورقم تاني مانعرفاش وكانن رسايل مش رسايل عادية جسمي رعش وعيوني بيطلعاً وبعدها جت رسالة تانية كانت صورة مدة المكالمة يلي بينه وبين رقم رهف من نفس الرقم خلااااص اني هنا رحت نفس الوقت يلي سألت رهف من يلي رن عليك قاتلي وحدة غالطة ناااااار ولعت فيا يعني تكذب عليا دايرتني طرطور😡😡😡 نوري لاحظ عليا
نوري: شن في ياراجل خيرك
خالد: مارديتش عليه كنت قاعد نستوعب في يلي ايصير ناض وخدي مني التلفون وري بعينه كل شي
نوري: بين من ومن الدردشة
خالد: رهف يانوري هذي رهف يلي حبييييتهااا ضحكككت علياااا وعليت صوتي
نوري: اكيد في غلط ماتسرعش ياخالد انت طول عمرك تسرع بعدين تندم
خالد: خلاص مانسمع في شي ومانشبح في شي نااااار في عيوني طلعت واني ماشي لشقة بننهي القصة خشيت لشقة وقربعت الباب وخاش لدار
رهف: نوضني صوت تقربيعت الباب وانشوف خالد خاش معصب وعيونه شايطة فيهن النار عرفت في قصة صايرة خيرك خالد شن في
خالد: وين تلفونك وييين تلفووونك
رهف: اهو تلفوني ع الطاولة خيرك انت شن صاير
خالد: صكررري فمممك😠😠😠 اول مافتحت التلفون طول ع المكالمات لقيت المكالمة ونفس المدة يلي دزوهلي وخشيت ع الرسايل نفس الرسايل قاعدات خلاااص وصلت حدها جيت لي رهف شديتها مع شعرها هذااا منووو يا خاايننه مننن شننن نقصتت عليييك شنووو بيش اتديريي هكيي اني حبيييتك هكيي اتديييري كنتيي اتقووولي مننن الاووول وانكر في شعرها وهيا تبكي وتجدا فيا انفهمها لكن اني ماعطيتهاش فرصة
رهف: لوح التلفون وجاني كيف الثور الهايج وشدني مع شعري وقعد ايخض فيا نبي نفهم منه ماعطانيش فرصة او ماكانش يسمع فيا من صوته العالي😭😭😭😭...
~~~~
نوري: ايوه
منير: ايوه نوري شن الجو
نوري: منير وين قاعد
منير: في الحوش خير صوتك هكي شن صاير
نوري: ياراجل لحق ع خوك راهو يقتل المرا بسرعة
منير: من المرا وين هو توا
نوري: في الشقة بسرعة عديله
منير: هي هي صكرت ومشيت نجري
رهف: ايكر فيا مع شعري 😭😭😭😭وايقولي ياخاينه ماعاد تقعديلي في حوش وماشي للباب بيطلعني اول مرة انشوف خالد بشكل هذا طول عمره عصبي لكن ماوصلش للمرحلة هذي بعدها سمعنا الباب ايخبط لوحني وفتح الباب
منير: خيرك ياراجل صوتك في الشارع شنو يلي اتدير فيه هذا
خالد: ماتتدخلششش اططلعع مننن ديين امه الموووضووع
رهف: واني املوحه ع الوطاء
منير: رهف رهف خيرك ليش داير فيها هكي ليييش
خالد: هذي ماعاد قاعدة في امها بنلوحها عند عمها هذا المكان يلي تبيه هيا
رهف: جي منير نوضني دخلني لدار طلعت عبايتي ولبستها وطلعت لقيته امقعمز وايدخن وكان وجه مايتفسر رفعني منير لي حوش عمي نحمد في ربي انّ عمي تغيرت معاملته معاي هو مرته كان هذا وين بنمشي طلعت واني الدمعة في عيني خشيت وبكيت لييييين طاب خاطري حاولو يفهمو مني مابيتش انتكلم لاني اني بروحي مش فاهمه هو ايقول خاينه واني مادرت شي وقعدت ع الحال هذا اسبوع لا ناكل ولا نشرب ورانيا كل يوم اتجيني خبرها منير عليا ورندة طبعا فرحانه بالانجاز يلي داراته وخالد حابس روحه في الشقة لا طلعه لا خشه دايرها ع الدخان بس وجعتني منه كيف ايشك فيا😔😔😔 في يوم جتني رانيا اتخفف عليا وبتغصبني ناكل
رانيا: كولي ياهوفي والله شغلتيني عليك ماعاد نرقد كيف الناس حتي منير قالي مشغول عليها كل يوم يسأل عليك
رهف: دوب مانتكلم ماعندي جهد والله ماخاطري وقت انجوع ناكل بروحي
بدرية: مش حاله هذي تبي تغدية انتي
ع احلام: عمك يسال عليك يارهف وهو بروحه مريض وانتي زدتيه
رهف: تو انوض انشوفه بيش يطمن عليا.. واني بنوض الدنيا دارت بيا بعدها ماعاد نعلم بشي ليين لقيت روحي في المستشفي لقيت ع احلام ورانيا حداي اني وين
رانيا: انتي في المستشفي هذا قلة لوكال
رهف: من جابني
رانيا: اني كلمت منير جي وجبناك
رهف: باهي خلاص حالي باهي نبي نطلع وبنوض شدتني ع احلام
ع احلام: لالا وين نايضة الدكتور قال لين انمر عليها شوي وايجي اصبري..
