#عوضني_بيك
الحلقة 7
خالد: باهي كملي
رهف: وبس عارف انك انت اول حضن يحضني بعد موتت باتي لاجدي ولاعمي ولاخالي مافيش حد طبطب عليا والا هون عليا غياب باتي عشت ع القسوة والحقد بس اني عمري ماقسيت ع حد ولا حقدت ع حد
خالد: هيا اتكلم واني انشوف فيها لي درجة حفظت ملامحها حفظ عطرها قاعد في خشمي بس ماحبيتش انوضحلها ان قلبي قعد ايميل ليها لكن حلمي ومستقبلي وشغلي قاعد غالب ع عقلي
رهف: وانت
خالد: شنو
رهف: حسيت عندك كلام وانت قتلي نبيك
خالد: قعدت انحك في راسي اني اول ماخطباتك امي واني مش راضي عليه الموضوع وحسب كلامك انتي ماتبيش فاخلينا نتفقو اتفاق انراعو بعضنا وانسايرو بعضنا هالشهرين..
رهف: كل كلمه ايقولها قلبي ايتقطع معاها قعدت انراجي في النهاية
خالد: بعدها كل واحد ايعدي ع حاله رفعت راسي واني عاقد حواجبي يمكن احسن ليك وليا
رهف: اي احسن نضت هي تصبح ع خير مشيت واني شاده بكيتي مانبيش نبكي حداه تو ايقول ميته عليه اول ماخشيت الدار وصكرتها طووووول الدموع نزلاً😭😭😭😭😭
خالد: غمضت عيوني من الغيض شن درت اني نضت لحقتها نسمع فيها تبكي اففف اف كيييف الراي كييييييف الراي قعدت انخبط ع راسي يااااربي..
رهف: بكيت بكيت عقلي ايقول ليش تبكي يمكن الراجل عنده حبيبه وانتي خشيتي في النص وقلبي ايقول لكن حسيت بحنان باتي يمكن اسمه حب لالالالا شنو حب بين يوم وليلة باهي شنو ايقولو عليه هذا انحس في حاجة ناقصتني يلي ماريتش صورة باتي قبل نشكيله قبل مانرقد😢😢 ااااه قعدت انفكر لين نعسسست😴😴😴
خالد: امتديت ع الكنبة حاط ايدية تحت راسي وانكرر في اسمها رهف ر ه ف هذا شن اسمه ياخالد قعمزت سلبت التيشرت امتاعي قعدت انشم فيه عطرها عالق فيه اااأه لوحته ع الكنبه يلي حداي ورقدت😴😴
~~~~
ع احلام: ريت بنت خوك ناكرة الجميلة لاقالت انشوف عمي لا ننشد عليهم شي
ع مفتاح: غير اتشد حوشها مانبي منها شي ماصدقت تفكيت منها ومن حملها
بدور: جت من المطبخ وااااك ياماما عييت اني ضمي طيبي اغسلي والله ماعاد فيا جهد جيبو خدامة والا ديرو رايكم ايوه
ع مفتاح: شن يلي تغير عن قبل ماهو نفس الشي
بدرية: تغير واجد قبل رهف هيا يلي اتدير في كل شي وعمرها ماشكت وتوا رهف ماهي قاعدة😂😂😂😂
ع احلام: نننوضاً من وجهي تعاركاً بعيد اشرب اشرب شاهيك يامفتاح صقع وكمل فطورك🙄🙄🙄
~~~~
خالد: هاااا يانم في حد ايرن هالوقت انتكلم وعيوني امغمضات
نوري: اسفين ياعريس غير نبي ملفات المناقصة الاخيرة قالو خالد كان ايكمل فيها ضروري نبيهاً
خالد: خش لمكتبي تاني درج تلقاهن فيه وجهك خليني انكمل نومي
نوري: هههههه قول خليني انردها لي حضني
خالد: ههههههههههههه والله خيرلك راهو
رهف: اني طالعة من الدار نسمع فيه ايوشوش ونسمع في ضحكته هه اكيد يصبح ع حبيبت القلب خشيت للحمام وقربعت الباب ع قوه
خالد: ماشي سلام.. هذي خيرها بتكلب افففف عليك صبح نضت خشيت للحمام التاني طلعت لقيتها اموتيه الفطور صباح الخير
رهف: صباح النور
خالد: لاحظت عليها تعبانه وعيونها من لبكي لين امنفخات قلت انغيرلها جوها شن رايك اليوم انتغدو برا
رهف: حقااا😍😍😍
خالد: اي عادي توا طالع شوي تاني وانجيك وتي روحك كملت فطور الحمدلله واني طالع خطر عليا ناخد رقمها بيش انكلمها رديت عطيني رقمك بيش انرن عليك
رهف: 😔😔ماعندي تلفون
خالد: عادي مش مشكلة هيا سلام توا
رهف: سلام
خالد: طلعت واني مستغرب كيف بنت في العمر هذا ماعندهاش تلفون هالبنت كل مرة نسمع عليها شي توجعني
