اغار عليك من نظرة غريب

البارت العاشر

لعيونكم البارت اليوم طويل 🖤🖤

عند اماني واقفه وزهقانه وتناظر يمين يسار
وسمعت صوت باب ينفتح من عند فصل من الفصول
وصارت تناظر الفصل وانصدمت لما شافت اللي طلعو منه !!!!!!!!!!!؟
اماني بهمس: ريماس وريوف !!!!!!!!!!!!!!؟؟( ولا وبعد جاين لي !!!!)
المديرة : السلام عليكم مين تبغين حبيبتي
اماني بتوتر: انا جاي اسجل بالمدرسه جيت اعطيكم الورقه الناقصه
ريماس بفرحه وابتسامه: والله يعني بتصيرين معنا
المديرة : بس ياحبيبتي الاختبارات راح تبدا والمدرسه قربت تخلص ما اقدر اسجلك
اماني طنشت ريماس: لا انا نقلت من مدرستي يعني درست كل شي
المديرة : اها اوكي تفضلي بالغرفه
ريماس : ( شفيها اماني ليش كذا تعاملني وليش تجاهلتني )
دخلو مع المديرة الغرفه
المديرة وهي تفتح ملفها:انتي اسمك اماني
اماني: اي
المديرة: طيب تفضلي اجلسي وارتاحي بس بخلص مع البنات مشكله وبسجلك فورا
اماني اكتفت بالابتسامه
المديرة: اول شي الحمدلله على السلامه يا ريوف
ريوف ابتسمت: الله يسلمك
المديرة ابتسمت: ثاني شي انا وصلني خبر ان امجاد انتي الي طيحتي ريوف
امجاد بكذب: لا ليش اطيحها؟
اماني ساكته وتناظرهم
المديرة: في اكثر من بنت شافتك يعني ما تقدري تكذبي يا امجاد
امجاد توترت: اي صح انا كنت اركض وتعلقت رجولي برجولها يعني بالغلط وش اسوي
ريوف رفعت حاجب وناظرت امجاد بحقد
المديرة: لا يا امجاد الكل شافك وانتي تدفي ريوف
امجاد اكتفت بالسكوت وماعرفت ترد
المديرة : عشان كذا لازم تعتذري منها وتنفصلي من المدرسه لمده اسبوع وتاخذي تعهد على فعلتك
امجاد بصدمه: بس ماسويت شي
المديرة بشويه عصبيه: خلاص ماابي اسمع شي
ريوف بحقد: لا يا مديرة ما ابي امجاد تنطرد من المدرسه
ريماس بصدمه وبهمس لريوف: تستهبلين
ريوف بنفس همس ريماس: راح تعرفين بعدين
امجاد انصدمت وبنفس الوقت فرحت: والله
ريوف ناظرت امجاد وبحقد وخبث: اي يا عمري
المديرة ابتسمت: الله يحفظك يا ريوف والله انك بنت شاطرة ومحترمه
ريوف ابتسمت: تسلمي
المديرة: طيب خلاص بما ان المشكله انتهت كل وحده تروح فصلها بس ريماس خليكي شوي
ريماس استغربت بس ابتسمت وجلست بالكرسي المقابل لاماني
المديرة: ريماس تعرفين اماني صح ؟
ريماس : اي اعرفها
المديرة : يعني صديقتك
ريماس ابتسمت: اي
المديرة : انا لاحظت انك ابتسمتي لما شفتيها وكانك تعرفيها عشان كذا خذيها وعرفيها على المدرسه
وانا بسوي ملفها واسجلها رسمي
ريماس ابتسمت: من عيوني (قامت وابتسمت لاماني واشرت لها تيجي )
اماني قامت وهي مقهورة
وطلعو برا الغرفه
ريماس : كيفك
اماني: الحمدلله
ريماس باستغراب : فيك شي ؟
اماني بعصبيه : لا والله وباقي تسألين يا راعيه الشباب
ريماس انصدمت: راعيه شباب !!!!!!!!!؟
اماني: اي لا تسوين نفسك البريئه
ريماس : من وين جبتي اللقب هذا وبعدين وش سويت لك قبل يومين كنا مثل العسل
اماني: شفتك وانتي تمشين مع الشباب وتضحكين وشوي وتبوسيهم
ريماس بصدمه اكبر: تستهبلين انتي !!وش تقولين
اماني: ريماس ماابي اشوفك ولا اكلمك واطلعي برا حياتي ماابي اكون صديقه لبنت مثلك
ريماس بشويه عصبيه: انتي شفيك كذا تكلميني وتتهميني بشي ماصار بس بالنهايه انتي اللي راح ترجعي لي وتتأسفي مني فاهمه
امماني بسخريه : نننننن يلا بس بلا كلام فاضي وانقلعي
ريماس :(هاذي طلع لها وجه ثاني ) ماراح ارد على اشكلك
وراحت ريماس فصلها
واماني راحت لغرفه المديرة
_______________________________________
عند ابراهيم بالشركه
المدير : ابراهيم انا حجزت لك تذكرة وراح تكون بعد يومين
ابراهيم: كيف !!! كانت بعد اسبوع ليش قدمتها
المدير: لان صاحب المشروع هو اللي مستعجل
ابراهيم: اها طيب ممكن اروح البيت واجهز نفسي للسفر
المدير: خذ راحتك
وطلع ابراهيم وراح لغرفه فارس
ابراهيم دق الباب ودخل: هلا فارس
فارس ابتسم: هلا بك
ابراهيم: متى تبي الخطوبه انت ؟
فارس بحماس : اليوم قبل بكرا
ابراهيم : ههههههههه اوكي اليوم بدق عليك وتخطبها رسمي وابيك تحطها بعيونك لانها اختي الوحيدة
فارس سجد على الارض وشكر ربه وقام حضن ابراهيم: والله ما تصدق كميه فرحتي والله اني احطها بقلبي مو بس بعيوني
ابراهيم ابتسم: الله يتمم لكم على خير
فارس : اخخ ياربيي الحمدلله بروح اجهز نفسي
وراح ومن الحماس ما اخذ اذن من المدير
ابراهيم: ( الله يسعدك ياسارة ويحميك ياربب)
_____________________________________
عند خالد جالس بالسيارة وينتظر اماني
خالد: اوف الساعه صارت ١١ وللحين ما طلعت هاذي
جوري: انزلها ؟
خالد:اي انزلي شوفي وينها ولو ما لقيتها اطلعي
جوري : اوكي
ونزلت وراحت للمدرسه