يوميات في المدرسة :D

chapter 19

#ملك
صحيت الصبح و عملت روتيني الممل
لبست و نزلت
انا:صباح الخير
ماماوبابا:صباح النور
ماما:يالا علشان تفطري و تروحي المدرسة بدري
و قعدت افطر...و كل اللي شاغل بالي الملاهي
بس قطع تفكيري بابا و هو بيكلمني
بابا:النهاردة ادم و نورهان جايين
انا:بجد...هو الاسبوع عده (مر)بسرعة كده ليه
ماما:المهم يعني هايجو (يأتو)قبل ما تيجي من المدرسة....بمعنى متتأخريش
انا:ماشي :)...انا لازم امشي دلوقتي
و مشيت
#ياسميين
قومت من على السرير و عملت روتيني ..بس لسة عندي صداع و لسة
عايزة اكمل عياط...المهم لبست  و طبعا
علشان مابينش عيني الحمرة حاولت على قد ما اقدر
 اني  احط طقية (غطاء رأس او كاب)
و نزلتها على وشي شوية علشان متبينش عيني
  و نزلت
ماما:صباح الخير :)
انا طبعا كنت سرحانة
ماما:انتي مالك
انا:هه......لا و لا حاجة ..انا همشي
احمد:مش هتفطري ؟
حسيت ان احمد عايز يسألني مالك علشان اكيد هو شاف عيني
من تحت الكاب
انا:لا ماليش نفس
و مشيت من غير ما اسمع كلمة زيادة انا فيا اللي مكفيني
وانا ماشية قابلت ملك
او علشان اكون ادق هي كانت مستنياني
ملك:جاية على نفسك ليه اتأخري كمان شوية....تحبي نتمشى على الكورنيش شوية (بتقولها و هي بتطلع بخار)
انا:خلصتي تقطيم....ممكن نمشي بقى(بقولها بكل برود املكه)
ملك:والله..ماشي يا ياسميين
و مشيت و هي زعلانة
ايه اللي انا عملته ده ...اووف لازم ارووح اصلحها و خصوصا بعد الرسالة ديه
جريت علشان الحقها..لما وصلت
لقتها بتتكلم مع حد بس كان ظهره هو اللي انا شايفاه بس.
باين من انشكاح ملك انه عمر
روحت عندهم بس شكلهم ان انا قطعتهم
عمر:صباح الخير :)
انا:هه..اه اهلا (بقولها ببرود)
لحظة واحدة ...هو مش قال انه مش جاي و لا اتا اللي بدأت اخرف
بعد شوية...عمر و ملك فضلو يتكلمو و انا في عالم تالت خالص..
قاطع تفكيري عمر
عمر:طب انا همشي دلوقتي ..علشان امنية و الشلة مستنيني..تحبو تيجو؟؟
اانا (قولت بسرعة):لا لا...قصدي علشان ...ام تلحقهم و احنا بطيئين
قلتها بسرعة قبل ما ملك تنطق و تخلينا نروح معاه بجد مش نأصاه
عمر:ماشي سلام
بعد ما مشي
ملك:انتي عملتي كده ليه
انا:هو انا عملت حاجة
ملك:-_- انتي شايفة انك معملتيش (قالتها بغضب)
انا:امم..طب انا اسفة بخصوص اني كنت بارده و علشان عمر
ملك:لا عادي..متعوديين :)
و فجاءة لقينا نفسنا قدام المدرسة
انا:وصلنا بسرعة
ملك:طب يالا علشان اتبقى 5 دقائق على الحصة الأولى
والصراحة ماعنديش استعداد اني اروح الاحتجاز النهاردة
و من هنا بدأنا نجري
#يارا
فطرت و كنت همشي بس وقفني صوت تامر
تامر:استني هوصلك
نفسي بس مش هينفع :(
انا:لا....باعرف امشي لواحدي
قلتها بطريقة مستفزة ..
تامر:براح
مشيت و سبته....روحت المدرسة
و دخلت حصتي الاولى و لحسن الحظ (اللي بحسة احيانا مش موجود)وصلت
قبل المدرس ...و لقيت ملك و ياسميين..مفيش مانع لو رخمت عليهم شوية
و باين كده ان ياسمين متضايقة فهيبقى سهل عليا اني ادايقها بأسهل الطرق

انا:اهلا اهلا ..بالاغبياء 
ياسمين:يا فتاح يا عليم يا رزاق يا كريم
انا:من امتى الايمان ده
ملك :روحي كلي ...شكلك مفوقتيش و جايه تفوقي علينا صح ؟
انا:تقريبا كده
و دخل عمر و شلته حلو اووي.... كده الخناقة هتكبر ........و ده اللي انا عايزاه
انا:هههههههه باقي الاغبياء جم
ليندا:هو فعلا اليوم ناقص يارا علشان تتغابى علينا (بتقولها بغضب)
عمر:يارا..سيبينا في حالنا
انا:ههههه و انا المفروض اسمع الكلام
ملك:انتي عايزه ايه مننا على الصبح
انا:اكيد مش عايزة اصاحبكم :P
لحظت الكاب اللي على ياسميين
انا:ايه القطة خايفة من ايه علشان كده حاطه كاب ؟؟(باقولها بكل سخرية)
طبعا الفصل كله اتجمع
و ياسمين ما صدقت طلعت فيها زعيق

ياسمين:ما قولنا خلاص ...روحي بعيد عنا (بزعيق)
و من هنا ابتدى كل واحد يزعق لحد ما دخل المدرس
و كان بالصدفة مدرس العلوم
المدرس:في ايه.......ايه الزعيق ده
كلنا سكتنا
و طبعا كان باين مين اللي بيزعق
المدرس:ياسمين,ملك,يارا,عمر,ليندا,....احتجاز 3 ساعات

ايوه بقى هو ده اللي انا عايزاه على الاقل 3 ساعات هيضيعو من غير تامر
#تامر
ليلى:من الموقف ده احب اقولك انها شكلها كده مش هتسامحك نهائي
انا:شكلها كده...بس اكيد قلبها هيحن :(
ليلى: :) اكيد قلبها هيحن و خصوصا انكو زي ما كنت بتقولي بتحبه بعض جدا و اخوتكم كانت كبيرة
انا:زي ما انتي قولتي....... كانت :(

#احمد
لما نزلت ياسميين حسيت عينيها ورمه و حمراء بس
ماكنش ينفع اسألها قدام ماما و بابا
لأن اكيد هي مش عايزة تقولهم علشان حطة الكاب
خلصت فطار و مشيت
وانا طالع من البيت شوفت والد ملك
انا:صباح الخير يا عمو
عمو:صباح النور يا احمد...عامل ايه
انا:الحمدالله
عمو:ادم انشاءالله جاي النهاردة
انا:بجد!؟ طب كويس هبقى مستنيه
عمو:ماشي
انا:ماشي يا عمة اانا لازم امشي دلوقتي سلام :)
عمو :ماشي سلام
و كملت مشي لحد الجامعة
مستني مي علشان اقولها اسف...اول ما دخلت الجامعة
دورت عليها لحد ما لقيتها
قاعدة في الكافيتريا
انا:صباح الخير :)
مي:والله....(بتقولها و هي متضايقة)
انا:ايه البوز ده ...طب انا اسف والله مش قاصدي اني
ازعقلك..بس الواد الملزق ده استفزني
مي:هههههههههههه بس متقولش عليه ملزق
انا:اكدب...هو فعلا ملزق ....المهم اني شوفت ضحكتك
مي وشها قلب احمر
مي:جاي بدري النهاردة
انا:علشان اصلحك
مي اتكسفت تاني
فاكرين العيل الملزق اللي اسمه لؤي...طلعلي من ال لا مكان

لؤي:مي ازيك :)
مي:هه....الحمدالله.... ازيك يا لؤي عامل ايه
لؤي:الحمدالله...  ازيك يا ..
انا:احمد -_-
لؤي :اه احمد...ازيك
انا:احسن منك
مي ضربتني برجلها و برقتلي
انا:الحمدالله (بقولها و انا بجز على اسناني)
طبعا مي حست فحبت انها تغير الموضوع
مي:انت بتعمل ايه في الجامعة؟؟
لؤى:بلعب كورة..اكيد جاي علشان ادرس
ده بيستظرف
مي:اه....ههه...معاك حق
مي طبعا حست ان لو الكائن ده اتكلم تاني هيروح على المستشفى عدل
مي:طب احنا لازم نمشي دلوقتي يا لؤي عندنا محاضرة
لؤي:ماشي سلام
بدأت اشك في لؤي ده...او انا بشك فيه اصلا ..نظراته غريبة و خصوصا
لمي..روحنا المحاضرة و تقريبا كده..كنت سرحان طول المحاضرة
================================================================
=============================================================================
Hiiiiiiiiiiiiiiiiii :)
yarab ykoon 3agabko :)
و شكرا على الدعم :D *_*
tawaqa3atkom
vote&comment plz