وعدى 3أيام على سفر رعد وكان كل
يوم يكلم همس أكتر من مره وطبعا
المكالمة مبتخلاش من كلام رعد إللى
بيكسف همس ولا نظرات الحب إللى
باينه عليهم الإتنين. وكمان هنا وعدى
بينهم مكالمات كلها هزار وضحك
بيخبى وراه مشاعر وحب.
فى شرم الشيخ.
رعد وعدى بيتغدوا. ورعد تليفونه رن
رعد:ألو.... أيوه يا مروان فى
حاجه.
مروان:أيوه يا رعد باشا أنا بس ببلغ
حضرتك إن مدام مها جت عند مدام
همس.
رعد بعصبيه:إيه وهى جايه ليه.
مروان:والله مش عارف. هى
إتفاجئت بيا عند الباب. وسألتنى
بعمل إيه هنا. قولتلها أوامر رعد
باشا. ودخلت هى ومعرفش إيه
إللى بيحصل جوا.
رعد:طيب أقفل انت دلوقتى.وخلى
بالك من همس أوعى حد يقربلها لو
توفيق نفسه انت فاهم.
مروان:متقلقش حضرتك.
عدى:فى إيه مالها همس.
رعد بغضب:مها راحتلها اكيد لقتها
فرصه إنى مسافر وراحت تستفرد
بيها. بس ورحمه أمى لو اذيتها لمحيها
من على وش الدنيا هيا وجدها.
عدى:إهدى بس مش هتوصل لكده
هى بس تلاقيها غيره ستات.
رعد:غيره. وهى تعرف إيه عن إللى
بينى وبين همس علشان تغير.
عدى:يا خلبوص انت مفضوح. إللى
يشوف نظرتك لهمس بيفهم على
طول.
رعد:ههههههه لا بجد باين أوى إنى
بحبها.
عدى:باين بس. ده انت عاشق والهان
يا صاحبى.
رعد اتنهد:قريب إن شاء الله اخلص
من توفيق وأعلن جوازى منها
وأعيش معاها من غير قلق.
عدى:أنا مش عارف دماغك الناشفه
دى هتوديك فين. إنى يا رعد
وعيش حياتك.
رعد:على جثتى إنى أسيبه لازم
أدوقه من نفس الكأس إللى شربه
لامى ده عهد اخدتوا على نفسى من
يوم ما ماتت ومش ممكن أنسى أبدا.
عدى بنفاذ صبر:ربنا يهديك.
رعد:بس انا قلقان على همس. أكيد
مها هتقولها كلام سم وماسخ زيها
وهمس غلبانه ومش بتعرف ترد.
وهتقعد تعيط وتحرق فى دمها. ربنا
يحرق دمك يا مها إنتى وتوفيق فى
ساعه واحده.
عدر:انت ناسى إن هنا معاها.
رعد:اه صحيح. تفتكر تهدى
الموقف.
عدى:لا هى مش هتهدى دى هتولع
الدنيا هنا وانا عارفها. بس لصالح
همس. هى دى إللى هتظبط مها.
رعد:طيب أنا هتصل بهمس اتطمن
عليها.
عدى:لا مش دلوقتى متخليش مها
تشك فيك أكتر من كده. أنا بعد الغدا
هكلم هنا وأعرف منها كل حاجه.
فى شقه همس...
همس وهنا قاعدين فى الليفينج
بيتفرجوا على الT.V وبيضحكوا
والجرس رن والشغاله فتحت لقيت
مها.
الشغاله:مين حضرتك.
مها بقرف:وانتى تبقى مين.
مروان:احمم. دى الشغاله يا مدام
مها. وانتى يا سميره دى تبقى مها
هانم الحديدى مرات رعد بيه.
سميره:أنا أسفه لحضرتك. أتفضلى.
مها دخلت بقرف وعصبيه:وكمان
البيه جايبلها شغاله وموقف بادى
جارد على الباب ليه. كل ده علشان
البتاعه دى. روحى اندهى للى إسمها
همس دى بسرعه.
سميره:حاضر ثوانى.
فى الليفينج...
سميره دخلت:مدام همس.مدام مها
الحديدى برا وعايزه حضرتك.
همس وقفت وهى خايفه وبتفرك
فى ايديها:مها ربنا يستر.
هنا:مالك خايفه كده ليه.
همس:إنتى أصلك متعرفيهاش
كل لما تشوفني تسمعنى كلام زى
السم وبصراحه أنا بخاف منها أوى.
هنا:اممم. ولى يهمك المره دى إحنا
إللى هنحرق دمها تعالى معايا
واسمعى إللى هقولك عليه.
خرجت هنا إنها لوحدها.
هنا:أهلا مدام مها.
مها بصتلها من فوق لتحت بكبرياء:
وانتى تبقى مين إنتى كمان.
هنا:أنا هنا صاحبه همس. وقاعده
معاها علشان اطمن عليها. حضرتك
عايزه حاجه ابلغهالها.
مها:ليه وهى فين الهانم.
هنا:نايمه فى السرير. تعبانه حضرتك
عارفه بقى الحمل وتعبه. اه أسفه
حضرتك مجربتيش. مش هتعرفى.
مها اتغاظت من هنا:والله لا إذا كان
كده انا أدخلها واشوفها بنفسى.
هنا:يا سلام تنزلى. أتفضلى معايا.
أنت تقرأ
عندما يعشق الرعد(رحم للايجار)
Romanceللكاتبه ريحانه الجنه عندما تظن أن جميع الأبواب مغلقه وتشعر أنك تختنق وتفعل ما لم تفكر يوما فى فعله ولكن ياتى من ينقذك من حيث لا تعلم. رعد:هو رجل شديد الوسامه وشديد الغضب ويكره الخطأ ومن طبقه الأغنياء فى المجتمع. همس:هى رقيقه طيبه وجميله مليئة بالهمو...
