عندما يعشق الرعد(رحم للايجار)

Part 17

فى صباح اجمل ليله عدت على رعد
وهمس.واللى كانت أول ليله ليهم
كزوج وزوجه بجد.رعد صحى وفتح
عنيه.لقى همس نايمه جنبه.ابتسم
وقرب منها وهو بيشيل خصل شعرها
إللى مغطيه وشها.
رعد:بحبك وبحب ملامحك.حتى
وانتى نايمه بحب ابصلك.كنتى فين
يا همس من زمان.يمكن لو كنت
قابلتك من زمان كانت حاجات كتير
فى حياتى اتغيرت.
وفى اللحظه دى تليفون رعد رن...
رعد:أيوه يا مزعج عايز إيه على
الصبح.
عدى:هههههههه أقول صباحيه مباركه
يا عريس.
رعد بصوت واطى:اتلم يا غبى
وبعدين انت عرفت منين يا بارد
عدى:ههههههه أبدا أصل هنا قالتلى
إمبارح إنها ظبطتلك المسائل.وكمان
سيادتك مجتش الشركه فقلت أكيد
الخلبوص كسر الدنيا إمبارح.
رعد:هههههههه يخربيت قرك.
عدى:ياعم مش بقر.بس شكلها
كانت ليله جامده.
رعد:جامده إيه بس.دى ولى الف ليله
وليله.
عدى:يا عينى على رعد باشا لما
يحب.إيه الجمال ده بس.
رعد:طيب ممكن تقفل بقى.عاوز
أشوف حبيبتى أهم من الرغى معاك.
عدى:شوف النداله تبيع صاحب
عمرك فى ثانيه كده.ماشى بس
قولى توفيق باشا ولى مها لو سألوا
عليك أقولهم إيه.
رعد:قولهم لسه فى شرم.
عدى:اممم طيب إفرض عرفه إنك
نزلت القاهرة.
رعد:بقولك إيه أنا مبحبش الصداع
انت عارف.لو كلموك قولهم
يكلمونى وانا قافل الموبايل ولما
أفتحه هبقى اتصرف معاهم.
عدى:أوك براحتك سلام يا عريس.
رعد:هههههههه سلام يا أخويا.
قفل رعد وقرب من همس وإبتسم.
رعد:كل ده نوم لا إنتى وحشتينى
ولازم أصحيكى.وقرب أكتر وباسها
بهدوء فى عنيها وخدها وشفايفها.
لحد ما صحيت.
همس فتحت عنيها ولما شافت رعد
إبتسمت:صباح الخير..
رعد:صباح النور يا حبيبه قلبى.
همس:ده طلع بجد بقى.
رعد:هو إيه يا قلبى.
همس:انت معايا وجنبى من إمبارح.
انا كنت فاكره إنى لسه بحلم زى كل
يوم.
رعد أبتسم ابتسامه واسعه:حبيبى.
لا مش حلم أنا معاكى ومش هسيبك
تانى أبدا.من النهارده مفيش أحلام
كل إللى بتتمنيه هيبقى حقيقه.
همس قامت وقعدت وعدلت شعرها
وبقلق:هو انت هتمشى دلوقتى.
رعد بخبث:اممم هو إنتى عوزانى
أمشى.
همس هزت راسها:تؤتؤ مش عوزاك
تمشى عاوزه أقعد معاك انت كنت
واحشنى أوى.
رعد حضنها أوى:وانا قاعد معاكى يا
روحى مش همشى. لحد ماتزهقى
مني.
همس:ههههههه يبقى كده هتفضل
جنبى لحد ما أموت علشان أنا عمرى
ماهزهق منك أبدا أبدا أبدا.
رعد:ههههههههه ولى أنا يا عمرى مش
ممكن ازهق منك أبدا أبدا أبدا.
همس:طيب انا هقوم أحضرلك
الفطار.
رعد وهو بيحك شعره بحيره:هو
لازم فطار.مش ممكن قهوه وخلاص
همس اتعلقت فى رقبته:لا مش مينفعش
لازم تفطر الأول وبعد كده القهوه.
رعد حاوطها بإيده وابتسم:أعتبر ده
أمر.
همس بحنيه:لا اعتبره حب وخوف
عليك.
رعد:مبلاش الحنيه دى علشان أنا
ممكن اتهور والغى الفطار والقهوة
وأسلم على العيال.
همس:هههههه.لابعينك وسابته
وقامت من السرير وراحت المطبخ
رعد عض على شفايفه:ااااه.
ياهموسه كان فين الدلع ده من
زمان ده أنا مكنتش عايش من غيرك
رعد خرج لهمس المطبخ.وراح
وراها وحضنها وباسها من خدها.
=حبيبى بيعمل إيه.
همس:بحضر الفطار لحد ما تاخد
حمام وأرجع نفطر.
رعد:تحبى أساعدك.
همس:لا ياحبيبى روح انت خد
حمام لحد ما أخلص.
رعد:أوك بس وحياتى متنسيش
القهوه.أحسن أصدع واقلب رعد
المجنون.
همس:ههههههه لا يا حبيبى مش
هنسى.
رعد وباسها من خدها تانى:أوك
وأنا مش هتأخر.وراح رعد ياخد
حمام.وهمس كمان راحت الحمام
التانى وخلصوا وقعدوا وفطروا.
وبعد الفطار همس عملت القهوه
لرعد.ودخلت بيها.
رعد كان قاعد بيتفرج على الT.V
ولما همس دخلت أبتسم ومدلها
إيده وخدها وقعدها على رجله.
رعد:وحشتينى الشويه دول يا
روحى.
همس:رعد أنا كده ممكن يغمى عليا
من دلعك ليا بجد.
رعد وهو بيلعب فى شعرها:وهو
إنتى ياروحى لسه شوفتى دلع
الدلع لسه جاى.
همس:أكتر من كده.لا أنا مستهلش
كل ده.
رعد:لا تستاهلى وأكتر كمان.
همس:طيب ممكن تسيبنى بقى أقعد
على الكنبه علشان تشرب القهوة.
رعد بمكر:بس أنا مبسوط كده.
همس:اممم طب ما أنا هقعد
جنبك أوعى بس.
رعد:أمرى لله تعالى يا حبيبتى
قعدها جنبه ونام وحط رأسه
على رجليها.
همس ابتسمت وقعدت تلعب فى
شعره.
رعد اتنهد بحزن:ياااه يا همس
فكرتينى بماما الله يرحمها.كانت
وأنا صغير تنيمنى على رجليها وتلعب
فى شعرى لحد ما أنام.كنت بحس
بحنيه الدنيا وأنا فى حضنها.
همس:الله يرحمها.
رعد:الله يرحمها.
همس:حبيبى القهوة هتبرد.
رعد قام وقعد:أوك هشربها أهو.بس
عاوزك على ما أشرب القهوة تكونى
لبستى.
همس:ليه هو إحنا خارجين.
رعد:أيوه خارجين.
همس:هنروح فين.
رعد:لأ دى مفاجأه.هتعرفيها بعدين
يالا بسرعه بس اجهزى إنتى.
همس راحت لبست ورعد كمان
ونزلوا للعربيه ورعد طلع بالعربيه
وشغل السى دى على أغنيه جنان
وكان بيبتسم وهو بيغنى معاها.
وبيبص لهمس إللى كانت مكسوفه
علشان حاسه إنه يقصد الليله إللى
عدت دى عدت عليهم ازاى.وكانت
اغنيه (أول ليله لحماقى).