اغار عليك من نظرة غريب

البارت الرابع

ابراهيم : عادل اقولك شي
عادل : قول
ابراهيم وهو يتنهد : تخيل ان في بنت كسبت قلبي
عادل مصدوم :بنت ماخذه قلبك !!!!!!!!!!
ابراهيم ابتسم : ليه وش فيها
عادل : غريبه مو انت ماصرت تحب احد بعد مرام !
ابراهيم :ههههههه مرام
عادل بصدمه : ابراهيم انت بخير
ابراهيم بضيق : مرام هي اللي تركتني
عادل وباقي مصدوم : ابراهيم تتذكر قبل سنه وش قلت لي
ابراهيم : صح انا قلت اني ماراح احب ابدا بس بصراحه اللي شفتها حبيتها مرة وانا اعرفها من زمان
عادل : ابراهيم طلع كل الفكر هاذي من بالك
ابراهيم :ع( وقاطعه صوت رنين جواله) دقيقه امي تتصل
ابراهيم :هلا يمه
ام ابراهيم بخوف : الحق على اختكك يا ابراهيييم
ابراهيم بخوف : وش فيها يمه (وطلع ركب السيارة وبسرعه جنونيه راح البيت)

___________________
عند ام ابراهيم

شافت بنتها وهي تطلع وعيونها كلها دموع وحزن
ام ابراهيم : ( يا عمري عليك يا سارة وش قال لك ابوك مرة ثانيه )
وراحت عند ابو ابراهيم : وش قلت لها
ابو ابراهيم ببرود :جبت لها خطيب
ام ابراهيم بصدمه : شفيك انت نسيت ان عمرها ١٨
ابو ابراهيم :ابي افهم ليه كل الدلع هذا وبعدين البنت كبرت المفروض تتزوج اصغر من كذا
ام ابراهيم : انت ما ينفع الواحد يتكلم معاك ( وراحت تطلع لبنتها )
دخلت الغرفه بس ما شافتها وشافت الحمام مفتوح والمويه شغاله
ام ابراهيم بحنان : سارة
سارة : ________لا رد>>>>>> فاقده الوعي
ام ابراهيم بقلق: سارة حبيبتي افتح الباب عادي
سارة : _______لا رد
ام ابراهيم بخوف : (فتحت الباب بس ما انفتح كان احد واقف ورا)
ام ابراهيم بخوف على بنتها: سارة حبيبتي افتحي
(ودخلت راسها تشوف بنتها وشافتها طايحه )
ام ابراهيم بصوت عالي :ساااااااااااااااارةة !!!!!!!!!
فتحت الباب بقوة ومسكت سارة وصارت تضربها كفوف عشان تقوم ومافي فايده
ام ابراهيم ودموعها تنزل : سارة قومييي سارة
تركت سارة وراحت تجيب جوالها ودقت على ابراهيم وقالت له يجي

دقايق ووصل ابراهيم وراح لغرفه اخته دخل وشاف امه تبكي واخته طايحه بحضن امها
ابراهيم بصراخ : وش سويتو لها!!!!!!!
ام ابراهيم ما عرفت تتكلم :ددخلت وشفتهاا كذا
ابراهيم بعصبيه :انا اقول وش سويتو لهاااا
(شال اخته بدون ما يسمع رد امه ونزل يركض على السيارة )
ابو ابراهيم بعدم اهتمام : لا تقفل الباب بقوة
ابراهيم بعصبيه : حسابككك معاي بعدين

وركب السيارة وراح اقرب مستشفى

ودخلوها الغرفه وكشفو عليها
ابراهيم ماسك راسه بتعب وارهاق من الحال هذا وقاطعه خروج الدكتور

ابراهيم قام واتجه للدكتور
ابراهيم بخوف وقلق : ها بشر يا دكتور
الدكتور : ان شاءلله بسيطه بس هي تعرضت لصدمه عشان كذا فقدت الوعي
ابراهيم وهو ياخذ نفس : الحمدلله طيب اقدر اشوفها الحين
الدكتور بابتسامه : اي تفضل
ابراهيم دخل الغرفه وشافها كانت نايمه وواضح عليها التعب
ابراهيم بهمس : سارة حبيبتي سامحيني انا غبي اللي بعدت عنك والله نسيت سامحيني ياحبيبتي
سارة بدت ترمش شوي شوي
ابراهيم : سارة حبيبتي (مسك يدها وقربها من شفايفه وباسها )
سارة بتعب : وش صارلي
ابراهيم بفرح ان اخته تكلمت : بعدين اقولك بس كيف حالك حاسه بشي تعبانه ؟
سارة بابتسامه : لا الحمدلله (وفجأة تذكرت كلام ابوها ودمعت عيونها وهي تشد على يد اخوها )
ابراهيم لاحظ دموعها : سارة قولي وش صار
سارة ما قدرت تمسك دموعها وبدأت تبكي : ابوك اهئ اهئ السبب ابوكك
ابراهيم تنهد بضيق : وش سوا بعد
سارة بين دموعها : يبي يزوجني
ابراهيم وهو يطمن اخته : ههههه وانا وش اسوي هنا
سارة بصوت باكي :ابراهيم انا اعرف ابوي اذا قال شي لازم يصير ماراح تقدر تمنعه انت اهئ اهئ
ابراهيم : انتي احسن لك تتزوجي
سارة بصدمه : ابراهيم !!!! وشفيكك انت
ابراهيم ابتسم : يا ذكيه لو تزوجتي راح تفتكي من ابوي وراح تعيشي مع زوجك وتنبسطي ولا تخافي انا راح اشوف من هو واقولك اذا زين ولا مو زين بس فكري بالموضوع
سارة بدت تقتنع : ماادري خايفه
ابراهيم ويرجع يبوس يدها : لا تخافي انا معاك
سارة ابتسمت : الله يخيلك لي يارب
ابراهيم عشان يخلي سارة تضحك : بس بس دلع
سارة :هههههه
ابراهيم : انا راح ادق على امي لانها خايفه عليك
سارة بابتسامه : اوكي