فى فيلا الحديدى..
مها:أنا هتجنن يا جدو البيه بقالو
أكتر من أسبوعين مختفى ومحدش
عارف هو فين.وكل ماسأل عدى
يقولى مسافر ومقلش.راح فين بس
توفيق:وأنتى قلقانه ليه.ماهو ياما
سافر فجأه ورجع فجأه.ومبيقولش
هو كان فين.
مها:بس انا مش مطمنه.كمان
الزفته دى مش موجوده فى الشقه
إلى رعد مقعدها فيها.كل لما أروح
ملقيش حد.
توفيق بشك:إنتى قصدك إيه.
مها بغيظ:قصدى إللى فهمتوا يا
جدو البيه شكله مع الهانم.
توفيق:مستحيل.لا رعد ميعملش
كده.
مها:أومال تسمى ده بإيه لا هو ولا
هى ليهم أثر.
توفيق:طيب إنتى كلمتيه أخر مره
إمتى.
مها:لسه من شويه وبردوا تليفونه
مقفول.والله ياجدو لو كانت معاه
لقتلها ولا هيهمنى حامل ولا هباب.
توفيق:إهدى يا مها.ولو إللى بتقوليه
ده طلع صحيح.تبقى البت دى
جانت على نفسها.
مها:أنا هجرب اكلمه تانى...جدو
جرس.
توفيق:طيب شوفى هيقولك إيه.
مها:..الو أيوه يا رعد انت فين
قلقتنى عليك.
رعد وهو نايم على رجل همس
وبيبصلها ومبتسم:أنا بريح أعصابى
يومين عندك مانع.
مها:طيب ليه مأخذتنيش معاك.
رعد وهو بيملس على خد همس
=بقولك بريح أعصابى عاوزانى
أخدك أنا كده مرتاح على الأخر.
مها بعصبيه:وياترى بقى لوحدك ولى
معاك حد.
رعد باس ايد همس:وأنتى مالك
ياريت متتجاوزيش حدودك.انا
رديت عليكى بس علشان لقيت
رسايل ليكى كتير.
مها:طب انت فى مصر ولى برا مصر
رعد:مها اظن إنتى واخده بالك إنى
بكلمك من شبكه مصر.مش محتاجه
زكاء.
مها:طيب أنا عاوزه أشوفك.
رعد:يومين كده وراجع.
مها:طيب هى همس فين.
رعد بص لهمس:وأنتى بتسألى عن
همس ليه.
همس ارتبكت وخافت.
رعد شاورلها تهدى ومسك ايديها.
مها:أبدا أصلى روحتلها كتير مش
موجوده.
رعد بتحذير:لو يا مها اتكررت تانى
وروحتى لهمس هتشوفى منى إللى
عمر ماشوفتيه.أنا عايز ولادى
يجوا على خير.وانتى بتهدى كل
حاجه بغباء.وانا قولتلك ومش
هكرر كلامى تانى.
مها:أنا بس عاوزه اطمن عليها كمان
هادى عاوزها علشان يعملها سونار.
رعد:لما أرجع أنا هوديها وأنتى
ملكيش علاقه بالموضوع ده نهائى
مفهوم.
مها:طيب هى فين.
رعد:عند أختها لحد ما أرجع.ولى
عاوزانى اسيبهالك علشان تروحيلها
تانى وتبهدليها.
مها:هى الهانم اشتكتلك.
رعد:لا هنا إللى حكتلى.وأنا
حذرتك لو ده حصل تانى إنتى حره
استحملى إللى هعمله فيكى.سلام
بقى أنا مش فاضى دلوقتى وقفل
رعد.
بس همس كان شكلها خايف
ومتوتره.وبتفرك فى إيديها.
رعد قام من على رجليها وقعد
قصادها ومسك ايديها لقاها ساقعه
مالك يا قلبى فى إيه ليه خايفه كده.
همس بقلق:أااصل أنا بتوتر من مها
أوى وبخاف منها.
رعد شدها لحضنه.وطبطب عليها
أوعى تخافى ياروحى إنتى مراتى
وحبيبتى.ومش ممكن أخلى حد
يأذيكى وانتى بتشوفى بنفسك أنا
مش بسمح لحد يزعلك.
همس عيطت ورفعت وشها ليه:بس
أنا خايفه يفرقوا بينا زى مافرقوا
بين باباك ومامتك.
رعد أبتسم ومسح دموعها.
مستحيل أنا عمرى ماهسمح لحد
يبعدك عنى يا همس.ولو إنتى عايزه
تبعدى عن اللعبه دى انا مش هلومك.
وهعلن جوازنا وأخلى انتقامى من
توفيق بعيد عنك وعن ولادنا.
همس:لا يا حبيبى أنا مقصدتش
كده.انا معاك فى أى حاجه وتحت
أمرك وعمرى ماهعترض على حاجه
حتى لو هتأذى ده مش مهم أنا
كل إللى يهمنى إنى مبعدش عنك.
وتفضل معايا وبس.
رعد أبتسم وباس إيديها:وأنا أوعدك
هتفضلى معايا وتحت عينى مش
هسيبك.ممكن نهدى بقى.
همس ابتسمت وهزت رأسها.
رعد:طيب حبيبه قلبى ممكن تجهز
بقى علشان عندى ليها مفاجأه حلوه.
همس بفرحه:مفاجأه إيه تانى.
رعد:هعزمك النهاردة على الغداء
فى مكان جنان مش هنتغدا فى
الفندق.يالا قومى البسى بسرعه.
همس:حاضر.
أنت تقرأ
عندما يعشق الرعد(رحم للايجار)
Romanceللكاتبه ريحانه الجنه عندما تظن أن جميع الأبواب مغلقه وتشعر أنك تختنق وتفعل ما لم تفكر يوما فى فعله ولكن ياتى من ينقذك من حيث لا تعلم. رعد:هو رجل شديد الوسامه وشديد الغضب ويكره الخطأ ومن طبقه الأغنياء فى المجتمع. همس:هى رقيقه طيبه وجميله مليئة بالهمو...
