اغار عليك من نظرة غريب

البارب 21

ريماس ما اهتمت وطلعت لغرفتها
واماني وراها
ريماس انسدحت على السرير بتعب
اماني بخبث : كيف ؟
ريماس رفعت راسها وناظرتها : وش
اماني : لا خلاص امزح .... كيف يتعامل معك ؟
ريماس بقهر : خليها على ربك
اماني : الله يعنيك اخوي شوي متكبر
ريماس جلست وبسخريه : شوي !؟ ... نرفزني ... مرة متكبررررر ومغرور
اماني : ليش
ريماس : يتكلم على الهند وكانه هو شي فوق والهندي تحت قهرننيي .... ويقولي لا تتكلمي ولما ما اتكلم يعصبب ... وبغصه : والحيوان عورني
اماني بصدمه : ضربك !!!
ريماس : شفتي المناديل اللي بالكرتون رماها علي وجت بفخذتي ومرة تعورت للحين تحرقني
اماني شهقت : اوف ليش يسوي كذا !!
ريماس بعصبيه : هو غبيي علشان ما تكلمت ... ماادري ليشش يعاملني كذا

وريماس تتكلم وتحش ومعصبيه وما تعرف ان في شخص يسمع كل كلامها !!!!!!!!!!!!!!!!

اماني : طيب والحل يعني بتبقو كذا
ريماس : هو ماادري وش يبي فيني انا ودي انام عندكم طفشت معه رغم ان يوم واحد بس احس قلبي مكتومم مافي احد استهبل معه  ودي انتي تيجي معي بالبيت نسوي فعاليات
اماني : لا مو لهلدرجه انتو ما صار لكم يوم متزوجين ما يصير اجي انا
ريماس تنهدت : يارب يااارب ياارب نبقى هنا
اماني : حلم ابليس بالجنه ههههههههه مستحيل خالد يخليك هنا
ريماس جلست وسحبت الوسادة وضربتها : اوووفف
اماني ضحكت : مالها دخل مسكينه
ريماس : بس  لا اضربك معها احس ودي اضرب احد من عصبيتي
وفجأة دق الباب ودخل خالد
وشاف ريماس تضرب الوسادة
مسك ضحكته وبصوته الخشن : يلا نمشي
ريماس تركت الوسادة : ما جهزت شي باقي
اماني ماسكه الضحكه ع الاخير معهم لانها تعرف ان خالد ماسك الضحكه وريماس معصبيه
خالد : كل هذا وباقي ما خلصتي
ريماس كانت بتتكلم بس
ابو خالد : لا اليوم ريماس بتنام عندنا
ريماس بصدمه : والله !!
خالد ابتسم : لا ابوي يمزح
ابو خالد بحدة : ما امزح وريماس بتنام هنا وانت روح نام في بيتكم ولما هي تبي ترجع بكلمك تيجي تاخذها
خالد مصدوم : يبه كيف اا
ابو خالد قاطعه : انا قلت الكلمه ومااراح اعيدها
ريماس ابتسمت : كلامك اللي بيمشي يا عمي
اماني منصدمه من ابوها اول مرة يتكلم بالطريقه الحادة هاذي مع خالد
ابو خالد ابتسم لريماس : يلا نامو يا بنات
وطلع وسحب خالد معه
خالد : يبه من جدك هاذي زوجتي
ابو خالد : خليها على راحتها هي حرة لو تنام هنا طول عمرها ما لك دخل فيها ابدا انت زوجها صح بس مالك حق تتحكم فيها هي اللي تحدد وين تنام
وراح وترك خالد مصدوم
جوري جت تركض : خلوديي
خالد ناظرها وابتسم بتسليك وحضنها وما تكلم بحرف وطلع وهو معصب ع الاخير من ريماس

بغرفه البنات
ريماس تنط على السرير : واخيرااااا
اماني : انا للحين منصدمه بابا كيف يسوي كذا
ريماس نطت على اماني : انا اتفقق معهه الله يسعدهه حبيبيييي والله انيي فرحاانه
اماني :  يا تبنن ابعدي عني خنقتيني ..... ومتى بترجعي ؟
ريماس قامت من فوق اماني وتربعت بحماس : ماراح ارجع ههههه
اماني : لا لا تزوديها
ريماس : عمي قال انا متى ما ابي ارجع له
اماني : مو معقوله يا ريماس
ريماس : اوكي شوفي بروح له بالاسبوع مرة
اماني : هههههههه اخوك هو علشان بالاسبوع مرة
ريماس : اجل وشش
اماني : لازم اصلا تيجي عنا بالاسبوع مرة والباقي مع خالد
ريماس رفعت حاجب : لا والله خير
اماني : تبين اذكرك انه زوجك ولا وش ؟
ريماس : اوف لا بصير اروح له بس بالاسبوع مرة
اماني : والله بيعصب عليك واصلا هو الحين معصب
ريماس : يعصب وانا وش اسوي له