اغار عليك من نظرة غريب

البارت 25

بالمستشفى ..

نايمه واثار دموعها على خدها
والمغذي بيدها
ورجلها ملفوفه بالشاش الابيض
وخصلات شعرها الناعم على وجهها
ونايمه ك الملاك

................

سعود واقف ويناظرها ويده على ذقنه
ام سعود : وش  صارلها ليش اغمى عليها
سعود رجع شعره لورا : ماادري...... وماادري كيف دخل القزاز برجلها
ام سعود طلعت الالة الاستغفار وجلست تستغفر
والمكان هدوء والانوار خافته
سعود : كيف صارت اميرة
ام سعود : بقوم اشوفها لانها راحت قسم الطوارئ
سعود : ليش قسم الطوارئ
ام سعود : انت ما شفت الدم اللي يصب من راسها
تيشيرتها كله دم الله يحفظها
سعود تنهد وناظر ريوف
ام سعود طلعت من الغرفه
وراحت للطوارئ
دخلت شافت ابو سعود جالس وينتظر قدام الباب
ام سعود : ها وش صار
ابو سعود : دخلو وما طلعو حتى صوت مافي
ام سعود : يارب سترك علينا وش هالحالة بنص الليل
ابو سعود  : كله من ريوف ما توقعت تسوي كذا بطفله صغيرة
ام سعود : انتظر نعرف الموضوع بعدين نحط الحق على مين
ابو سعود تنهد
وقطع حديثهم الدكتورة
ابو سعود : ها بشري
الدكتورة : بنتكم اول ما جبتوها كانت حرارتها مرة مرتفعه وخطيرة على عمرها بس فجأة بلحظه رجعت لطبيعتها وهالشي غريب
ابو سعود بقلق : طيب وراسها
الدكتورة : وش فيه راسها ؟!
ابو سعود : كل هالدم !! تستهبلون
الدكتورة : تقدر تتفضل معاي تشوفها لانها بخير
ابو سعود دخل وهو مستغرب وام سعود وراهم
شاف اميرة منسدحه وتناظر فيهم
ابو سعود قرب منها وشاف راسها : بسم الله
ام سعود مسكت وجهها : بسم الله الرحمن الرحيم وين الدم كنتي تنزفين دم
اميرة بتوتر وبدلع  : كان من خشمي ....كله بسبب ريوف
ابو سعود : كل ذا ومن خشمك ! يلا الله ستر
ام سعود : وش صار بينكم
اميرة بدلع : انا كنت داخله غرفتها وابي اقولها تنزل تاكل وفجأة قامت تصرخ علي وتقولي انقلعي من حياتي وانا سألتها ليش وهي قامت اخذت الكاسه اللي جنبها ورمتها علي
ام سعود حضنتها : بسم الله عليك يا قلبي
ابو سعود : روحي قولي لولدك يشوف حل مع ريوف
ام سعود : لا تسوي شي انا بتصرف بس لا تخرب بين ريوف وسعود ارجوك البنت حامل
ابو سعود : روحي بسرعه ماابي اسمع كلمه
وراحت ام سعود لغرفه ريوف
شافت سعود جالس ويتأمل ريوف
ام سعود بهمس : سعود
سعود لف عليها : كيف صارت اميرة
ام سعود : تعال معاي برا
سعود قام وراح وراها
ام سعود قفلت الباب وبهمس : ريوف ايش بينها وبين اميرة ؟
سعود : اول شي وش قالت اميرة بالتفصيل
ام سعود : ( قالت له كل شي ) ليش تسوي لها كذا
سعود : والله ماادري بس خليها تقوم وبتفاهم معها
ام سعود : بس شوي  شوي عليها هي حامل
سعود  ببرود : ان شاءلله
دخل وقفل الباب
وام سعود راحت لغرفه بنتها
وسعود جلس على الكرسي وتنهد
سعود ( هل يمكن اكون ظلمتها !بس كان واضح كل شي قدامي ..... ما توقعت انها تسوي باميرة كذا علشان موقف صغير عصبها ... انا الغبي اللي نمت عند امي ..... بس احس مهما صار هاذي ريوف اللطيفه كيف تسوي كذا باميرة ... بس لازم اعاقبها واعاملها ببرود علشان لا تسوي كذا مرة ثانيه )
جلس يفكر وهو متوتر مين يصدقك
يصدق اخته اللي  شاف كل شي بعيونه
ولا يصدق حبيبته اللي يمكن تخليه يغير كل شي بحياته علشانها ؟
جلس محتار ويفكر باللي صار
وفجأة قطع تفكيره صوت كحه ريوف الناعمه
سعود ناظر فيها
ريوف فتحت عيونها بتعب وحطت يدها على حلقها
سعود يناظر فيها يحاول ينتظر منها كلمه
ريوف ناظرت يمين وشافت سعود
واشرت على حلقها بألم
سعود ببرود : شفيك
ريوف بصوت مبحوح : حلقي يعورني
سعود قام وجاب مويه لها
ريوف شربت شوي وبعدها ناظرت رجلها وبألم : رجلي تعورني
سعود يناظرها بصمت
ريوف ناظرت سعود اللي يناظر فيها وببحه : اميرة ؟
سعود ناظر فيها وببرود : تسألي عنها بعد
ريوف ببحه : انا ما لمستها
سعود بسخريه : سبحان الله الكاسة طارت وجت على راس اختي
ريوف مسكت يده : سع....
بس تفاجأت من حركه سعود انه سحب يده
ريوف ناظرت فيه بحزن وحست كأن الدنيا كلها ضدها وانها ما عندها سند يوقف معها وهي بالحالة هاذي
نزلت عيونها ودموعها بدأت تنزل بهدوء
وسعود حاول يشغل نفسه وجلس على جواله
فجأة دق الباب
ودخلت الدكتورة
الدكتورة : كيف صرتي مدام ريوف ... تحسي بألم برجلك ؟
ريوف ما قدرت تنطق بحرف لانها بتنهار لو تكلمت
: _________ لا رد
الدكتورة باستغراب : مدام ريوف كيف صرتي !؟
سعود ناظر فيها وتقطع قلبه بس استحمل : هي بخير خلاص
الدكتورة : كويس ... ممكن تتفضل معااي
سعود قام وترك ريوف
وراح للدكتورة
جلست وبيدها ورق
سعود : شبغيتي
الدكتورة : زوجتك حامل والحين رجلها دخلها قزاز
سعود : اي
الدكتورة : ولازم تعتني فيها مو تبكيها
سعود : اي
الدكتورة : شوف يمكن اللي قاعد يصير فيها يضر الطفل وانت مو حاس
سعود : اي
الدكتورة : انا اتكلم جد البنت نفسيتها تعبانه جدا
سعود وقف : ان شاءلله
الدكتورة تنهدت : انتبه عليها هي امانه برقبتك
سعود طنش وطلع
وصار يمشي بالممرات
( انا فاهم وعارف كل شي بس اللي ريوف سوته ابدا ما ينسكت عنه الحمدلله انها جت على كذا وطلعت اميرة وريوف بخير .... يعني هي اذت نفسها مو بس اميرة الله يهديها   )
وصل لغرفتها ودخل
شافها مغمضه عيونها ودموعها تنزل بهدوء
ام سعود دخلت : كيف صرتي يا بنتي
ريوف فتحت عيونها بتعب وهزت راسها ببطئ بمعنى بخير
ام سعود راحت لعند سرير ريوف وجلست على الطرف ومسكت يد ريوف وبحنان الام : ليش سويتي كذا يا بنتي
ريوف ناظرت فيها وفمها يرجف : وال.له ما س.و.يت لها ش.يي
ام سعود حضنتها : طيب خلاص لا تبكي
وريوف انهارت بحضنها وكأنها بحضن امها لان نفس الحنان والطيبه
سعود ما قدر يستحمل ريوف وهي تبكي بحضن احد غيره وهو واقف بدون ما يسوي شي
راح لعندهم وسحب ريوف من حضن امه وحضنها لصدره وبخشونه : خلاص اوش
ام سعود ضربت سعود على كتفه بخفه وبهمس له : شوي شوي عليها
ريوف دفنت راسها بصدره وصارت تبكي وهي كانت محتاجه حضنه بالوقت هذا وتبي يوقف معها ويفهمها بس ما تعرف وش تسوي غير انها تحضنه وتنام بحضنه وتبعد عن العالم
دام حضنهم ٥ دقايق
وام سعود تركتهم لوحدهم وطلعت
سعود مسك وجهها ورفعه له : خلاص اهدي
ريوف ببحه : ليش ما تصدقني انا ما سويت شي
سعود : والله ماادري وش اقولك بس الله يسامحك
ريوف حست بحرقه تجري بجسمها من القهر ونزلت يده عن وجهها
سعود بحدة  : لا تتدلعي ويلا نروح البيت
ريوف قامت ببطئ من سريرها وهي تمشي على رجلها الثانيه وراحت لعبايتها ولبستها وتحجبت وجلست على الكنبه
سعود طلع وراح لعند قسم الطوارئ
شاف اميرة بحضن ابو سعود
وام سعود تمشي جنبهم
سعود قرب لهم وشال اميرة وباسها : كيف صرتي يا بطله
اميرة بدلع : بخير بس ماابي ريوف تنام عندنا اليوم
سعود ابتسم ومشى وهو شايلها
وام سعود وراه وابو سعود وراهم
ام سعود : يا ولدي ليش تركت ريوف لوحدها كيف بتيجي لوحدها ورجلها ملفوفه
سعود : بروح لها الحين اجيبها
ام سعود : بسرعه يلا
راح سعود المستشفى
وطلع على الدور الثالث وهو متجهه للغرفه
سمع صوت صراخ بنت
بس طنش لان بالمستشفى وارد انه يسمع صراخ  وكمل وراح يمشي ويدور على غرفه ريوف اللي نسي رقمها
راح للموظفه وسألها عن ريوف
وقالت له رقم الغرفه 
وراح للغرفه وشاف رجال كبير بالسن يمشي بالممر
سعود ابتسم له ودخل الغرفه
دخل وشاف ريوف جالسه على السرير وتبكي وجهها احمر
سعود :  ليش رجعتي السرير وبعدين بطلي دلع وامشي يلا وقفي بكا
ريوف كتمت شهقتها وقامت معه 
سعود استغرب ومسك يدها بحكم انها تعبانه
ونزلو وركبو السيارة
وريوف نقابها صار كله مويه من البكا
وتحاول تكتم شهقاتها لين وصلو البيت
نزل سعود وبحضنه اميرة وريوف وراه ماسكه التيشيرت حقه وتمشي ببطئ  
وام سعود شافت كيف سعود يسررع بالمشي وريوف مو قادرة وراحت لعندها وحضنت كتف ريوف ومشيت معها وحاولت تفهم ايش فيها وتهديها
سعود طلع فوق وبحضنه اميرة
دخلها غرفتها ونزلها على السرير
وطلع بهدوء
دخل غرفته هو وريوف وشاف القزاز بنفس مكانه
بس استغرب ان القزاز كان في مكان والدم واميرة كانو في مكان ثاني بس بالنهايه طنش
وشال القزاز ورتب الغرفه
ونزل تحت يدور على ريوف
شاف ام سعود جالسه لوحدها
سعود : وين ريوف
ام سعود : طلعتها فوق بااحمام حقي 
سعود : رجع طلع ودخل غرفه  امه وشاف ريوف واقفه وماسكه الباب وابو سعود يهاوشها بصوت عالي
ابو سعود بصراخ : انت حرمه عاقله تسوين كذا !؟؟
ريوف تبكي ومو قادرة تنطق بحرف من الخوف
سعود سحب ريوف لحضنه : خلاص يا بوي انا بتفاهم معها لحالنا
ريوف خافت من كلمته بس حضنته بقوة من خوفها من ابوه
اخذها سعود وراح للغرفه وتركها على السرير وانسدح جنبها وبحدة : ليش سويتي كذا
ريوف انسدحت واعطته ظهرها وبشهقه : ما ابي اتكلم اهئ
سعود رحمها وتركها تهدي نفسها
وضل يناظر ظهرها على امل انها تتحرك بس شافها نايمه وارتاح انها نامت ونام