#عوضني_بيك
الحلقة 13
خالد: امقعمز انراجي فيها جتني مرت عمها قاتلي تعبانه وراقده عارفها كذب ماتبيش تطلعلي وعندها الحق ماتطلعليش يلي درته مش شوية عصبيتي وغيرتي خلني مانشوف شي قدامي طلعت واني راسي في دوامه كيف بنحلها توا هذي كيف انرضيها....
~~~~
رندة حصلت طريحة من خوتها قريب قتلوها وخدو منها تلفونها وحرموها من الطلوع وامها كلمت ع سالمة اتعارك ع خالد ع اساس تبلى عليها وبنتها بريئة ومادارت شي ع سالمة رعشت كلمت خالد قاتله تعالي
خالد: نعم ياامي
ع سالمة: شن قصة رندة بنت عمتك
خالد: انتي من خبرك
ع سالمة: كلمتني عمتك واتعارك قالت انت كاذب عليها وكلام واحد
خالد: بنتها كان انشدها نقتلها ياامي هذي فرقت بيني وبين مرتي رهف حرجانه في حوش عمها
ع سالمة: خبطت يدها ع صدرها هييييي من امتي وخيرك ماتقول حتي وين انكلمك ننشد عليها اتقول حالها باهي
خالد: رندة............... حكيتلها كل القصة
ع سالمة: حي عليا ياحشمتي ضربتها ان شاءالله😲😲😲
خالد: ياامي ماتزيديني علي مابيا بروحي مش حامل روحي مشيت بنردها مابت تطلعلي وين منير
ع سالمة: في داره قاعد
خالد: انتي ماتبي شي بنخش انشوف منير شوي وطالع
ع سالمة: دير راي بيش اترد مرتك بس
خالد: ايصير خير ان شاءالله وعديت....
~~~~
رانيا: هلا حبيبي كيف حالك
منير: تمام كيف حال رهف اليوم
رانيا: باهي الحمدلله اليوم جاها خالد
منير: والله ماقالي باهي شن صار
رانيا: ماصار شي مابت تطلعله اني خايفه ع البيبي اتصيره حاجة
منير: بيبي شنو قصدك رهف حامل
رانيا: 🤦♀️🤦♀️🤦♀️
منير: رانيا انكلم فيك ردييي
رانيا: اي بالله عليك ماتقول لي حد امحلفتني مانخبر حد وراس امك حبيبي
منير: كيف حاجة كيف هذي ماتخبرش عليها..
خالد: جيت نبي منير بنسأله اكيد ايكلم في رانيا نبيه يسألها ع رهف شن حالها وكيف دايره وقفت ع باب الدار بنفتح سمعت الكلام يلي قاله منير
منير:بيبي شنو قصدك رهف حامل
خالد: الكلام جي في وذني طووول طلعت نجري ركبت السيارة وانخبط ع الدومان كيف ماتخبرنيش كييف انييي باته هذاا ولدي لي امتي ناوية بتدس عليااا مشيت لي حوش عمها مرة تانية....
~~~~
رهف: جتني ع احلام بعد ماطلع خالد
ع احلام: طلع وهو فاصل كان ريتي شكله كيف امولي يوجع
رهف: 😢😢😢 ماهو كيفي اني ... قعدت ع احلام والبنات حداي ايهذرزاً قعدنا نسمعو في الباب ايخبط طلعت ع احلام بتفتح
ع احلام: خير خالد في شي
خالد: نبي رهف ناديها ليا كان مش طالعة اني انخشله كنت انتكلم والعصبية باينه عليا
ع احلام: شوي بس جتني وهيا خايفه نوضي شوفي راجلك قال كان ماطلعت اني انخشلها شكله ايخوف
رهف: خفت شوي بعدها قويت روحي ونضت بنمشيله بنحسم الامر خلاص تعبت منه الحال هذا نبي ننسى ونبي ننساه هو خشيت للمربوعة واني انكر في روحي كر لقيته واقف وعاطيني بالظهر اول ماسمعني خشيت تلفت هذا خالد ناقص لي درجة ماتتصوريهاش اسبوع خلاه هكي واللحية كبرة خشيت طول قعمزت
خالد: صح اني غالط ونادم ع الشي يلي درته لكن مش لدرجة اتدس عليا انها حامل اول ماخشت لاحظت عليها تاعبه وجها شاحب المرض امأثر عليها.... كيف حال ولدي
رهف: اول ماقال كيف حال ولدي كأن حد صب عليا امية امثلجة رديت بكل برود... الحمدلله
خالد: امتي ناوية اتخبريني ان شاءالله😏😏😏
رهف: مش ناوية انخبرك
خالد: بعد كلمتها هذي نار ركبت فيا... اني باته كيف ماانتي امه ليا الحق كيف ماليك الحق😠😠😠
رهف: انت قاسي بلا رحمة كيف انخليك اتربي ولدي كيييف 😭😭😭طلقني ماعاد نبيك مش اني خاينه طلقني خلاص نبي انربي ولدي بروحي مانبي حد😭😭😭😭
خالد: تحلمي اتربي ولدي انتي تبي الطلاق خلاص لكن ولدي يتربى عند باته سمعتي عند باته من يوم وغادي ماكلتك ودواك ومراجعاتك في العيادات اني انتكفل بيهن مش ع شانك ع شان ولدي ونضت بنطلع تلفتلها وقلتلها لما ايجي ولدي ع الدنيا ولدي يوصلني وورقتك توصلك وطلعت وخليتها..
رهف: 😭😭😭😭 ليش اني حظي هكي من دون الناس خشيت طول لدار كنت منهاره بشكل مش طبيعي ع احلام والبنات خافن اتصيرلي شي 😭😭😭ياربي خودني ياربي حتي ماكلف ع روحه اعتذر والا فهمني شن الموضوع يلي خلاه ايدير هكي جت في بالي طول رانيا كلمتها وجتني
رانيا: خيرك بسم الله شن صاير معاك
رهف: خالد عرف اني حامل من خبره
رانيا: 😔😔😔اااااااني طلعت مني بالغلط والله
رهف: ومنير خبر خالد
رانيا: لالالا والله قالي ماني امخبره خليها هيا اتخبره كنت جاياتك اليوم نقنعك اتخبريه لكن مش عارفه تو انكلم منير ونسأله
رهف: بياخد مني ولدي يارانيا😭😭😭😭😭
رانيا: خلاص حبيبتي انتي مريضة اتزيدي روحك تو تنحل ان شاءالله...
