يوميات في المدرسة :D

chapter 21

#ياسمين

لما موبايلي اهتز ....كانت رسالة جديدة....بدأت احس انه عنده رصيد و بيضيعه عليا

....فاكرين لما قولتلكو مش ناقص غير انه يصورني و انا في الاحتجاز؟؟

لما فتحت الرسالة....لقيت فعلا صورتي في الاحتجاز....و مكتوب....

"ده دليل اني اعرف اجيبك في اي حته"

يا سكر.....ماعرفش يا ربي المصايب بتتحدف عليا منين....

-بعد 3 ساعات احتجاز-

#ملك

لما طلعنا من العذاب اللي بيتسمى احتجاز...مشينا انا و ياسميين للبيت كان الصمت هو سيد المكان.......

الفضول كان هيقتلني اني اعرف هي حاطة الكاب ليه

انا:ياسو...هو انتي حاطة كاب ليه؟

ياسمين:هاه ..لا عادي

انا:يا ياسميين...مش عليا الكلام ده......ده انا حفظاكي...كنت بتعيطي ليه ؟؟

ياسمين:طالاما عارفة بتسألي ليه يا رخمة...ينفع اقولك بعدين :/

انا:براحتك..بس هتقوليلي شأتي ام ابيتي

ياسمين:ههههههههه من امتى اللغة الفسحة  ديه

انا:طول عمري يا ماما.....انا بتكلم فسحة طول الوقت..بس انتي مش واخدة بالك

ياسمينن:واضح واضح ياختي

انا:بقولك...مش ادم و نورهان جايين النهاردة

ياسميين:بجد!؟...هايجو امتى..؟؟

انا:هما تقريبا جم...و شكل ماما هتعلقني او هتنفخني...على حسب الموود

ياسميننن:هههههههه طب خلاص احنا كده كده وصلنا ....روحي انتي

انا:وانتي و احمد اكيد جايين.....

ياسمين:اه انشاءالله..كده كده بكره اجازة..

انا:اه...و اخيرا بكرا هنروح الملاهي ^_^

فجاءة لقيت ملامح ياسمين اتغيرت

انا:مالك؟

ياسمين:هاه ...لا مافيش..يلا بقى بدل ما تتعلقي

انا:ماشي سلام

ياسميين:سلام

و كل واحده راحت بيتها

#يارا

لما دخلت البيت لقيت كل الخدامين زعلانين....و اول ما خادمة لمحتني...جريت عليا و اخدتي بالحضن.

و قعدت طعيت...

"هو في ايه"

ديه كانت الكلمات اللي عرفت اطلعها..

ولا كأني اتكلمت..

الخادمة سابتني و فجاءة طلعلي تامر.....بيطلعلي منين ده؟

بس كان باين عليه الغضب......علشان اكون صريحة اكتر كان فيه دخان بيطلع منه ..

بدأت ابلع ريقي..........نظراته بدأت تخوفني ..

لحظت وراه عيلته اللي لحد دلوقتي...ماعرفش اسمهم..بس مش ده اللي مركزة عليه حاليا

فضلت باصاه في عينيه...و فأي لحظة متوقعة بركان ينفجر في وشي

القصر كله...هادي..اقدر اسمع دبت النمله فيه

لحد ما تامر اتكل

تامر:كنتي فين؟(بيسأل و هو شوية و هياكولني)

علشان اكون صريحة انا كنت ميتة من الخوف بس ماكنش ينفع اني ابين ده

انا:وانت مالك حد قالك انك الواصي عليا

اوكي...انا كده بستفزه اكتر مش بتجنبه

تامر(بيحاول يمسك غضبه):ليه مش بترودي على الموبايل

اانا:كان فاصل شحن....و بعديين...انت مالك

تامر(بزعيق):يعني اييه انا مالي...انتي اختي يعني لازم اقلق عليكي

انا(نبرة صوتي بدأت تعلى):هه اختك......تصدق قشعرت.......اختك اللي انت سبتها 5 سنين من غير ما تسأل عنها..

ولا استني اختك اللي كنت بتوعدها تحميها و في الاخر سبتها و مشيت....تحب اكمل ولا اسكت

ساعتها بس حاسيت بالدموع بتتجمع في عيني...مش وقتك خالص

تامر:يارا......انا رجعت علشانك ...رجعت علشان احميكي زي ما واعدتك......رجعت علشان خطرك..انت بالنسبالي كل حاجة

(صوته بدأ يضعف مع كل كلمه بيقولها)

صوته كان بييضعف و انا الدموع كانت تكتر

و كان مع كل كلمة كان بيقرب خطوة

كل الاحداث ديه حصلت و القصر كله بيتفرج

ما تقولش فيلم تايتانك على mbc2

انا:هه ....فعلا رجعت علشاني......انت سبتني في اكتر وقت كنت محتاجة فيه حد يساعدني...

بس انت ماجتش في الوقت ده..فاتوقع مني اني ماجيش في الوقت المحدد بعد المدرسة

و سبتهم

و طلعت من غير ما اسمع كلمة من حد فيهم

رغم اني كنت بتخانق معاه غير اني فرحت انه قال الكلام ده

كان نفسي احضنه...و افضل اتكلم معاه لحد تاني يوم.....بس كالعاده كبريائي اتحكم فيا

اول ما قعدت على السرير روحت في النوم......كان يوم طويلل اوووووووي

=============================================================================

---------------------------------------------------------------------------------------------

Hiiiiiiiiiiiiiiii :)

اسفة على التأخير بس الدراسة و الامتحانات ..........زي الزفت :(

tawaqa3atkom

w eh ra2yokom f elstory
vote&comment plz
Enjoy <3