يوميات في المدرسة :D

chapter 26

#يارا
لما رن الجرس راحت الخادمات تفتح
...
كانت اصوات تقريبا سمعتها قبل كده..
..
دخل و كنت متأكده انه هو....بابا
...
بابا:صباح الخير
كلنا(بصوت اشبه للهمس):صباح النور
..
لحظة هو مش المفرود يجي بعد اسبوع...
..
بصة بابا لتامر مكنتش تطمن ...
بابا:تامر عايزك في مكتبي بعد ما تخلص
و مشي...
كان في امل ان احنا نرجع زي الاول بس دلوقتي الامل ده طار...
كنت شايفة نظرة الخوف في عين مراته..الي لحد دلوقتي ماعرفش اسمها
شكله مراسيها على الحوار كله
..
بعد ما خلصنا فطار كل واحد راح لحاله...و تامر راح لبابا
..
كنت قاعدة في اوضتي بالعب في الموبايل لحد ما باب الاوضة خبط
انا:اتفضل
.
دخلت منه مرات تامر...
مراته:ممكن اقعد معاكي شوية لو مش هديقك؟
اانا:اه طبعا اتفضلي يا...
مراته:ممكن تناديني ليلى
انا:طبعا ^^
قعدنا نتكلم في حجات كتيرة و نضحك..
كانت لطيفة ..و ده اللي خلاني متأكدة انها بتحب تامر بجد
فجاءة واحنا بنتكلم اتفتح الباب و ظهر يوسف و هو بينهج(بياخد نفسه) و وراه اسراء
ليلى:في ايه يا يوسف؟
اسراء:ماما الحقي..جدو و بابا بيتخانقوا
..
كده اتأكدت ان النهاردة مش هيعدي
..
نزلت جري انا و ليلى لمكتب بابا
..
قبل ما ندخل كان صوتهم عالي...كافيل اني اسمعه من بره و بوضوح
تامر:انت ليه مخبي عليها ليه خايف تقولها؟
كان ممكن اتخيل عين تامر و هي بتطلع نار
بابا:انا خايف اخسرها هي اللي اتباقتلي...
كانت كل كلمة بابا بيقولها صوته بيوطى
تامر:هه صدقني لو عرفت بطريقة تانية مفيش امل 1% انها تسامحك..
بابا:انت مش فاهم حاجة
..
بعدها قررت ادخل....مش هفضل بره كأني مستنية الحكم عليا بالاعدام
.
انا:طلاما هو مش فاهم يبقى مين اللي فاهم؟
بابا:انتي ايه اللي دخلك هنا....وبعدين ديه حاجة ملكيش فيها
تامر:لا ليها و نص....مش هتفضل مخبي عليها طول عمرك
انا:انا عايزة افهم حالا
بابا:مامتك طالبة تشوفك
..
#احمد
صحيت الصبح..و كانت الساعة 2 الظهر...
طبيعي لواحد نايم الساعة 3 الفجر
..صحيت و عملت روتيني اليومي
و نزلت تحت...
مكنش فيه حد غير ياسمين
انا:صباح الخير
ياسمين:صباح النور..عامل ايه؟
انا:تمام..بس باين انك مش تمام خالص ايه اللي حصل؟
ياسمين:ياه..متفكرنيش ده كان يوم ما يعلم بيه الا ربنا..وانت عملت ايه؟
انا:هه يعني ماشي الحال الا جزء الواد الملزق ده
ياسمين:هههههه الواد ده عملك عقدة
انا:باين كده...انا هتطلع فوق بقى اكلم مي
ياسمين:ماشي يا عم الرومانسي
و طلعت فوق..فضلت اتكلم مع مي شوية
و بدين قفلت الساعة 6 علشان نخرج
...
بعد ما جهزت...نزلت
انا:ياسو انا خارج ماشي
ياسمين:امال فين ماما و بابا؟
اانا:تلاقيهم خرجوا...يلا سلام
ياسمينن:سلام
..
و خرجت علشان اروح لمي....
وصلت عند مي و استنيت 5 دقائق عقبال ما تطلع
..
مي:مش ملاحظ انك بتيجي بسرعة شوية
انا:مش ذنبي انك بطيئة....و عموما انتي طلعة امورة
مي (اتكسفت):طب مش يلا نروح على المكان الخفي بتاعك
انا:ماشي يا ستي اتفضلي
...
فضلنا نتكلم و احنا في الطريق في حاجات بايخة
>>
انا:وصلنا
مي:انت جايبني على بقالة و تقولى وصلنا -_-
انا:اه و هي البقالة مضايقك في حاجة
مي:كلك نظر
انا:طب خلاص خلاص...هنروح حته تانية بس تغمضي عينيك
مي:طب ايه اللي يضمني انك مش تخطفني
انا:فيه حد يخطف واحد صاحبه
مي:انت عيل رخم.. :(
انا:طب خلاص انا اسف ..بلا حطي ديه على عينيك
و ايديتها قماشة سودة..و ربطتها
..
#مي
بعد ما ربطة البتاعة اللي هو ادهاني ديه...
فضلنا ساكتين..و انا هموت و اعرف هو رايح بيا فين
...
بعد شوية
احمد:وصلنا
انا:يا ترى فرع تاني للبقالة ؟
احمد:استظرفي ...اتفضلي انزلي
انا:كلك نظر هنزل ازاي و انا مش شايفة
احمد:طب فوكيها بس تفضلي مغمضة عينيكي
انا:طيب
بعد ما شلت البتاعة ديه قررت اني افتح عيني..ايه يعني اللي هيكون مش عايزني اشوفه
بس لما فتحت عيني لقيت الدنيا ضلمة و مفيش اي نور كأني لسة حاطة البتاعة
انا:ايه ده اتعميت!؟
احمد:لا يا خفيفة انا حاطط ايدي علشان عارف انك هتفتحي
انا:اووووف بقى طب انا عايزة اشوف..
احمد:عيلة و الله عيلة اصبري شويه
.
فضلت ماشية...و ماشية و ماشية
انا:مش هنوصل بقى؟؟
احمد:اصبري اتبقى شوية
و كملنا مشي..
احمد:وصلنا...
كان الجو جميل جدا....بعد ما احمد شال ايده من على عينيا..
لقيت احلى منظر ممكن اشوفوا في حياتي
....
بحر...و السماء زرقاء...و الشمس بتغرب..بس اللي لفت نظري اكتر
هو الطرابيزات (طاولة)اللي موجودة
احمد:هاه ايه رأيك؟
انا:انت عملت كل ده علشاني؟
احمد:كل سنة و انتي اجمل حاجة حصلتلي ^^
انا:انت عرفت ازاي ان النهاردة عيد ميلادي
احمد:بتسألي كتير اووي على فكرة..بصي وراكي
..
بصيت ورايا علشان الاقي كل الناس الغالية عليا و اولهم بابا و ماما ^^
الكل:..كل سنة وانتي طيبة :)
...
كنت مبسوطة ...
بابا:كل سنة وانتي طيبة و يخليكي ليا
..
كل واحد جه و اداني هديته...بس احمد لا..
كنت مستنية اشوف هديته ..علشان عارفة انه مش بيعرف يختار هدايا
فكنت عايزة اشوف ابداعاته..
كانت ناس كتيرة موجودة..كان طول عمري نفسي يبقى
عيدميلادي يبقى على البحر..و كان احمد هو اللي يعرف الحلم
ده
..
بعد شوية جه احمد يقف جنبي
انا:انت عملت كل ده ازاي؟
احمد:طرقي الخاصة..
ماقولتليش ايه رايك؟
انا:عادي يعني...مش بطال
احمد:بحب فيكي القناعة...بس مسالتنيش عن هديتي
انا:ههههه مستنية اشوف الابداع بتاععك
احمد:طب تعالي معايا يا ام ابداع
روحت معاه ووقفناه بين نص الناس
و بابا جه جنبي... و باباه يا ترى المجنون ده هيعمل ايه
ابو احمد:استاذ محمد(ابو مي)...انا ليا الشرف اني اطلب ايد بنت حضرتك لي ابني احمد
لا فعلا مبدع
بابا:انا ليا الشرف اني اجوز بنتي لراجل زي احمد
..
وانا في عز صدمتي من اللي بيحصل لقيت احمد قدامي
احمد:مي..تقبلي تكوني مستقبلي
لحظة صمت..كل مستني الاجابة
لحد ما قررت اني اتكلم
انا:اقبل
في اللحظة ديه اتقلب المكان لزغاريط و تهاني...
و صواريخ في السما..
اكيد مكنتش هتمنى ليلة احسن من ديه
^_^
فضلت اتكلم انا و احمد عن حاجات
احمد:دلوقتي ايه رأيك في الهدية بتاعتي
انا:احسن هدية..شكرا
احمد:يخربيت كده الواد ده بيطلعلي منين
انا:ههههههه...خليني احزر لؤي
احمد:عليكي نور..تصدقي واحشني بقالي 24 ساعة ماشفتوش
و جه لؤي
لؤي:مبروك يا مي..الف مبروك يا احمد
#احمد
يا سبحان الله الناس بتتغير في يوم
مي:الله يبارك فيك يا لؤي
انا:الله يبارك فيك عقبالك
لؤي:تستاهلها على فكرة
ثانية واحدة ..الناس بتتغير بس مش للدرجة ديه
مي:احب اعرفك لؤي ...اخويا
يا سكر
انا:ايه ده...طب و حوار ابن عمتي و التلزيق
لؤي:يا عم مايبقاش قلبك اسود..ديه برده اختي لازم ابقى مطمئن عليها
اصحاب؟
انا:اصحاب
فضلنا نتكلم لحد ما جت ياسمين و ملك و ادم و نورهان
ياسمين:مبرووك أاخويا
انا:الله يبارك فيكي ياختي
ياسميين:ياختي...تصدق انك عيل ما تستهلش..
مبروك يا مي
مي:الله يبارك فيكي يا ياسو
ملك:مبرووووووووك يا مي ...مبروك يالا
انا:يالا...ايه يا عم ادم ما تشوف اختك
ملك:مالها اخته...مش عجباك في ايه
انا:لا يا كبير ...احنا نقدر نتكلم
و فضلنا نتكلم لحد ما خلصت ليلة من احلى ليالي عمري..
زي ما اتكتبلي عمر جديد ^^


#يارا
انا:يعني ايه ماما عايزة تقابلني...هه انت بتهزر صح ..ديه ماتت
ههه موقف لا احسد عليه بجد..
بابا(اشبه بالهمس بس كفيل انه يتسمع):انا اسف
انا:انت ايه؟ لا معلش مسمعتش..يعني ايه انا اسف(كل ده و انا بزعق)
تامر:ممكن تهدي...ليلى خدي الاولاد بره
انا:اهدى ...انت بتهزر...عندي 15 سنة و اكتشف ان مامتي عايشة..
بابا:صدقيني انا عملت كده لمصلحتك
انا:هه لا باين...انت ضمرت مصلحتي اللي بتتكلم عليها
كل ده و الدموع بتنزل على خدي كنت بحاول اني امنعهاا
بس الموقف كان اقوى مني
...ماتصورتش في يوم اني اكون عايشة في كدبة
تامر:انتي ماسمعتيش الموضوع..ممكن بعدها تفهمي هو عمل كده ليه
انا:ياريت انت اخر واحد يتكلم عن الفهم...انت نفسك مافهمتش انت عايز ايه
غير لما مشيت..شكل الناس كلها بتفهم بعد ما يطلع من البيت ده
..
هه شكل النهاردة هيكون حسابه جامد
الصراحة انا ماكنتش واعية انا بقول ايه..بس لاول مره احس اني بقول الصح
..
حسيت اني شفت الندم في عين تامر
تامر:انتي مش فاهمة حاجة
انا:هه شكلي مبقتش فاهمة حاجة في البيت ده
طلعت و سبتهم و انا شايفة الندم في عين كل واحد فيهم
شكل اليومين اللي جايين اطول من سنيني كلها
دخلت الاوضة و استسلمت لاكبر فترة عياط
لأول مرة اعرف ان الظلام ممكن يبقى اطيب من ناس كتير
يا ترى الايام مخبيالي ايه ؟ :(
+++++++++++++++++++++++++++++++++++++++++++++++++++++++++++++++
++++++++++++++++++++++++++++++
Hiiii :)
عاملين ايه...
ايه رأيكوا في البارت...ميكس
تفتكروا ايه حكاية مامة يارا ديه..؟؟
Vote&comment plz
Enjoy <3