#عوضني_بيك
الحلقة 14 ماقبل الاخيرة
خالد: انزلي نتفاهمو
رهف: لاا ردني للحوش مانبيش ننزل
خالد: استهدي بالله وانزلي بعدها نرفعك لي حوش عمك
رهف: ماننزلش للحوش يلي لزيتني منه😭😭😭😭
خالد: خلاص اسسسس انيي تعببت تعببببت نادم والله نادم خليني انفهمك بلي صار بعدها يلي تبيه انديره هيا
رهف: نزلت ورقيت لشقة وهو وراي جي فتحلي الشقة وخشينا كانت الشقة مقلوبة قلب جيت حولت دبشه من الكنبة وقعمزت جي قعمز حداي
خالد: يوم يلي صارت فيه المشكلة مسحت ع وجهي كنت في العمل جتني رسالة فايبر فتحتها كانت صورة دردشة بينك وبين رقم تاني وبعدها جتني صورة مدة المكالمة من نفس الرقم لما روحت وخديت تلفونك لقيتهن في تلفونك لقيتهن وقعدت نخبط ع راسي بيدي وبكيت لي اول مرة نبكي قدام حد والاخص قدام مراء شبحت فيها كانت صدمة ليا انتي لو كنتي مكاني شن كنتي درتيي قووولي كنتي درتي نفس الشي...
رهف: اني نسمع وانشوف بس مادرتش ولا ردة فعل كانت صدمتي كيف خالد يبكي كان موقف صعب...
خالد:كانت رندة هيا يلي امخططة كل شي تبي اتفرقنا تكلمي قولي شي ماتقعديش ساكته هكي بردي قلبي 😠😠😠
رهف: اني مانظلمش حد لو كنت مكانك كنت سألت قبل كنت فهمت وصوتي قعد يعلى بشوي وشهقاتي تعلة😭😭😭 ماكنت درت يلي درته انت هنتني ضربتني يلي داراته مرت عمي في عشرة سنين انت درته في يوم جرحتني من داخل قبل لا اتخلي امارات في جسمي وبعدين مش اني يلي انخون مش اني يلي اندير شي هذا... ناض خالد وجاني بيحضني بعدته عني قتله وين تلفوني
خالد:هذا تلفونك وشوفي بعينك
رهف: جابه ليا قعدت انفتش انشوف في الرسايل قعدت نذكر نفس التاريخ يوم يلي تلاقينه مع عمته في حوش اهله ونفس الوقت يلي قعدت اندور في تلفوني جاباته ليا رندة قاتلي لقيته في المطبخ لي هالدرجة وصل بيها الحقد
خالد: اني انحبك ومن حبي ليك ماتحملت يلي شفته
رهف: كل كلمة تطلع من فمه اتقطع في قلبي نبي انقرب منه انواسيه بس حتي اني نبي من ايواسيني نضت نبي انروح لي حوش عمي
خالد: حاولت انفهمها حاولت انراضيها بجميع الطرق بس مافيش فايدة عارف روحي غالط لكن مش بيدي نضت خديت المفاتيح وطلعت
رهف: اول ماطلع طلعت وراه مافيش واحد نطق بكلمة...
~~~~
ع احلام: بدرية رهف خيرها طولت
بدرية: ماني عارفة ياامي انكلم رانيا اتكلم منير تشوفه خيرهم طولو
ع احلام: كلميها شوفيها
بدور: رهف رفعها راجلها
ع احلام: امتي مش عندها مراجعة اليوم
بدور: اي هيا اتراجي في منير لما فتحت الباب لقيته خالد قالي قوليلها هيا وماتقوليش خالد
بدرية: حي كان مادارلها شي
ع احلام: شن بيديرلها اكيد بيصالحها
بدرية: ياريت😍😍😍
~~~~
رهف: طلعنا بالسيارة وخالد ايسوق هو طايرتله من كتر ماهو متعقد يجري و مش قادر يتحكم في السواقه..
خالد: عقلي مش عليا نرفزتني بعد كل الاعذار يلي قلتهن واعترفت بغلطي مش راضية اتسامح كنت نجري وعيوني ناااار مش قادر انركز فجأة قصت قدامي سيارة قعدت انلف بالسيارة يمين ويسار بعدها قدرت انتخطاها الحمدلله ورهف قلبتها عياط واني الحق خفت عليهم مجرد مانفكر بفقدان رهف ننجن وقفت السيارة اول ماوقفت حضنتني رهف وهيا تبكي
رهف: ماتموووت ياخالد ماتمووت كيف باتي بالله عليك خليك معاااي😭😭😭😭 انيي انحببك والله سامحتك والله ساامحتك😭😭😭😭
خالد: الروح ردتلي بعد حضنتها قريب دخلتها في قلبي... نوعدك ماعاد انزعلك😢😢😢 حتي اني انحببك وانموووت فيك ياعمري انتي ياام وليدي
