يوميات في المدرسة :D

chapter 23

#ملك
صحيت الصبح....اخيرا اليوم اللي كنت بستناه..
هروح الملاهي...بصيت على المنبه و لقيت الساعة 7
كويس...اتبقى ساعتين...
قومت و عملت روتيني اليومي..بس باهتمام زيادة حبتين
بعد ما خلصت كانت الساعة 7:30
ماكنتش اعرف اني سريعة
نزلت تحت و لقيت العيلة كلها متجمعة
انا:صباح الخير.(بقولها باكبر ابتسامة املكها)
ماعرفش ايه سر الابتسامة ديه...بس مجرد اني بتخيل الملاهي ولا مع عمر..بتظهر لوحدها
كلهم:صباح النور
و روحت قعدت جنب نورهان
ماما:غريبة يعني صاحية بدري مع ان النهاردة اجازة
انا:اه...عادي يعني صحيت من النوم و معرفتش انام تاني
نورهان(بهمس):عذر قديم اووي على فكرة
انا(بنفس النبرة):المهم ان ماما صدقت و بعدين انتي مالك؟
نورهان:مالي في جيبي...و بعدين ايه الانشكاح اللي كنتي نازلة بيه ده راحا تقابلي مين
انا:مش ملاحظة انك حشرة مناخيرك في خصوصياتي شوية
نورهان:بقى كده...طب ابقى شوفي هتخرجي و لا لا
انا:لا لا خلاص...عايزة تعرفي ايه؟
نورهان:راحا فين؟؟...و مع مين؟؟...و فين؟؟....و امتى؟؟
انا:حيلك حيلك...حد قالك انك خطيبتي ولا حاجة...هو سؤال واحد كفاية عليكي.
نورهان:حد قالك انك رخمة قبل كده؟؟
انا:يااااه كتيير ...لا يعدوا ولا يحصوا
نورهان:من امتى وانتي بتتكلمي بالغة ال
ماما(قاطعتني):ما بس بقى يا عيال...كلوا و انتو ساكتين
كل واحدة قاعدة ساكتة.....السكوت يعم المكان
مفيش غير صوت الملاعق
.
.
.
.
بعد ما خلصنا اكل كان اتبقى ساعة بحالها...حان الوقت
هروح اقول لماما اني خارجة
روحت و كانت ماما  قاعدة في الصالون و مفيش حد معاها...كويس
انا:ماما حبيبتي ..تعرفي اني بحبك اوووي
ماما:بلاش مقدمات و قولي بسرعة مش فضيالك
انا:ماماممكناخرجاروح الملاهيمعصحابي(قلتها بسرعة اووي)
ماما:ايه يا بت براحة...راكبك عافرييت
انا:ماما ممكن اخرج اروح الملاهي مع صحابي؟
ماما:وياسمين هاتروح؟؟
اوكي...السؤال ده مفكرتش فيه قبل كده...بس اكيد هتروح
اصل ماما بتطمائن لما اكون مع ياسمين..لانها عاقلة ..احم عذرها ماها..ماهي ما
تعرفش >.<
اانا:اه..اه هتروح
ماما:بس هاتيجي امتى؟
انا:الساعة 8 بليل انشاءالله
ماما:ماشي يا ستي اتفضلي روحي و انا هاقول لبابا
انا:شكرا يا احلى ام في الدنيا
ماما:العفو ...اوعي بقى علشان اتفرج على التلفزيون
انا:تصدقي فصلتيني يا ماما
ماما:بتقولي حاجة
انا:سلامتك
و طلعت اجري علشان البس..بداية لا بأس بها
و دخلت الاوضة و بدأت االبس...طبعا مجهزة الهدوم(الملابس)من زمان
لبست و جهزت لقيت الساعة 8:30
كويس في وقت الحق ياسميين اللي متأكدة ان احمد اتصرف معاها
نزلت و سلمت على ماما و طلعت بره البيت
روحت بيت ياسمين
ورنيت الجرس ...و بعد حوالي 5 ثواني لقيت احمد
بيفتح و هو مبلول و بينهج..
انا:ههههههههههه ايه اللي عمل فيك كده؟
احمد:ادخولي اسألي المجنونة صحبتك ..
ياسميين(من جوه):سمعتك على فكرة(طبعا كانت معليا صوتها)
#ياسمين
كنت نايمة في امان الله ...و فجاءة لقيت مياه متلجة نزلت عليا...
توقعت انها بتمطر ..بس ايه اللي هيخليها تمطر في اوضتي
الصراحة كسلت افتح عيني بس لما حسيت بنفس المياه تاني
قولت مبدهاش بقى
فتحت عيني و لقيت اخويا... .... حسبي الله و نعم الوكيل -_-
انا:ايه يا بني ادم انت...في حد يصحي انسان كده
احمد:لما يكون الانسان ده مش راضي يصحى من ساعة يبقى يستاهل اكتر من كده
انا:اوووف..
وبصيت في الساعة و لقيتها 8 الصبح
انا:و هو في انسان طبيعي بيصحى الساعة 8 في يوم الاجازة؟
احد:لما يكون رايح الملاهي يبقى...اه
لحظة واحدة هو عرف موضوع الملاهي...
انا:طب يلا ...اطلع بره خلينا نشوف هنعدي اليوم ده ازاي.
احمد...:ماشي..يا مخططة انا نازل اعمل فطار
انا:ليه هي ماما فين؟
احمد(بارتباك):امم..قالت انها هتتروح ..ل.لصحبيتها
انا:طب بوص بلاش فطار مش عايزة
احمد:اه طبعا مش خارجة يبقى لازم مش عارفة
انا:لا يا خفيف ماعنديش استعداد يجيلي تسمم..و يلا اطلع بره
احمد:سخيفة..انا طالع
و بعدين طلع..
اوكي خلينا في مبدأ ان ماما ماعندهاش غير صديقة واحدة...و اصلا الصديقة ديه مسافرة
ففي احتمالين...يا اما احمد بيستهبلني ..يا اما ماما بتستهبل احمد
و الصراحة انا مع التاني..
المهم قمت و عملت روتيني اليوممي...و
بعدما جهزت وكل حاجة لقيت الساعة 8:30 ..
الصراحة الدقائق بتعدي عليا كأني همووت........
نزلت تحت  لقيت احمد في المطبخ
و قاعد بيغني...اعترف للحظة تخيلت نفسي عايشة مع كاظم ساهر..
بس طبعا ده ش حقيقي لانه كان صوته بشع..بكل ما تحمل الكلمة من معنى
قررت اني اخذ بطاري...فرحت
و جبت مياه..الصراحة صعب عليا علشان كده مجبتهاش مثلجة
جبتها ساقعة....ورحت من وراه....ورميتها عليه
...
 مشتنتش اشوف رد الفعل لأني جريت...مكنش عندي استعداد اخسر حياتي..
جريت على اوضتي وقفلت الباب..فضلت اضحك لمجرد ان شكل احمد و هي بيترمي عليه المياه
يجي في خيالي....طبعا ده كله وانا سمعاه و هو بيزعق..
عدت 10 دقائق ولقيته سكت...استغربت
فقررت اني انزل و اشوف....
نزلت و لقيت المكان هادي كأن شئ لم يكن...فكروني مقعدش مع ملك كتير,..
المهم روحت قعدت قدام التلفزيون متوقعة اي حاجة تطلعلي من تحت الكنبة
...
عادا حاليا 3 دقائق و مظهرش حاجة..بدأت اقلق عليه.فقررت اني اطلع فوق..
واشوفه في اوضته..طلعت و اول ما قتحت الباب..
لقيته في وشي....و طبعا بما اني عيلة فرفورة اتخضيت و صوتت
انا:حد قالك قبل كده انك متخلف؟
احمد(بيضحك بهيستيرية):ياه كتير اووي....
انا:هو انت ليه لسة لابس هدومك المبلولة؟
احمد:علشان احسسك بالذنب
و بعدين الجرس رن..
نزل احمد يفتح وسمعت صوت ملك...
هييه كان نفسي حاجة تحصل و ماروحش مع الكائن اللي اسمه عمر
المهم نزلت و كانت ملك بتتضحك على احمد
(اللي حصل فوق)
كان صوتهم عالي اووي ممكن يتسمع من جوه
ملك:هههههههه انا قلتلك صحيها مش حميها

طلعت اقف معاهم
انا:بقى انتي اللي قايلالو يعمل كده
ملك:هو اللي فهم غلط
احمد:بقى كده يا ملك بتبعيني
ملك:ديه بردو ياسو
احمد:عموما انا غلطان اني بساعدكوا
انا:طب يلا يا عم الغلطان..ادخل جوه..هنرش مياه
احمد:ماشي يا بواب ..انا داخل...اه نسيت اقولك انا هخرج مع مي و هشوف لو
ادم و نورهان هايجو...
فممكن تيجي متلاقنيش....بس احتمال تلاقي ماما و باابا
انا:ماشي يا عم الرومانسي بس ماتنساش تبقى تحكيلنا
احمد:و انا احكي لعيال زيكو ليه؟
ملك:في ايه يا كابتن..مش عاجبينك..اوعى يغرك طولك
احمد:بوابة...اقسم بالله بوابة..انا داخل
دخل احمد و فضلنا نتكلم بره..الصراحة ماعرفش ايه الهدف
من ان احنا نتكلم بره...بس ملك ماكنتش راديا تتدخل
فضلنا ربع ساعة بره بنتكلم في اتفه الموضيع اللي ممكن تيجي على البال
لحد ما جت عربية سودة كبيرة..و نزل منها الكائن عمر....حلو الاسم ده!!
عمر:صباح الخير...هاه مستعدين
كان عندي استعداد اقول لا..بس طبعا بانشكاح ملك المعتاد
ماجليش قلب اعمل كده....مشينا لحد العربية
و ظهر راجل من الا مكان...باين عليه انه السواق..سنه بيتراوح بين 50 ل 53
فتحلنا الباب و دخلنا...مكنش حد فيها غيرنا..

ملك:اومال فين الباقي؟
عمر:هنروح نجيبهم...اصل انتو اقرب
فضلوا يتكلموا و  مكنتش مديه اي اهتمام كانو بيتكلمو عن ايه..
كنت بفكر في ايه اول موصيبة ممكن عمر يعملهالي..
وقفنا عند بيت كبير...
و كان واقف قدامه ليندا و سلمى و امنية ..ماشوفتش طارق ..ما اهتمتش لأن
وجوده زي غيابه...
ركبه...و قعده يتكلموا
كنت بشارك في الكلام بس قليل....مكنتش متدايقة منهم
عادي يعني.
..وصلنا الملاهي...كانت كبيرة اووي
بس الفرحة اللي في عين ملك كانت اكبر منها
دخلنا جوه و ملك كانت عايزة تلعب كل الالعاب في وقت واحد..

؟؟:ايه يا جماعة بقالي ساعة مستنيكوا..ازيكوا عاملين ايه

بصو وراهم لقو طارق..متعبتش نفسي و بصيت لانها مش فارقة معايا
طارق:ازيك يا ياسمين
اطريت الف علشان اشوفه......بس كانت الصدمة تعتلي وجهي
انا(بالصدمة):نائل؟؟
.
.
.
#يارا
صحيت الصبح..كانت الساعة تقريبا 9:30 الصبح
اول مرة اصحى من غير الخادمات...
فضلت قاعدة في مكاني كده قولو لمدة نص ساعة
ببص للفراغ اللي قدامي...بحاول اتخيل مستقبلي هيبقى عامل ازاي..
بتخيل حياتي في حيطة لونها بينك....مع اني بكره اللون ده
بس شفت فيه حياة لا بأس بها...
قاطع تأملي للحيطة الخادمة و هي بتدخل عليا.
الخادمة:ايه ده هو حضرتك صاحية؟
انا:انتي شايفة ايه؟
حسيت ان الخادمة اتضايقت ..تقريبا هي جديدة هنا علشان كده مش متعودة
احيانا بكره كبريائي لما بيتحكم فيا و احيانا ببقى ممتنى له
بس شكلها صغير في 18 كده..ايه اللي يخلي واحدة زيها تشتغل

الخادمة:اسفة حضرتك بس استاذ تامر عايز حضرتك
انا:ممكن متقوليش حضرتك....ناديني يارا..
و ضحكتلها ضحكة من قلبي قليل اووي لما
بتضحك بصدق ..
لقيت وشها نور
الخادمة:طبعا حاضرت...يارا
ابتسمتلها و بعدين مشيت
عملت روتيني اليومي ...و نزلت تحت .
بفكر انهي اللعبة السخيفة ديه...
طبعا كبريائي ضد المقولة ديه..
كانو كلهم متجمعين على السفرة روحت و قعدت جمب ولد كيووت
الصراحة ماعرفش اسمه بس هو شبه تامر اووي
تامر:احم..صباح الخير
قالها و هو خايف من ردة فعلي
انا:صباح النور
يلا نصدر الوش الخشب
تامر:ااا..بخصوص..امبارح..
انا(قاطعته):انا نسيت الموضوع...و ياريت متفتحوش تاني
.
.
.بعد شوية
تامر:ممكن اطلب طلب
انا:خير
تامر:ممكن تقعدي مع اسراء و يوسف ...علشان انا و ليلى خارجين؟
اوكي...تعالو نرتب اللي قالو ده علشان في اسماء غريبة طلعت
اقعد معاهم يعني عيال..يعني اسراء و يوسف دول ولاده
و هيخرج مع ليلى..يبقى مراته ...حلو كده  فهمت...الصراحة كنت هارفض
بس الخناقة مابيني و مابينه ..يعني مافيش داعي ندخل الاطفال
انا:ماشي
قلتها بلا مبالاه
تامر:شكرا :)
انا(بنفس النبرة):العفو

.
.
.
بعد الفطار تامر و ليلى خرجوا..
وانا طلعت فوق..اووف نسيت النهاردة المفروض اجازة للخدم...المفروض انهم بيمشو
الساعة 12 الظهر لتاني يوم...
حلو اووي شكل مفيش غذاء النهاردة
فضلت قاعدة فاوضتي لما يقارب
3 ساعات..بقلب في الموبايل..و بتأفف كل شوية من الملل
لحد ما خبط الباب
انا:اتفضل
دخل اسراء و يوسف ...هههه كانو قصيرين اووي..
اسراء:هو احنا ممكن نقعد معاكي علشان احنا خايفين
انا:خايفين من ايه؟
يوسف:اثل اثراء جابت فيلم رعب
انا:ماشي اقعده
فجاءة لقيت السرير اهتز...
انا:على فكرة انا قولت اقعدوا مش نطوا
اسراء:مفرقتش كتير
يوسف:قوليلي بقى يا مزة عندك كام سنة؟
انا:مزة...انت عندك كام سنة يلا علشان تقول الكلام ده؟
يوسف:يا ستي متركزيش..العبد لله عنده 4 ثنين..و انتي؟
انا:ثنين هاه...حضرتك انا عندي 15 و نص
اسراء:ضاعت السبوبة..
يوسف:يا خسارة لو كنتي صغيرة شوية
انا:قاعدة مع  ريا و سكينة...و انتي عندك كام؟
اسراء:5 سنين
يوسف:طب انا جعان
اسراء:و انا كمان
انا: حاليا انا مابعرفش اطبخ...فا اسهل حل نطلب من بره
اخدت موبايلي و طلبت البيتزا.....على امل ان النهاردة يكون حلو
++++++++++++++++++++++++++++++++++++++++++++++++++++++++++++++++++++++++++
+++++++++++++++++++++++++++++++++++++++++++++++++++++++++++++++
hiii :)
عاملين ايه....واحشتوني اووووي
اخيرا خلصت امتحانات ^^....عقبال اللي لسة مخلصوش
ايه رأيكم في البارت...و تفتكرو ايه اللي خلى ياسمين تقول نائل؟؟
Vote&comment plz
Enjoy <3