اغار عليك من نظرة غريب

البارت 18

بالمطار
وليد واقف وجنبه ٣ رجال
وينتظر والابتسامه شاقه وجهه
وبعد دقايق محدودة وصل ابو خالد وابراهيم لارض الدمام
وليد راح لعندهم ومد يده يسلم
ابراهيم ناظره باستغراب
ابو خالد حضنه : كيفك يا ولدي والله اني اشتقت لك
وليد رد الحضن : والله وحنا بعد
ابو خالد بعد عنه : وين ابوك وين رحتو عني
وليد بغصه : انا موجود وابوي موجود بس اخوي مات
ابو خالد بحزن: الله يرحمه كان صغير اتذكر
وليد : اي....... طيب يلا تعالو اوصلكم
ابراهيم : انت وليد؟
وليد ابتسم : اي
ابراهيم : وش تبي يعني
ابو خالد : ابراهيم هذا مثل ولدي
ابراهيم سكت عشان لا يزعل ابو خالد
واخذهم وليد بسيارته
ووصل ابراهيم لبيته
واخذ ابو خالد

ووصلو بيت وليد
ابو خالد : غيرتو بيتكم
وليد : لا هذا بيتي انا بس بيتنا باقي موجود وامي فيه
ابو خالد جلس : اي ماشاءلله حلو
وليد جلس قدامه : شوف ابي اقولك شي بيفرحك
ابو خالد بحزن: قبل كل شي ابي اروح قبور عياالي اررجوك ودني هناك ابي اشم ريحتهم ابي قربهم مني
وليد ابتسم : اوك من عيوني الحين اخذك
ابو خالد وقف بفرحه : يلا مشينا
_______________________________________
عند ريماس
جالسه بالمطبخ وتاكل سندويش وعصير
واماني واقفه تسوي سندويشه لها
ريماس : والله انا اليوم راحت طاقتي كلها بالرقص
اماني : والله حتى انا
ريماس تشرب العصير : انا حزنت على ريوف لانها حامل ورقصت رقصتين وتعبت
اماني اخذت السندويشه وجلست جنبها : اي والله حسيت ان الحمل صعب مرةة
وقطع عليهم جوري
جوري : ابي مثلكم
ريماس :من عيوني
وراحت سوت لها نفسهم مع عصير
وجلسو الثلاثه ياكلون
ام ريماس نزلت من فوق : بسم الله ليش صاحيين الوقت متأخر يا بنات
ريماس : يلا بس بناكل وبنقوم ننام
ام ريماس ابتسمت : يلا صحه وعافيه
وراحت لغرفتها وجلسو البنات ياكلون ويسولفون
وبعد ما خلصو طلعو الدرج وكانو متجهين لغرفهم بس فجأة رن الجرس
ريماس ناظرت اماني بخوف وبهمس : بسم الله مين
اماني بتوتر : ماادري
جوري : بروح افتح
ريماس مسكتها : لا ما يصير
جوري بعناد : لا بروح افتح
وركضت واماني صارت تركض وراها
ريماس بارتباك : ( مافي غير خالد يقوم ويفتح )
راحت لغرفته
وشافته نايم
قربت من سريره وهزت كتفه
وما قام رجعت مرة ثانيه وهزت كتفه
وما قام
اخذت مخده وضربت وجهه
وقام وهو معصب
خالد بعصبيه : مجنونه انتي
ريماس غمضت عيونها بخوف : في
خالد قاطعها بصراخ : خير ليش جايه
ريماس رفعت يدها على وجهها تحسب انه بيضربها وبخوف وصوت متقطع : ف.ي اح.د يد.ق البا.ب
خالد مسك يدها بقوة : تكلمي زين مو فاضي لدلعك
ريماس بتوتر من قربه لها : في احد يدق الجر.س
خالد تركها ونزل يركض
شاف اماني ماسكه جوري ومقفله فمها وتحاول تسيطر عليها
خالد تجاهل امانني وجوري وراح للباب وفتحه
وهنا كانت الصدمه
مسح عيونه ورجع ناظر
ضرب نفسه كف يبي يعرف اذا هو بحلم
بس ما كان حلم
ابو خالد دمعت عيونه : خالد
خالد بصدمه شهق : انت حقيقه
ابو خالد حضنه وصار يبكي : اي انا ابوك
اماني سمعت الكلام وشهقت
وجوري دفت اماني وراحت للباب وشافت ابوها ارتمت بحضنه وصارت تبكي
وليد راح بعيد عنهم وركب السيارة
وخالد حضن ابوه حضن قوي وصار يبكي مثل الطفل
وجوري نفس الشي
ريماس نزلت من فوق وشافت رجال غريب خالد يحضنه وجوري واماني يبكون
ركضت لاماني وبصدمه : شفيك
اماني بعدت عن ريماس وركضت لابوها وحضنته وصارت تبكي
ابو خالد بصوت متقطع من البكاء : والله اني مو مصدق ..... وريماس بعد موجودة
جوري ببرائه : بابا ليش تركتنا
ريماس انصدمت من جوري وعرفت ان هذا عمها : عمي !!!!!!!!!!!!!!!!!!!
ابو خالد قرب منها وحضنها : بنت المرحوم اخوي تعالي يا قلبي انتي
وحضنها وهي غاصت بالبكاء
ما تدري ليش حست انه ابوها
خالد مسح دموعه لما شاف ريماس : ادخل يبه وقول لنا كيف صار كل هذا
دخل ابو خالد وبحضنه جوري
وجلس على الكنبه : والله ما اقدر اتكلم ابي بس اتأملكم
ريماس مسحت دموعها وحضنت
اماني اللي تبكي من الفرحه والشوق