اغار عليك من نظرة غريب

البارت 19

عند نواف ورغد وصلو المزرعه
نواف : كيف ندخل ؟ وين الباب
رغد : شوف شوف في ٣ سيارات هناك روح عندها شوف يمكن هناك الباب
نواف : تصدقين ما انتبهت لهم

وبعد ما وقف قدام السيارة
نواف : ثواني لا تنزل بس بتأكد
رغد : اوكي
رغد بعد ما نزل نواف مسكت بطنها بتعب : ياربي
نزل نواف وراح للسيارات
وفجأة سمع صوت خطوات من ورا
لف وهنا كانت الصدمه
!!!!!!!!!!!!!
نواف ( هاذي اللي كنت بتزوجها !! وش جابها هنا )
حاول ينزل عيونه بس جمالها مو طبيعي
نزل عيونه وبعد ثواني رجع وناظرها بس كانت رغد جنبها وتساعده بتنزل الشنطه
نواف صرخ : رغدد لاا
رغد ناظرت فيه واشرت له يجي
ريماس ناظرت فيه بعدم اهتمام
نواف راح لعندهم : رغد ليش تشيلين الشنطه  وانتي حامل
رغد : حرام قلت اساعدها
ريماس ناظرت رغد وابتسمت وبعدين ناظرت نواف وشهقت
رغد باستغراب : شفيك ؟
نواف نزل عيونه وسحب الشنطه بكل بساطه ونزلها
ريماس بكذب : لا ماشاءلله استغربت انك حامل
رغد : بالشهر الرابع وبدخل الخامس بعد كم يوم
ريماس ابتسمت : مبروك
نواف مسك يد رغد وسحبها وراحو
وريماس جلست على الشنطه وهي مصدومه
رغد ناظرت نواف وابتسمت ( حبيب قلبي ما ناظر البنت رغم ان جمالها يلفت انتباه الكل )

نواف : كم مرة قلت لك انتي حامل ما يصير تشيلين شي ثقيل
رغد : حرام البنت كانت تبي مساعده
نواف : تناديني ثاني مرة
رغد : اوكي حبيبي
وبالصدفه ابراهيم شاف نواف واخذه
ابراهيم : هلا والله
رغد راحت داخل وتركتهم وهذا كان طلب نواف
نواف : والله يالحبيب من زمان عنك
ابراهيم : والله رحت فرنسا ورجعت وتركي راح تركيا
وعادل اختفى
نواف : وانا بعد رحت فرنسا ورجعت الحمدلله على  كل حال
ابراهيم : اي والله .... تفضل يلا
ودخل نواف ونسى رغد

رغد دخلت وشافت صاله كبيرة
رغد ( احس اني بفندق مو مزرعه ماشاءلله بس وين اروح الحين مااعرف شي هنا )
وبالصدفه طلعت اماني
اماني ناظرت فيها باعجاب وراحت لها وتكلمت معها بالانجليزي : اهلا تفضلي سيدتي
رغد ناظرت فيها باستغراب : _______لارد
اماني : ماذا تفعلي هنا ؟
رغد : انا عربيه
اماني : وت اا قصدي وش
رغد : ههههه انا عربيه 
اماني : ماشاءلله شعرك وعيونك ملونين حسبت انك اجنبيه
رغد : انا سعوديه من ام فرنسيه
اماني : اهااا علشان كذا
رغد : اي ..... انا بصراحه ضيعت زوجي
اماني : انتي زوجه من اصلا ؟ شكلكم جايين بالغلط
رغد : انا زوجي نواف ال .......
اماني شهقت : ياويللل حالي
رغد : شفيك
ريماس طلعت : او هلا رغد
اماني مسكت خدودها بعفويه : هاذي زوجه نواف ال .....  ماشاءلله تخيلييي !!!
ريماس : اي شفيك عادي انا اعرفها يعني توني شفتها برا
اماني : ياربييي حمااس احس نفسي مشهورة انا قاعده اكلم زوجه نواف ال ....... اخ ياربيي
رغد ابتسمت
ريماس : طيب ادخلي داخل مايصير توقفي لمده طويله وانتي حامل
اماني مسكت بطنها : والله انا الحامل شوفو كرشتي
رغد : هههههههههه وانا بالشهر الرابع حامل
اماني بمزح : وانا بالتاسع
ريماس : ههههههههههه
وبعدها دخلو الغرفه وجلسو على السرير وبدأو يسولفو