اغار عليك من نظرة غريب

البارت 12

اليوم البارت طويل لعيونكم ♡ ^_^

عند سارة
تبكي بحضن فارس وتناظر فهد بخوف الي مغمى عليه بالارض وراسه ينزف من الضرب والغرفه صارت كلها دم فهد
فارس بحنان وهو يمسح على شعرها : خلاص اشش ماصار شي
سارة تعلقت فيه اكثر وبكت
فارس شالها : بوديك غرفه ثانيه وانا بنظف هنا وبكلم الشرطه ..... وممكن تغيرين لبسك عشان ماحد يشوفك كذا
سارة كانت تبكي واحمرت خدودها من الاحراج فارس شايلها ويمشي فيها وهي حاضنته ولبسها كذا كان شي جديد عليها تحس باحرااج كبييير
دخلها غرفه من الغرف وكانت غرفه ابراهيم
نزلها على السرير وباس راسها : خلاص هدي الحين بجيب لك بجامه وعبايه ثواني
سارة  مسحت دموعها وبهمس : تمام
طلع فارس وهو للحين معصب بس مستحمل عشانها بس هو راح يموت من غيرتههه عليها كيف رجال غريب يدخل عليها كذا
دخل غرفتها واخذ بجامه وعبايه ورااح لغرفه ابراهيم ودق الباب ودخل البجامه وراح
وهو رايح سمع صوت كيس من تحت نزل وشاف ابو ابراهيم
( ونرجع نكمل بعد ما هرب ابو ابراهيم )
طلع فارس وهو معصب على الاخرررر راح لغرفه سارة وشاف فهد بنفس مكانه قرب منه ورفسه رفسه قويه على بطنه
اخذ جواله ودق على الشرطه وقال لهم الموضوع ومافي غير ثواني وكانت  الشرطه بالبيت
فارس : هذا مفروض ينسجن على عملته
الشرطي : لا تخاف راح ينسجن وبيتعاقب بس انت هدي وصلي على النبي نبي نسمع من البنت وش صار بالضبط
فارس : اللهم صلي وسلم على نبينا محمد ... الحين بروح اجيبها ثواني

عند سارة
قامت للحمام ولبست البجامه اللي جابها فارس
كانت  بجامه لونها وردي واكمامها طويله ومن اخر الكم في ريش ناعم
وبنطلون بجامه طويل ومن الاخر في ريش بعد وكان شكلها لطيف وطفولي
ودخل فارس فجأة
سارة نزلت راسها بخجل
فارس بجديه : البسي عبايتك وغطي وجهك زين
وبتقولين للشرطي كل شي صار
سارة بخوف من صوت فارس : اوكي
بعد مالبست العبايه وغطت وجهها نزلت مع فارس
وجلست جنبه
سارة بهمس : السلام عليكم
الشرطي : وعليكم السلامم  ... ابيك تقولين وش صار بالضبط
سارة بتوتر : انا كنت (وسكتت شوي )
فارس مسك يدها عشان يحسسها بالامان
سارة ناظرت فيه وكملت : كنت اكلم فارس وفجأة دخل علي وانا مااعرف مين هو اول مرة اشوفه
الشرطي : طيب وين امك او ابوك
سارة : ماادري وين امي
فارس : ابوها هرب هو السبب انا متاكد
سارة ناظرت فارس باستغراب
فارس : انا لما طلعت لقيته يعد فلوس وبنته تصارخ داخل يعني اكيد هو السبب
الشرطي : امم اوكي ثواني ( ورفع جوالها ودق على مركز الشرطه عشان يدورن على ابو ابراهيم )
سارة بهمس لفارس : وين امي ما شفتها ؟
فارس : والله ماادري وينها
سارة : ابي اقوم ادور عليها طيب
فارس قام معها وهو مشبك يده بيدها : اوكي تعالي
دخلو كل الغرف وما لقو ام ابراهيم
سارة بتوتر : وينها دورنا بكل مكان
فارس : لا باقي الدور الي تحت
سارة : يارب تكون تحت
نزلو ودخلو اول غرفه وما كان فيها احد الغرفه الثانيه ما انفتح الباب
سارة دقت الباب : ماما ؟
_______________________________________
عند نواف
دخل بيته وراح لغرفة رغد جلس فيها وصار يتاملها ويتخيلها موجودة
اخذ جواله من جيبه وشاف رساله على طول فتح عليها وانصدم
( رغد تعبانه وانا وش اسوي هنا )
بدأ يتوتر ويخاف عليها
فتح المكالمات ودق على السكرتير
نواف : جهز طيارتي بسرعه
السكرتير باستغراب : ان شاءلله
قفل نواف وشد شعره لورا من القهر رغد تتالم وهو بعيد عنها وهو السبب في المها
ورن جواله وكان السكرتير
نواف رد بسرعه : ها بشر
السكرتير : في مشكله بالطي( وقاطعه نواف )
نواف بعصبيه : مشكله وش تصرف بسرعه واحجز لي اي شي ابي اروح فرنسا اليوم قبل بكرا بسرعه
السكرتير بخوف من صوت نواف : تمام
ونواف قفل ودق على رغد بس ما ردت
كتب رساله لها ( انا شوي وراح اكون عندك يا رغد استحملي شوي ولا تخافي انا معك )
ورسلها وهو قلبه يرجف من الخوف على حبيبته
______________________________________
عند رغد
فتحت عيونها بتعب وكانت كارولين جالسه جنبها
رغد تحس بعطش قوي : كارولين جيبلي مويه
كارولين ناظرت رغد : انتي بخيرر....... الحين اجيب لك  ثواني
رغد مسكت بطنها بألم تحس جسمها متكسر
وبطنها باقي صغير اللي يشوفها ما يقول انها حامل ابدا  ولكن حركه  البيبي بدأت تزيد عن قبل
كارولين رجعت وبيدها كاسة مويه : خذي
رغد اخذت منها الكاس وشربت شوي : شكرا
كارولين : وش تحسين فيه تعبانه باقي ؟
رغد : الحمدلله المغص راح بس جسمي متكسر
كارولين : سلامتك يا قلبي استحملي شوي ويكون نواف هنا
رغد فتحت عيونها بصدمه : ايييش !!!!!!!!!؟
كارولين : اي كلمته هو زوجك يعني لازم يكون جنبك
رغد تسوي نفسها معصبه : ليش ما اخذتي رأيي
كارولين : شوفي انا حزنت عليه والله مسكين دق  عليكي بس انا مارديت طبعا بس والله واضح انه خايف عليكي مرة
رغد سكتت  شوي وتذكرت ايام زمان كيف كان يخاف عليها