فى مستشفى دكتور هادى
همس كانت فى اوضتها علشان تجهز
للعمليه. وكانت بتعيط. ورعد دخلها
وراح قعد جنبها وهو بيملس على
شعرها بحنيه.ذ
رعد:مالك يا همس بتعيطى ليه
همس كانت خايفه. ومش عارفه ليه
الفتره إللى قعدتها مع رعد كانت
حاسه بالأمان. وكانت وقتها نفسها
تخبى نفسها فى حضنه لأنها اتعودت
على قربه منها بس كانت مكسوفه
تقرب منه.
رعد رفع راسه ليها:بصيلى يا همس
بتعيطى ليه. حد زعلك فى حاجه
قوليلى.
همس بصتله وشافت فى عنيه حنين
ماشفتهاش من حد قبل كده. رمت
نفسها فى حضنه. وعيطت زياده
رعد غمض عنيه وإبتسم بفرحه
وحضنها أكتر وهو بيملس على
شعرها. مالك يا همس. انا قلقت
عليكى.
همس:أنا بس عيزاك تعرف إنى
والله مش وحشه أنا مش.
رعد قاطعها بس مش بالكلام. لكن
بقربه منها وباسها برقه ونعومه. وبعد
شويه بعيد عنها. وإبتسم وهو بيملس
على خدها:إنتى مش محتاجه
تدافعى عن نفسك لأى سبب. أنا
جنبك يا همس ومش هسيبك. لأنى
عارف إنك اتظلمتى كتير وكمان إنتى
دلوقتى مراتى وأنا عمرى ما كنت
هتجوز واحده شاكك فيها حتى لو
علشان العمليه. مع إنى قولتلك قبل كده
إن ده مش سبب جوازنا.
همس بعيون راجيه وبتتمنى تسمع
الرد إللى بتتمناه. طب اتجوزتنى
ليه.
رعد ملس على خدها بحب وإبتسم
بعدين يا همس هتعرفى كل حاجة
همس بصت فى الأرض وسكتت
رعد كان بيقرب منها تانى بس الباب
اتفتح ودخلت مها.
همس بعدت عن رعد واتحرجت من
مها.
رعد بحده:إنتى إيه إللى جابك.
مها:جايه أشوف الهانم. واطمن على
العمليه.
رعد بصوت عالى:ليه مقولتليش إنك
جايه.
مها:لأنى جيت مع جدو عادى.
رعد مسكها من دراعها بغضب:لو
اتكررت تانى وخرجتى من غير ما
أعرف. إنتى عارفه هعاقبك ازاى.
مها بغيظ من وجود همس:ممكن
نتكلم بعدين مش قدام دى.
فى الوقت ده دخل الدكتور هادى
ومعاه الممرضات علشان ياخدوا
همس.
هادى:جاهزه يا همس.
همس هزت رأسها.
هادى:تمام تعالى معايا على العمليات.
همس قامت معاهم بس من خوفها
وقلقها كانت دايخه.
رعد قلق عليها وقرب منها وسندها:
همس إنتى كويسه.
مها غارت:انت بتصدق دى بتمثل
علشان تصعب علينا ونزودلها الفلوس.
رعد بصلها نظره غضب كانت كفيله
إنها تسكتها.
همس دموعها نزلت من كلامها.
هادى:همس ممكن تهدى علشان
انتى كده ممكن ضغطك يعلى.
رعد:هادى لو فى أى وقت لقتها
تعبت تلغى العمليه انت فاهم.
هادى:متقلقش يا رعد بيه إن شاء
الله تتم على خير.
رعد مسك ايديها:تعالى أنا جاى
معاكى لحد العمليات متخافيش.
همس لمسه رعد ليها وقربه منها
إللى بيطمنها. كان كفيل إنه يهديها.
ويحسسها بالأمان. هزت رأسها
ومشيت معاه.
رعد وصلها للعمليات وكان قلبوا
بيوجوا عليها. وكان خايف عليها
من العمليه مع إنه عارف انها عمليه
سهله بس حبه ليها كان مخليه فى
قلق وخوف عليها.
رعد:اااه يا همس كان نفسى الجنين
ده يجى طبيعى لأنك مراتى مش
بالعمليه. بس معلش اخلص بس
حسابى مع توفيق وابتدى معاكى من
جديد ووقتها هتكونى مراتى قدام
كل الناس.
مها كانت جواها غيره فظيعه. وهى
شايفه قلق رعد على همس. خصوصا
وهى مستغربه من وجوده. وهى أصلا
عملت العمليه أكتر من مره بس
عمره ما كان موجود علشان يقلق.
كان جدها هو إللى بيكون معاها.
مها:رعد ممكن أعرف انت إيه إللى
جابك.
رعد:نعم؟ يعنى إيه مش فاهم.
مها:يعنى أنا عملت العمليه دى كتير
عمرك ما كنت موجود. ليه المره دى.
جيت وسيبت شغلك.
رعد حط ايده فى جيبه وبجديه:
علشان إنتى كان جنبك جدك
والمستشفى كلها تحت أمرك لكن
دى ملهاش حد وأنا عارف انكوا
كنتوا هتبهدلوها. وده أنا مش
هسمح بيه.
مها:ليه وهى تهمك في إيه.
رعد:طول ما هى على زمتى تهمنى
يا مها.
مها بغيظ ربنا يعدى الكام شهر دول
ونخلص منها إنسانه بارده.
رعد عينيه أحمرت من الغضب:مها
مسمعش صوتك لحد ما همس تخرج
من العمليات سامعه.
مها:ماشى يا رعد أنا وانت والزمن
طويل أنا هخليك تندم على ابنك
إللى فرحان بيه أوى كده.
أنت تقرأ
عندما يعشق الرعد(رحم للايجار)
Romanceللكاتبه ريحانه الجنه عندما تظن أن جميع الأبواب مغلقه وتشعر أنك تختنق وتفعل ما لم تفكر يوما فى فعله ولكن ياتى من ينقذك من حيث لا تعلم. رعد:هو رجل شديد الوسامه وشديد الغضب ويكره الخطأ ومن طبقه الأغنياء فى المجتمع. همس:هى رقيقه طيبه وجميله مليئة بالهمو...
