يوميات في المدرسة :D

chapter 27

#يارا
صحيت الصبح .....و كانت الساعة 2 الظهر
..
الصراحة مكنش عندي المزاج اني اروح المدرسة..ماهو كله بقى بالمزاج :(
..
فضلت قاعدة في السرير باسترجع كل حاجة حصلت امبارح
...
حياتي كانت مبنية على كدبة....و كانت هتكمل عليها
لولا الي الحصل.....
مكنش عندي استعداد اني اسمع اي حد...بمعنى اي حد
اصل اللي كدب مرة مش بعيد يكدب عشرة...
فضلت قاعدة لحد الساعة 5..الصراحة ماعرفش كنت باعمل ايه
..
كنت بعيط ولا كنت فرحانة...كان شعوري متلخبط
..
خبط الباب
انا:اتفضل
و دخل عليا تامر...يالا اهي نكد بنكد
تامر:ممكن اتكلم معاكي..لو سمحتي
حسيته مخنوق
انا:لو على امبارح.يبقى قصر و اطلع بره
تامر:طب ممكن تسمعيه...اكيد هو عنده سبب
انا:مفيش سبب انه يكدب....و كدبة زي ديه
تامر:اسمعيه....لو معجبكيش كلامه ..هاخدك و نسافر
سكتت لفترة افكر في العرض...
مهما كان ده تامر...و الفرصة جاتلي اني ابدأ حياة جديدة
انا:و انت فكرك هيوافق
تامر:هو اللي اقترح.....يارا مهما بابا كدب مازال بيخاف عليكي
انا:بيخاف ايه....هه ده مكنش بيقول صباح الخير...هيتحول فجأة و يخاف عليا
فجأة دخل بابا الاوضة...مكنتش مستغربة انه سمع الكلام
بابا:ليه بتقولي اني اتحولت مش كنت كده من الاول...
يارا انتي لازم تسمعيني..و بعد كده احكمي زي ما انتي عايزة
ما تلقاش رد مني ...فاعتبرني موافقة
سحب كرسي و قعد جنبي انا و تامر
بابا:يارا...انا عمري ما حبيت حد زي مامتك..كانت هي كل حاجة بالنسبالي
و بالتالي كنت انتوا اغلى ما عندي....بس مامتك ماكنتش بتحبني
اطرت تتجوزني علشان اهلها...كنت الاول معارض بس مكنتش
استحمل تبقى لغيري...سنين عدت و احنا متجوزين
كانت تعاملني بما يرضي الله بس مش بما يرضي قلبها
مش هقولك انها وحشه...بس هي ماقدرتش حبي ليها
..يارا امك اختارت انها تسيبني..
و ده فعلا حصل..قبل كدبة الوفاة بأسبوع كنا بنخطط لده
مكنتش عايز اسوأ سمعتها قدامك انتي و اخوكي..
مهما كان ديه امك ...اتفاجأت لما كلمتني و قالت
انها عايزاكي..انا اسف يا يارا.
ختم الجملة بصوت هادي

كأني لسة وخدة دش مياه متلجة...
هه امي اللي كنت فاكراها مظلومة...طلعت ظالمة
بابايا اللي افتكرته معندوش قلب..طلع عنده بس مكسور
بابا:يارا انا عمري ما كرهتك...كنت عارف ان معاملتي معاكي اتغيرت بس..
انتي طالعة نسخة منها...ماكنتش قادر اواجهك و انا شايفها مكانك
يارا انتي لازم تعزوريني ...انا ماقدرش اعيش من غيرك..

انا(بكل هدوء):اطلعو بره
.........
#ملك
صحيت الصبح... و عملت روتيني اليومي...و نزلت علشان افطر
انا:صباح الخير
الكل:صباح النور
ماما:يلا كلي بسرعة علشان ماتتأخريش
قعدت ..و اكلت في صمت رهيب...
بس بمجرد اني فكرت في عمر الابتسامة اياها رجعت على شفايفي تاني
..
بعد ما خلصت روحت عند ياسمين علشان نمشي مع بعض
فضلت مستنياها بره 5 دقايق
ياسمين:قوليلي كده احنا ليه رايحين بدري؟
انا:علشان بعد الشر يعني علينا اول حصة علوم...و مش طالبة معايا احتجاز
ياسمين:حتى لو مع عمر؟
انا:احم..لا عمر ده موضوع تاني
ياسميين:ماشي يا ست فاتن حمامة...اتفضلي علشان مانتأخرش على
عمر....اقصد العلوم
فهمت ياسمينن..بتلمح على ايه..بس مارضتش اتكلم
لأني الموضوع هيتقلب عليا
بعد رغي كتير...في اي حاجة و صلنا المدرسة
و روحنا الفصل
عدت اول 3 حصص على خير
بس ماشوفتش يارا
على اساس اني بهتم :)
جه وقت الفسحة ..و خرجت انا و ياسمين
روحنا قاعدنا على طربيزتنا المحببة...
و جه علينا شلة عمر
عمر:اهلا اهلا..
طارق:اخبارك يا ياسو...اخبار الصداع ايه؟
#ياسمين
هو ليه بيستعمل كلمة ياسو...ولا هو ليه من الاساس مهتم؟
انا:اه تمام الحمدالله...شكرا على السؤال
هو انتم مش ملحظين انه بقى يتكلم...
طارق:لا ازاي ده احنا صحاب و مفيش شكر بين الاصحاب صح؟
انا تنحت...يا بني ده انت يوم الملاهي
كانت تاني مرة تكلمني..فجأة قلبنا صحاب
يا مغير الحال
طارق لاحظ سرحاني ...فحب  انه يفوقني
طارق:ولا ايه يا ياسمين؟
انا:ها...اه طبعا طبعا
و اديته اسخف ابتسامة املكها
عمر:بقول ...بكره هنخلص بدري شوية تيجوا...نخلع
لا لا لا لا ..حوار الخروج مع عمر و طارق ده من سابع المستحيلات
ملك:اه طبعا...و ياسميين..اكيد هاتيجي
هو مش من سابع المستحيلات اووي يعني...طول ما
ملك موجودة...يبقى مفيش اي مستحيل اني اخرج معاهم
ليندا(بأنشكاح زيادة عن اللزوم):تمام...هو ماحدش شاف يارا؟
لحظة لحظة....هي ليه بتسأل بالانشكاح ده؟؟
يعني البت مسحت بكرامتها الارض...
انا:بتسألي ليه؟
ليندا(بارتباك):ها...اصلي.....عادي يعني
بدأنا نحَور
عمر:طب مش يالا علشان الفسحة خلصت
.
.
.
لا انقذتها المرادي....بس مش دايما يا عمر
بعد يوم طويل...في محاولة التركيز على ليندا
و اسرار الشلة ديه...روحنا
و احنا في الطريق
ملك:ايه يا بنتي اللي انتي عاملتيه ده..ده البت كانت هتقع معيطة
من كتر الارتباك
انا:و انتي شايفة ان ده طبيعي
ملك:لا مش عليا انا حركات كرومبو المحقق
انا:صدقيني عمر الكلب ده...وراه حاجة
..
اوبس...احم مكنش لازم اشتم عمر..لأن و ش ملك احمر
و زعلت
ملك:على فكرة ده معملكيش حاجة
انا:ملك انا اسفة بجد لما ابقى متعصبة بتغير
ملك:لا واضح
انا:ما خلاص بقى ...هجيبلك شوكولاتة
ملك:بجد *_*
هه ملك ممكن تفرحها باقل حاجة...
انا:اكيد..و كده كده احمد ليه عزومة لينا
ملك:الله ...المفروض اعمل جدول اعمال علشان كل الخروجات ديه
انا:ماشي ياختي..يلا سلام علشان وصلنا...
متعديش عليا هعدي عليكي انا
ماك:ايه النشاط ده عمرك ما عملتيها..
انا:يا ستي اعتبريها جنب الشيكولاته
ملك:ماشي ياختي سلام
انا:سلام
...
ماشي في حجات كتيرة مبقتش عادية
اولا بابا و ماما مش باشفهم كتير...ثانيا شلة عمر
ثالثا الشخص المجهول و رابعا طارق اللي شبه نائل
..
علشان اعرف احل ألغاز كرومبو ديه لازم
اطلع ملك بره الموضوع..الموضوع مش ناقص تعقيد

..
ده كله كان يتقال في مخي و انا مروحة للبيت...دخلت البيت ملقتش حد
اكيد احمد مع مي.اما ماما و بابا الله اعلم
طلعت اوضتي و غيرت هدومي...و موبايلي اهتز
معلنا وصول رسالة
فتحتها و لقيتها من الراجل اللي طالع من فيلم هندي ده
و كان مكتوب فيها
"اتبقى شوية و تفهمي كل حاجة يا قطتي...اه صحيح مبرووك للبشمهندس اخوكي"
ماستغربتش...اصل مش هقعد اتفاجئ من كل حاجة
انا بأيدي اعرف مين الشخص ده ... ..
لحظة بس كده...قطتي
ضيفوا للالغاز...ان مفيش حد بيقولي قطتي
بعد نائل...الموضوع بيتعقد اكتر مش بيتفك..
و ده اللي مخليني متأكدة ان فيه لغز ورا الموضوع ده
..
فضلت على حالي ده لحد ما نمت
و ماكنش عندي واجب فديه كانت نقطة في صالحي
بس الله اعلم هتفضل ولا هتتقلب ضدي
كل اللي كنت متأكدة منه ان بكره...هيبدأ مرحلة جديدة في عمري
#يارا
بابا:فكري كويس يا يارا...انتي ماتعرفيش اهميتك عندي
تامر:بابا...خليها تفكر
و طلعوا الاتنين
..
اول مرة الاقي كبريائي استغنى عني...يمكن لما شاف الموضوع
قلَب جد...قال اخلع
نظرتي اتغيرت بقيت اشوف من كل الجهات
قررت اني انام و خليها على ربنا...اكيد هو عنده الحل
كده كده اتبقى على سفر تامر شهرين يا سافر يا افضل
...
_بعد شهرين_
#ياسمين
عده شهرين و كل حاجة على حالها المجهول اللي طلعلي من الفيلم لسة بيبعت
و كل مرة بيبعت بيأكدلي ان نائل ليه علاقة...كان هو ولا كان حد يقربله
...
علاقتي بملك بقت متوترة في الفترة الاخيرة...مش هقول متخانقين .هقول
عمر بقى مسيطر حبتين...ملك بدأت تعشقه..و ده مش طبيعي
طارق بدأ يشبه نائل اكتر من الاول..
يارا بقالها شهرين مختفية ...الشهادة الله..
من بعد غيابها حسيت بفرق...
...
احمد و مي حددوا الفرح...
ماما و بابا باقيت اشوفهم زي الاول بس لسة مستغربة
فترت غيابهم ديه كانت ليه
..
هه بخصوص الألغاز ولا واحد فيهم اتحل
ولا مسكت طرف خيط زي ما بيقولوا
..
نزلت الصبح و عديت على ملك...علشان نروح مع بعض
رنيت الجرس ... و فضلت 5 دقايق مستنية فتحلي ادم
ادم:ياسو عاملة ايه؟
انا:صباح الفل..انا تمام و انت؟
ادم:تمام
انا:اومال فين النشيطة؟
ادم:اهي يا ستي
و طلعت ملك
ملك:ياسو
انا:ملوكة
ادم:جايين تتعرفوا دلوقتي يالا وراكوا مدرسة
و مشينا
انا:اخبار عمر ايه
ملك:احنا كنا مع بعض امبارح
انا:اه قصدي...معاكي
ملك:كل يوم بحبه اكتر
انا:فاتن حمامة يلا
ملك(بتضحك):هههه ماشي يا كرومبو
ووصلنا المدرسة
و زي العادة من شهرين يارا مش موجودة
و كان علينا اول حصة علوم
استاذ العلوم في اخر الحصة اتكلم
استاذ العلوم:ياسمين عايزك
ملك:عملتي ايه موكوسة
انا:انتي شايفة اني اتحركت من جنبك
ملك:طب روحي و قوليلي
روحت عند الاستاذ
انا:حضرتك عايزني
الاستاذ:اه...اصل يارا غايبة بقالها كتير...فلو ينفع
توديلها الواجبات..
اوكي...كده كده في خروجة مع عمر و الشلة
ففي خيارين...يا عمر و الشلة يا يارا
اكيد يارا...هه مش محتاجة سؤال
انا:اكيد يا استاذ...
و اداني الواجبات
الصراحة اخترت يارا..لفضولي..اصل
دول شهرين مش يومين
رجعت عند ملك و شله الكائن عمر
و كله قعد يستنتج
ملك:رفد
طارق:احتجاز
عمر:بيحيك
كلنا بصناله
و ضحكوا..و انا ضحكت
بس علشان مايبنش حاجة
انا:شكلك بتتفرج على افلام اجنبي كتير
ملك:هاه انجزي
انا:ولا حاجة اصل ندى(واحدة معانا في الفصل)غايبة فقالي اودلها الواجبات
مكنش لازم اكدب في موضوع ندى علشان هي فعلا غايبة
بس ممكن اخر جزء هو اللي قلفت فيه
و الحمدلله توتري مابنش ...
عايزة كل حاجة تبقى طبيعية
ليندا:اوووه..يعني مش هتيجي زعلتيني بجد يا كوكو
امنية:يا خسارة يا يويو بجد كنا عايزينك معانا
هي ليه محسساني انها من بلاد بره...ايه الناس ديه
يويو و كوكو  -_-....تصدقي قفلتيني
انا:معلش بقى فرصة تانية
و ده كان احسن قرار اختوا في حياتي ..على الاقل رحمني من يويو و كوكو
خلص اليوم الدراسي
و ملك روحت مع عمر و الشلة
و انا قولت لملك تقول لماما علشان متقلتقش
و روحت ليارا...علشان اعرف هي ليه مجتش المدرسة
و اكيد ده ممكن يبينلي حجات كتيرة
+++++++++++++++++++++++++++++++++++++++++++++++++++++++++
++++++++++++++++++++++++++++++++++++++
Hiiii :)
عاملين ايه؟
اخبار البارت معاكوا ايه ؟؟
و تفتكروا يارا هتقول لياسميين حاجة؟
و ايه حل الالغز ديه؟
انشاءالله النهاية قريبة جدا
Vote & comment plz
Enjoy<3