يوميات في المدرسة :D

chapter 28(النهاية)

#ياسمين
روحت عند بيت يارا و كلي امل اني افهم هي مجتش ليه
خبطت و فتحتلي خادمة دخلتني جوه
الخادمة:ثانية هقول للأنسة يارا
انا:اتفضلي
قعدت شوية و دخل عليا طفل ..
الطفل:مسا مسا...مزة جديدة
انا(بأستغراب):نعم!؟
الطفل:يوسف...ناطط في اي مصلحة عندي 4 سنين انتي ؟
ههه الصراحة عاجباني جرأته
انا:اسمي ياسمين يا معلم عندي 15 و نص
يوسف:يا خسارة كبيرة زي يارا ..طارت تاني مصلحة
انا:معلش ..اكيد هتلاقي مصلحة على قدك
فضلنا نتكلم انا و يوسف لحد ما جت يارا .
يارا:يوسف سيبنا شوية
و مشي يوسف
انا:الف سلامة لوكنتي تعبانة...و كنت جاية علشان اديكي الواجبات
يارا(ببرود):شكرا
انا:معلش على الفضول بس هو انت كنتي غايبة ليه
يارا:هه على اساس انك بتهتمي
انا:ما انا قولتلك فضول مش حب يعني
يارا :انتي عايزة ايه؟
انا:هه الصراحة يا يارا عايزاكي تتغيري..انا ماعرفش انتي عايشة في ايه
ولا اعرف ظروفك..بالرغم من الطريقة السخيفة اللي بتعمليني بيها
اللي اني متأكدة انك جواك كويس...و ده مجرد وش خشب مش اكتر
...
ماعرفش قولت الكلام ده ازاي بس بجد ماكنش تقليف..
كنت فعلا حاسة ان يارا كويسة بس في حاجة منعاها من كده
..
فضلت يارا ساكتة ...
انا:عموما انا اسفة على التدخل بس في ناس كتيرة كويسة
يا يارا صدقيني مش كل الناس الوحشة بتبقى كده بمزاجها
في حاجة اسمها ظروف و مسؤليات ..علشان كده متأكدة
انك كويسة...و كويسة اووي كمان
يلا سلام..اتمنى اشوفك قريب
و مشيت
طول مانا في الطريق قعدت اعيد كل اللي حصل
الكلام اللي قولته ده ازاي اتقال و اتقال لمين
ليارا!!!

بس انا فعلا كنت حساه و كنت حاسة ان يارا محتجاه
..
روحت البيت و سلمت على ماما و طلعت الاوضة استريح
و احاول اجمع البازل اللي حطيت نفسي فيها
..
ضيعت بين افكاري و نمت ..
و كانت احسن حاجة ان بكره اجازة
#يارا
لما الخادمة طلعتلي و قالت ان في واحدة عايزاني
استغربت...اصل علاقاتي مش لدرجة ان حد يسأل عليا
المهم نزلت و لقيت ياسمين
اوكي انا ماكنتش متوقعة حد من الشلة بتاعتي
بس بردو مش ياسمين
و قعدنا نكلم (اللي حصل فوق)
كل الكلام اللي قالته حسسني انها عارفة حاجة
بس ماعرفش ليه حسيته انه طالع من قلبها مش اكل عيش يعني
فكرت في الكلام اللي قالته...و كنت حاسة ان مش ده اخر لقاء بيني و بين ياسمين
..
اتبقى يومين و تامر يسألني عن جوابي ..طول الشهرين كنت بتجنب بابا
او اي حد فطاري و غادايا و عشايا في اوضتي تقريبا
مش بنزل كتير
فجاءة يوسف قاطع تفكيري
يوسف:مش ناوية تلعبي معانا ...انا زهقت من اسراء
و جت اسراء على السيرة
اسراء:مالها اسراء يا خويا..مش عجباك
انا:بس بس ايه بلطجيه...عايزين تلعبو ايه
يوسف:تعالوا نلعب كوشتينة
انا:اسمها كوتشينا...و بعدين انت بتعرف تلعبها؟
جه جنبي
يوسف(بهمس):لا...بس انا مفهم اسراء اني بفهم
علشان اكسبها
انا:بتنصب عليها يعني
يوسف:حاجة زي كده
و روحنا و جبنا الكوتشينا ...و فزتهم بأكتساح
و البسمة ما فرقتنيش من ساعت ما لعبت معاهم
...

بعد ما خلصت لعب...
طلعت اوضتي علشان انهي اليوم الحافل ده
بالنوم.

_الصبح_
#ياسمين
صحيت الصبح و انا حاسة ان في حاجة هاتحصل
روحت و عملت روتيني و نزلت
و انا نازلة بصيت على الساعة لقيتها 12:30
بسم الله ماشاءالله
ده عمرها ما حصلت
نزلت و كانوا قاعدين بيفطرو
انا:صباح الخير
الكل:صباح النور
و روحت و قعدت جنب احمد
كلهم فيهم حاجة غريبة
متوترين...خايفين.....تحس انهم ...
صوت احمد قاطعني
احمد(بهمس):كل سنة و انتي طيبة يا نيلة
..
سيبكوا اني اتشتمت خليكوا في الجزء الاولاني
كل سنة و انتي طيبة..يعني النهاردة عيد ميلادي
النهاردة يوم موت نائل
احمد:انتي معايا
انا:ها...اه ربنا يخليك ليا
حسيت ان احمد اتصدم من ردي
هه كان متوقع اني اطلع اعيط زي كل سنة
بس انا نفسي ماعرفش ايه اللي حصل
احمد فاق من صدمته
و كل واحد قاعد ساكت...حتى ماما و بابا
بعد ما خلصنا الفطار ...كل واحد راح لحالوا
وانا كنت اول واحدة اروح...طلعت اوضتي
و انا جوايا خالي من كل شعور
مش عارفة فرحاة اني تميت 16 سنة ولا زعلانة اني
في اليوم ده مات شخص عزيز عليا
قطع تفكيري ماما
ماما:كل سنة و انتي طيبة يا نور عيني
انا:و انتي طيبة يا ماما.ربنا يخليكي ليا
ماما:ياسمين.حبيبتي انا عارفة انك مش بتحبي تحتفلي بعيد
ميلادك... و خصوصا بعد اللي حصل..
بس انتي كملتي 16 سنة .. واللي فات مات..
فباباكي اصر انه يعمل عيد ميلادك..
و انا شايفة معاه حق
..

انا مش سيئة لدرجة اني ازعل بابا
و اخليه يفتكر اللي حصل..خصوصا انه عايز يفرحني
انا:متخفيش يا ماما قولولي امتى و انا هكون جاهزة
ماما:ماشي يا حبيبتي ..هتبقى 8 كده
و متخفيش كل اللي بتحبيهم جايين
و مشيت
يعني النهاردة ملغي من اني احاول احل الالغز
موبايلي اهتز و كان الراجل الغريب
فتحت الرسالة و كان فيها
"صباحك عسل..كل سنة و انتي طيبة..ممكن ديه تكون اخر سنة ليكي"
لا حول ولا قوة الا بالله في حد يبارك لحد
و يقوله انك هتموت...ايه الناس ديه يارب
#يارا
صحيت الصبح الساعة 3 العصر..
هه بقالي كام اسبوع بصحى على نفس الميعاد
فضلت مكاني..بفكر اتبقى في المهلة
يوم...يا اسافر يا افضل
..
فضلت قاعدة كده يجي ساعة
و بدأت اجوع قلت انزل...اجيب اكل
نزلت...طريق المطبخ كان هو هو طريق مكتب بابا
و انا ماشية سمعت حد ...او حاجة زي كده
اتأكدت انه جي من طريق المكتب
روحت قربت شوية من المكتب علشان اسمع الحوار
اللي استنتجت انه دار بين بابا و تامر
تامر:سيبها تختار و متنساش انت اللي قولت كده
بابا:انا عارف بس..كنت عايزها..على الاقل تبقى مكانها
تامر:انا عارف يا بابا بس ديه مازالت غلطتك....وبعدين اكيد يا
بابا هاجي زيارات و هي هاتيجي معايا
بابا:كلهم بيقولوا كده
و انتهى الحوار ما بنهم بسكوت الطرفين
..
طلعت اوضتي جري...علشان ماتبقاش وقت اني افكر...الساعة 12
هيكون اتكتبلي عمر جديد يا هنا يا هناك
..
كبريائي لتاني مرة يستغنى عني....و كلام ياسمين بيتكرر
"ظروف و مسؤليات"
اكيد بابا كان عنده ظروف و هو وضحه
ماما..
بابا حبها بجد...و هي ماقدرتش
و مشيت...و سابته عاشمان في رجعها
..
اكيد مش هضيع المجهود اللي عمله علشان يصلح قلبه اللي اتكسر
..
و اخدت قراري
و نزلت عند المكتب
اخدت نفس..علشان اقوي نفسي.. خبطت
تامر:اتفضل
دخلت ...بابا كان قاعد على المكتب
و تامر قدامه..
روحت قعدت قدام تامر
تامر(بتوتر):هو...في حاجة؟
انا:انا قررت
و في لحظة بابا اللي كان متجاهلني بصلي باهتمام..و تامر خايف من النتيجة
تامر:انتي لسة فضلك ي...
انا(قاطعته):خلاص مش محتاجة اليوم ده
تامر(و الخوف بجتاح عينيه):طب قوليه
انا:هفضل..
فجأة لقيت وشهم عليه الصدمة
تامر:انتي متأكدة؟
انا:اه بس بشرط...انت و ليلى و الولاد
تفضلوا هنا
تامر تنح
تامر:بس..بس مش هينفع
بابا:هي معاها حق يا تامر...
..
وسكتنا شوية لحد ما بابا قطع الصمت
بابا:يعني افهم من كده انك مسمحاني
انا:اتأكد من كده
و رجعت ابتسامته اللي بقالي كتير ماشوفتهاش
و جه حضنيني....اكدب لو قلتلك اني مكنتش هطير من الفرحة
بعد ما سبنا بعض بصيت على تامر
انا:وانت مش ناوي تقعد
تامر:لو هتفضله سمنة على عسل كده...اكيد هفضل
وحضنا بعض...كانت من احسن اوقاتي
و اتأكدت اني اللي جاي غير اللي راح
بعد فرحة..طلعت فوق اوضتي و فضلت ابص في الشباك
طالاما اتغيرت...يبقى اتغير من كل النواحي
و طلعت من البيت جري...لا برد على حد ولا بسمع حد من اساسه
#ياسمين
جت الساعة 7:30...جه الوقت
قومت و جهزت...لبست فستان...هه اهو يوم
بتمنى انه يعدي من غير اي خسارة
نزلت تحت ولقيت ماما و بابا و احمد
احمد:اوبا...انا كده هفكر اسيب مي
انا ضربته بخفه
انا:بس يالا...ديه مي
بابا جه نحيتي..و حضني
ماتقولوش راحه اتجوز
و بعد حضن الاهل و تمنياتهم لي بالخير.روحنا المكان
كان عبارة عن قاعة...بس كانت فاخمة فاخمة يعني
و كان فيه ناس كتيرة...بس كولهم بحبهم
بعد ما اندمجت لقيت واحد بيخدني
؟؟:بخ
انا:ادم....خضيتني...الله يسامحك
ادم:ههههه ايه يا اوفر ...ديه خدة....عموما كل سنة و انتي مجنونة
انا:و انت طيب...اومال البت نورهان فين هي و ملك
ادم:نورهان هتلاقيها بتهيص...اما ملك لسة مجتش
انا:ليه؟
ادم:انتي عارفة صاحبتك بطيئة فقالت هتيجي لوحداها
و مشي
فضلت اتكلم مع دي و ده و دول...كأني جاية اتكلم و بس
فضلنا نتكلم...وفجأة لقيت عمر دخل
هي مش ماما قالت اللي بحبهم...ده ايه اللي جابه
بس اللي ملاحظاه عليه....انه جي متوتر...وشكله
جي من غير عزومه
اول ما لمحني جري علي
عمر:ياسمين...عايزك ضروري
انا:اه و انت طيب -_-
عمر:مش وقتك
وراح شدني
ووقفنا في حته بعيدة
انا:انت اهبل انت ازاي تعمل كده(بعصبية)
سيبكوا من الافلام..اللي ياخدني في حتة متدارية و يقولي انا اسف
انا بحبك انتي و الكلام الاجنبي ده
لان و ببساطة يوم ما ملك تعقل...سعتها بس ممكن افكر في عمر
عمر:اهدي...ملك في خطر
انا:ازاي يعني...الشيكولاته خلصت
عمر:صدقيني ...طارق عندها و ممكن يئذيها
انا:و ايه علاقة طارق
عمر:هفهمك بس بأنجاز
و بدأ عمر يحكي..
بعد ما خلص...كل اسالتي اجابت..
عمر:لا مش وقته تتنيح ... يلا نلحق البت لا يحصلها حاجة
و من هنا ابتدينا انا و عمر الجري
زي المجانين...طبعا الكعب مابينش اي مساعدة خالص
اتطريت اني اقلعه(اخلعه)
و كملت جري...و عمر معايا
كأننا بنحارب الوقت
وصلنا بيت ملك و كان فعلا الباب مفتوح...دخلنا بسرعة
و كان طارق و اقف و وراه ملك وباين عليها الخوف
عمر..جري على ملك..
طارق:اهلا اهلا...بست الناس
انا:طارق الفات مات..و مينفعش اللي انت بتعمله ده
طارق:هه اه طبعا انتي خسرانه حاجة هو كان اخوكي
انا:انت فاهم غلط..
طارق:هه ماهو صحيح عندك عيلة مش مرمية
انا:انا متأكده انهم بيحبوك بس اكيد في ظروف
طارق::اسكتي (بزعيق)
ملك:هو في ايه...طارق مالك
عمر:طارق الجنان ده مش كويس
انا:ما انا كده كده...مجنون..
و فجأة دخلت يارا
#يارا
فضلت اجري لحد ما وصلت لبيت ملك و دخلت...و زي ما توقعت
طارق و عمر كانوا هناك
انا:طارق بلاش تهور
طارق:هه اهلا اهلا بصاحبة الخطة العظيمة
كنت انا و عمر و ملك في ناحية و ياسمين
و طارق في ناحية تانية
لحظت حاجة في جيب و كانت بتلمع
ماشكتش في لحظة...ان ديه سكينة
جريت عليه و و حاولت اخدها منه
بس طارق زقيني
و طلعها من جيبه
كلنا بصيناله باستغراب
انا:طارق انت كده هتضيع نفسك
طارق:ضايع من زمان...
ياسمين:صدقني لو عملت كده نائل هيزعل
طارق:هه عادي ما انا زعلت كتير و مفارقتش
لو مكنش عرفك ماكنش مات...ماكنش راح ..ماكنتش
فضلت لواحدي فمستشفى انا اعقل من الدكاترة
ياسمين:ده قدر و مش هينفع تغيره
اخوك كان هيموت شئت ام ابيت...
بس اللي هينقذه دلوقتي هو دعواتنا ليه..
ادعيله
فضل طارق يقرب اكتر من ياسمين..مبقتش
حاسة بدراعي اللي وقعت عليه..
فجأة عمر جري عليه...و حاول يضربه
وبحركة غير ارادية..
لما طارق جه جنبي وقعته
وفضل...عمر وراه ضرب لحد ما اخد السكينة
#ياسمين
فيلم اكشن...حصري في شقة ملك مش هتلاقي غيره
فجأة دخل احمد وادم ...و جريو على عمر و طارق
ادم فضل مكتف طارق
و احمد بيشد في عمر علشان مايضربوش
طارق:انا بكرهك يا ياسمين
و بعد كده ادم اخده بره
ماكنتش من الناس اللي بتحب تعيط..قدام حد بس الظروف اتحكمت
احمد و ملك شالوا يارا حاطوها..على الكنبه و شافو اديها
اما عمر جه عندي
عمر:انا اسف يا ياسمين..بجد اسف
دلوقتي الدايرة كملت
عمر و الشلة صحاب يارا من زمان
يارا جايباهم علشان تدايقنا...كان الاول هزار بس الموضوع قلب جد
يارا ماكنتش عارفة ان طارق يعرفني...ولا حتى ليه علاقة بيا
طارق في الاول شك ان ديه تبقى انا اللي في معتقاداته اني
قتلت اخوه...و بحكم انه مجنون جه علشان يخلص تاره مني
او من ملك
..
اما موضوع الرسايل كان من عندهم كلهم...و اللي كان بيبعت كان طارق
فكان براحته يقلف
.
ازاي كنت بالغباء ده..ازاي
الرسالة اللي اتبعتت يوم الملاهي...طارق ماكنش فيها
يوم ما دوخت و حد سانادني كان طارق..و الساعة اللي لمحتها يوم الملاهي كانت بتاعت نائل
زمان
..
افكاري كلها بقت مرتبة...كل حاجة بانت زي الشمس
جت الساعة 12 و كان الكل في مكانه
اتمنيت ساعتها اغرب امنية في حياتي...و مكنتش ممكن اتصور اني في
يوم هتمنى الامنية ديه
اتمنيت
" حياتي مايكنش ليها وجود"
فضل الكل قاعد لحد ما الاباء جم و الكل اتفاجئ
يارا راحت على المستشفى...اما طارق ادم سلموا لقسم الشرطة
و اللي اتقالي ساعتها انهم رجعوه المستشفى المجانين
اللي كنت مستغرباه ان اهل طارق استغنوا عنه
وواضح من كلامه ان نائل كان هو اللي بيسأل عليه...بس
انتهى يوم من اسوأ ايامي
..
روحت البيت و انا لسة في صدمتي...طبعا ملك ماكنتش تفرق عني كتير
كان اهلي بيحاولوا يصبروني
بس انا طلعت الاوضة بتاعتي
كان ورايا احمد جه علشان يكمل اللي حصل تحت
و يهديني
بس انا فاجأته بسؤالي
انا:مين قالك؟
احمد:قالي ايه؟
انا:حوار طارق و البيت
احمد:عمر
فضلت سكتة مش علشان مش لاقية كلام...ساكتة من صدمتي
ان اكتر واحد كرهته و اتمنتله الشر هو اول واحد
جه انقذني
دخلت اوضتي و نممت
كان الوقت داخل على 1:30 كده
_تاني يوم_
#يارا
بيته في المستشفى من امبارح....
بابا كان بايت معايا طول اليوم...بس راح يجيب هدوم
مكنش حاجة كبيرة...مجرد كسر...و همشي النهاردة
اتمنيت ان ياسمين و ملك يسامحوني...علشان اعرف اسامح نفسي
دخل بابا و معاه يوسف و اسراء و ليلى و تامر
تامر:الف سلامة يا يارا
انا:الله يسلمك
يوسف:انا سمعت انك شركتي في مهمة و كان في حرامي بقى و قضتيها
انا:اه ماهو باين قضتها و ايدي مكسورة
فضلنا نتكلم و نضحك لحد ما دخل علينا عمر
عمر:الف حمدالله على السلامة :)
اانا:الله يسلمك
عمر:يارا انا بجد اسف على اللي حصل
انا:انا اللي اسفة يا عمر..الموضوع كله ابتدى بغبائي
و ياريت ملك و ياسمين يسامحوني
وفجأة دخل من الباب ملك ووراها ياسمين
ملك:لا يا ستي بخصوص ملك و ياسمين ...مصلحينك و هما مبسوطين
ياسمين:الف سلامة عليكي...يلا قومي بسرعة مش لاقيا حد يرخم عليا
انا:ماتخفيش هرجع و بقوة كمان
و قضينا اليوم مع بعض
#ياسمين
لما صحيت....كان اللي حصل ماضي
سئ...بس نائل كان من الماضي الحلو
اه هو جه عليا بخسارة بس...مازال اخويا...ربنا يغفرله
قومت و لبست علشان انا و ملك قررنا نروح ليارا
....
(اللي حصل فوق)
قضينا اليوم معاها و قاعدنا نضحك
و صمم عمر انه يروحنا
بعد ما وصلنا المفروض بودع ملك
ملك:ياسمين...انا بحبك اووي
انا:و انا اكتر يا فاتن حمامة
ملك:اراكي في المستقبل يا كرومبو
و ضحكنا...سلمت عليا و بتسلم على عمر
ملك:سلام...
عمر:ملك انا عايز اخرج معاكي بكرة ينفع
ملك:ط..طبعا ..سلام
قالتها باكبر ابتسامة لديها
و مشيت اتبقى انا و عمر
انا:عمر انت بتحبها؟
عمر:هكدب لو قلت لا
انا:خلي بالك منها..صدقني مش هتلاقي احن منها
عمر:لا ماهو انا متاكد...بقولك صحاب؟
الصراحة عمر جدع..و مترددتش ثانيا
انا:احسن صحاب...
سكتنا شوية
انا:اومال فين البنات
عمر:البنات خلعوا لقوا الموضوع هيقلب جد
بعد شوية كلام كل واحد مشي
_بعد 3 شهور_
#ياسمين
عمر و ملك....بقوا احسن حبيبة في سنهم
عمر مستني لما يكبر و يتقدم لملك...
احمد و مي....اتجوزوا و سافروا شهر العسل هكدب لو قلت ماوحشنيش
انا زي ما انا لا حبيت و لا اتحبيت
بقيت انا و ملك و عمر و يارا اصحاب
اه يارا..اتغيرت كتير
يارا بقت من اكتر البنات لطافة...
يارا قاعدة جنبي مبططة لا حبت و لا زفت..
#يارا
اتغير كل حاجة من ساعة الحادثة الغريبة ديه
بقيت فاهمة يعني ايه عيلة بجد
حوار ماما...بابا عوضني كتير عنها
فنسبالي لسة ميته
#ملك
جه وقت النتيجة حاليا...احنا كلنا في المدرسة مستنين الفرج
عمر راح يسأل على النتيجة
و جه
انا:هاه ايه الاخبار؟
عمر:تدفعوا كام
يارا:يا بارد انجز
عمر:عايز حقي كاش
ياسمين:حقك عندي يا كبير ..بس قول انت
بص عمر بصة حزن ...بمعنى ان احنا ساقطين
عمر(بصوت عالي):نجحنا.يا قوم
كل واحد نط وقعدنا نصرخ من الفرحة
على رغم انها كانت سنة مليئة بالمفاجأت الى انها غيرت الكتير
#ياسمين
اتأكدت بعد الليلة ديه ...
ان مفيش حد معندوش قلب ولا مشاعر
بس في اللي يعرف يخبي...و في اللي يعرف يبين
...
انتهت :D
++++++++++++++++++++++++++++++++++++++++++++++++++++++++++++++++++
++++++++++++++++++++++++
Hiii :)
ايه رأيكوا في النهاية؟؟
..
انا عايزة اشكر كل اللي دعموني....و شكرا على الفوتس
و الكومنت اللي كانت بتخليني انشكح كده
بجد شكرا <3
Enjoy <3