فى شقه همس ورعد
همس قاعده على الكنبه في اوضه
النوم بتعيط. رعد شافها كان زعلان
علشانها. بس فى نفس الوقت
مبسوط وفرحان لأنها زعلانه إنه
هيبعد عنها ويسافر. قرب منها وقعد
جنبها وحاوطها بإيده.
رعد:ممكن أعرف بتعيطى ليه.
همس نفسها تقولوا:علشان هتبعد
عنى علشان هتوحشنى علشان مش
هقدر اعيش يوم من غير ما أشوفك
بس مش قادره تقول كده. فضلت
تعيط وساكته.
رعد أبتسم لأنه عارف إنها مكسوفه
امم مش بتردى ليه. مالك يا همس
همس بتحاول تبطل عياط:أبدا
مفيش أنا كويسه.
رعد لف وشها ليه وبص فى عنيها
تؤتؤ إنتى مش كويسه إنتى زعلانه.
علشان أنا مسافر صح.
همس بخجل:اااصل يعنى اااانا
مليش غيرك وكمان أصل..
رعد حس بكسوفها:شششش خلاص
أنا فاهم. بس مش عايزك تضايقنى أنا
مش هتأخر هم 3أو 4 أيام وأرجع
بسرعه. وزى ما قولتلك هنا إللى
بتشتغل عندى فى الشركه جايه مع
عدى دلوقتى علشان تقعد معاكى.
لحد ماانا ارجع.
وهنا اتكلموا بلغه تانيه غير الكلام
لغه العيون إللى فعلا بتعبر وتقول
عن كلام كتير منقدرش نقوله من
خوفنا أو من خجلنا. بس العيون
بتقدر توصفه.
همس بصتله وكان نفسها تقوله. لو
الدنيا كلها جنبى وانتى مش موجود
هفضل حزينه وتعبانه لحد ما
ترجعلى تانى.
رعد:كان هو كمان بيبصلها. ونفسه
يقولها:هتوحشينى يا اغلى حبيبه. يا
أول حب عدى عليا. بحبك بحبك
أوى.
همس:اكنها سمعت كلام عنيه. وردت
بعنيها:بحبك بحبك يا رعد معرفش
ازاى وأمتى. لكن فجأه لقيت نفسى
بحبك.
رعد شافها فى عنيها وحس بيها
وقرب منها وحضنها.
همس حضنته هى كمان. ودى مش
عادتها لما كان رعد بيحضنها كانت
بتتكسف وتبعد. بس لأنها خلاص
حبته وكمان عاوزه تشبع منه قبل ما
يسافر. مكنتش قادره تبعد ولا تقاوم
حضنته أوى
رعد ضمها أكتر وهو فى منتهى
السعاده. وإبتسم. وهو لسه
حاضنها وهمس فى ودنها. على فكره
هتوحشينى يا همس.
همس قلبها دق وهى بتسمعه.
وخرجت من حضنه وبصتله. وكانت
عايزه تسألوا. على الكلام إللى قالها
إنه هيقولوا لما يرجعوا البيت.
رعد وهو بيمرر ايده فى شعرها.
همس أنا عارف إنك جواكى أسأله
كتير وعايزه تسأليها. بس أحب
اطمنك إجابات الأسئله دى كلها
عندى. بس لما أرجع من شرم الشيخ
هنقعد ونتكلم. وتفهمى كل حاجه
اتفقنا يا همس.
همس هزت رأسها:اتفقنا.
رعد أبتسم ومسح دموعها:بس
عايزك توعدينى إنك متعيطيش تانى
حتى وانا مش موجود ممكن.
همس ابتسمت:ممكن.
رعد قرب منها وباسها بلهفه
وشوق. كان عايز يودعها لأنه فعلا
هتوحشوا.
بس تليفون رعد رن..
همس بعدت وهى مكسوفه وبتعدل
شعرها ورا ودنها.
رعد أبتسم واخد التليفون ورد:ألو
عدى:أيوه يا رعد هنا طالعه
عندك وأنا هستناك تحت. ياريت
متتأخرش عليا.
رعد بس لهمس:على فكره انت
اتصلت فى وقت رخم زيك.
همس ضحكت.
عدى:هههههه شكلك كنت بتتشاقا يا
برنس. ماشى مين قدك. فاضل على
الحلو دفع ويلين
رعد:ههههههه. على فكره البنت هنا
دى عوجت لسانك أكتر ماهو معوج
عدى:ههههههه اه والله انت بتقول
فيها دى لسانها مبرد. يالا سلام.
متتأخرش. وكفياك سلامات بقى لحد
كده. المدام قايمه من عمليه.
رعد:ههههههه مبلاش انت أحسن أنا
نفسى اخنقك عليك وعلى نصايحك
ربنا يخدك. أقفل أنا نازلك.
همس عنيها دمعت تانى.
رعد:وبعدين يا همس مش إنتى
وعدتينى مش هتعيطى.
همس مسحت دموعها:خلاص والله
مش هعيط. بس ممكن تخلى بالك من
نفسك.
رعد ابتسم:حاضر إنتى كمان تخلى
بالك من نفسك. ولما اتصل بيكى
تردى بسرعه متقلقنيش عليكى. وزى
ما فهمتك لما أحب اكلمك فديو
كول هتعملى إيه.
همس:اه ما أنا فهمت.إن شاء الله
تروح وترجع بالسلامة. ربنا يحفظك.
رعد ناس على شعرها. وابتسم:إنتى
جميله أوى يا همس ودعواتك جميله
زيك.
همس ابتسمت وسمعت الجرس.
رعد:دى اكيد هنا. زى ما فهمتك
مروان هيكون موجود على الباب 24
ساعه لحد لما أنا أرجع. احتاجتى
حاجه خلى الشغاله تقولوا:إنتى
متتكلميش معاه مفهوم.
همس هزت راسها:مفهوم
الشغاله خبططت على الباب:رعد بيه
انسه هنا برا.
رعد:تمام إحنا جايين. وقام رعد
ومسك إيد همس. تعالى معايا علشان
تتعرفى على هنا.
همس هزت رأسها ومسكت إيده.
وخرج رعد ومعاه همس علشان
يسلموا على هنا.
رعد:ازيك يا هنا عامله إيه.
هنا ابتسمت:الحمد لله ازى حضرتك
يا رعد بيه. هى دى مدام همس.
رعد حاوط همس بإيده وحضنها
وإبتسم. اه هى همس. شوفتى
جميله ازاى.
همس ابتسمت وبصت فى الأرض
هنا:اه بصراحه جميله جدا ربنا
يخليكوا لبعض.
همس:ربنا يخليكى. أنا مبسوطه إنى
شوفتك يا هنا. شكلك بنت حلال.
هنا:اه وربنا بنت حلال وهتحبينى
أوى لا تقلقى.
رعد أبتسم:تمام شكلكوا كده هتبقوا
صحاب. اسيبكوا أنا بقى وأنزل للزنان
إلى تحت ده مش مبطل رن صدعنى.
هنا:والله هو مش مصدع حضرتك
وبس ده صدعنى أنا كمان رغاى
أوى.
رعد:ههههههه طيب انا بقى هقوله
هنا:مش إشكال. على مايرجع
هيكون نسى.
همس:على فكره إنتى لذيذه أوى يا
هنا.
هنا:إنتى لسه شوفتى حاجه ده أنا
هروقك وانسيكى الدنيا سيبيلى
إنتى نفسك بس وملكيش دعوه
رعد حضن همس:خلى بالك من
نفسك يا همس.
همس:حاضر وانت كمان.
رعد وشوشها:على فكره إنتى إللى
لذيذه أوى العسل مش هنا.
همس اتكسفت:هههههههه.
هنا:احممم إيه يا رعد بيه الوقت
ينفذ والطائره على وشك الصعود.
رعد:ههههههههه الله يكون فى عونك
يا عدى ليه الحق ده إنتى مصيبه.
هنا:ههههههههه هو إللى حظه وحش
وبقى جارى أعمل إيه أنا.
رعد حط ايده فى جيبه وبخبث:
جارك بس.
هنا اتكسفت:إيه اه وكمان رئيسى
فى الشغل.
رعد:هههههههه اه ما أنا قصدى كده
بردوا. يلا سلام وغمز همس وخرج.
همس كانت باصه عليه لحد لما خرج
وعنيه دمعت.
هنا قربت منها:اممم باين عليكوا
بتحبوا بعض أوى.
همس اتلغبطت:إيه ليه بتقولى كده.
هنا:أصل الحب باين عليكوا أوى.
همس:بجد باين إنه بيحبنى.
هنا:اه طبعا رعد بيه شكله بيحبك
جدا إنتى ليه مستغربه.
همس بحيره:أصلك متعرفيش إحنا
اتجوزنا ازاى وليه. مش جواز زى ما
إنتى فاهمه.
هنا سرحت فى كلام عدى ليها.
أنت تقرأ
عندما يعشق الرعد(رحم للايجار)
Romanceللكاتبه ريحانه الجنه عندما تظن أن جميع الأبواب مغلقه وتشعر أنك تختنق وتفعل ما لم تفكر يوما فى فعله ولكن ياتى من ينقذك من حيث لا تعلم. رعد:هو رجل شديد الوسامه وشديد الغضب ويكره الخطأ ومن طبقه الأغنياء فى المجتمع. همس:هى رقيقه طيبه وجميله مليئة بالهمو...
