عندما يعشق الرعد(رحم للايجار)

Part 4

فى شركه رعد.
فى مكتب رعد.
وليد خبط ودخل:رعد بيه حازم رشدى برا ومنتظر حضرتك.
رعد عقد حاجبيه:هو واخد ميعاد.
وليد:لا مش واخد حضرتك تحب اعتزر له.
رعد ابتسم بخبث:تؤتؤ بس خليه عندك شويه نص ساعه كده ودخله.
وليد:تحت أمرك عن إذن حضرتك. وخرج وليد وفعلا انتظر نص ساعه ودخل حازم رشدى.

حازم رشدى طول عمره بيكره رعد وكانوا مع بعض فى الجامعه ولما اتخرجوا وكل واحد فتح شركته وزادت العداوة بينهم ومبقتش غيره شباب وخلاص،لا دى بقى تحدى ومنافسه طاحنه فى سوق رجال الأعمال وحازم بيكره رعد وعدى وبيحقد على صداقتهم ووقوفهم مع بعض من زمان وحاول كتير يوقع بينهم بس كل مره بيفشل.

تعالوا نرجع للمشهد:
حازم دخل وهو فى قمه غضبه من إصرار رعد على انه يعامله بازدراء.
حازم:هى دى المقابله إللى بتقابل بيها صديق الدراسة ومنافسك اللدود.
رعد رفع عينه ليه ببرود وثقه:أولا احنا عمرنا ماكنا أصدقاء،ثانيه انت عمرك ماتقدر تنافسنى لأن ببساطه لسه بدرى عليك علشان تنافس رعد الحديدى.
حازم:بيحاول ميبينش غيظه من رعد:اممم افهم من كده اننا مش بنتنافس على صفقه المعدات الثقيلة.
رعد بسخريه:هههههههههه نتنافس ماقولتلك انت مش قدى والصفقه دى هخدها زيها زى غيرها من غير منافس.
حازم:والاتفاق إللى كان بينا.
رعد:انا اتفقت معاك على حاجه؟؟محصلش انت بتحلم اوى.
حازم:كده ماشى يارعد انا هوريك مين حازم
رشدى.وخرج حازم وهو فى قمه غضبه وبيتوعد رعد بكل دمار.

ابتسم رعد ومسك الفون واتصل بغرام سكرتيره حازم الخاصه.
غرام:مش ممكن رعد باشا بنفسه بيكلمنى لا كده كتير عليا او كده كتير.
رعد بينه وبين نفسه**فعلا كتير أوى على واحده زيك إنى ابصلها أصلا مش اكلمها**
المهم لا كتير ولا حاجه أنا بس عايز أقولك ان معادنا زى ماهو فى الفندق بس المهم أعرف تطورات حازم أول بأول.
غرام:انا لما الفندق كلمنى وقالى أنك اكدت الحجز مصدقتش نفسى أخيرا عرفت اوقع رعد الحديدى بجلاله قدره.
رعد بيجز على سنانه فى نفس الوقت بيحاول يهدى:آه شوفتى بقى معجزه المهم حازم كان عندى وخرج على أخره لو فكر يعمل حاجه أنا مستنى منك تليفون.
غرام:أوك يا باشا ولا هخليه يغيب عن عينى لحظه إلا انت يا حبيبى.
رعد بقرف فى نفسه:حبك عزرائيل يا شيخه احممم طيب انا هقفل دلوقتى اى تطورات فى الصفقه تكلمينى والمبلغ إللى طلبتيه اتحول فى حسابك خلاص.
غرام:تمام يا باشا فاضل إللى اهم من الفلوس إنى هكون موجوده فى الجناح مستنياك قبل الميعاد.
رعد:لا انا إللى هكون مستنيكى سلام

قفل رعد وهو بيسب ويلعن فيها وفى كل من هى على شاكلتها فونه رن لقاه توفيق.
رعد:نعم خير.
توفيق:انت يا بنى آدم بقالك أسبوعين لحد دلوقتى ولسه مروحتش للدكتور هادى انت إيه البرود إللى انت فيه ده.
رعد ببرود:قولتلك انا هروح بمزاجى ملكوش دعوه لما احب أروح هروح وبعدين هو مين فينا إللى هيديله العينه انا ولى انت.
توفيق:انت فعلا عايز إللى يربيك.
رعد:انا هقفل علشان مخنوق سلام.