مثل كل يوم كعدت الصبح جهزت روحي علمود اروح للجامعه بدلت و اتريكت وطلعت للجامعه وصلت اخذت محاضره الاوله وو الثانيه و طلعت للكافتريه و اكلت و طلعت مااحس الا شخص صاح بااسمي انداريت لكيت شخص طويل حلو مظهر ه الخارجي كتله : اتفضل اخي
علي : اني اسمي علي و اريد اكلج على شغله مهم صار فتره مراقبج و انتبهت انتي خوش ابنيه و حبابه واخلاقج حلو و حبيت اتعرف عليج
نور : اتراقبني ؟ و اتريد تتعرف علي؟ طبعآ احجي بعصبي و منو حضرت جنابك حتى تتعرف علي كرايب ابن عم ابن خال لا اني مااحب هاي السوالف فارجاءآ ابتعد عني و لا اتشوفني وجهك مره لخ
علي: شنو قصدج متردين تتعرفين علي ؟
نور : ايي عندك مانع ؟ اني اخلاقي متسمح اتعرف على الرايح و الجاي
علي: اوك ست نور اذا هيج لعد حتقدملج و اطلب ايدج و بفترت الخطوبه نتعارف شنو رأيج ؟و هسه وين بيتكم حتى ادز اهلي
نور: اني خفت كلش مااعرف ليش( بيني و بين نفسي)
خليت و عفته و طلعت للبيت مرديت علي اسمعه يحجي وراي
ميحتاج ادليني اني اندل وحدي و يضحك
وصلت للبيت كلش خايفه مااعرف شنو السبب لان اول مره احجي وي ولد غريب لان اني طبعي مااحجي وي الولد قليل و اذا احجي لو سلام لو ادر بااي او لا و بس هاذي كل الكلامات الي استخدمهن
خليت و بدلت و نمت كعدت العصر سبحت و بدلت و كعدت قريت لان عندي متحان و بعدين نزلت اتعشيت و رجعت قريت و صليت و قبل لا انام صليت صلاة الليل و جهزت ملابس و نمت
اليوم الخميس اخر يوم بهاذه الاسبوع يالله راح اخلص من هاذه الاسبوع كعدت و بدلت و اتريكت و رحت للدوام و مشه الدوام مثل كل الايام و هاذه الشخص(علي) ماشفته اليوم و رجعت مر اليوم عادي
للجمعه كعدت على صوت ماما اتكعد بيه اتكولي اكعدي يله راح نتغده كعدت غسلت و صليت و نزلت اتغدي و كملت غسلت اماعين و صعدت قريت و اشوي و اسمع ماما اتصحيني اتكلي انزلي
نزلت جان اشوف ماما امسويه صينيه مال عصير و كالت بدلي اجوي خطابه عليج اني كلش خفت و ضليت ابجي مااعرف اشلون نولن ادموعي و بعدين صعدت ابدل و اخواتي اجن يركضن منو هاذه اتعرفينه و من هاي الاسئله المتخلص عاد كملت و نزلت قدمت العصير جان اكو اثنين نسوان وحده منهن كامت اتصلي على محمد
المره : اللهم صلي علي محمد و أل محمد يمه خوش يعرف يختار ابني شنو هاذه الجمال ربي يحفضج
اني كلش خجلت و كتلهه شكرآ
بعد ساعه راحو و ماما كالتلهم فتره و انرجعلكم خبر
و اني بلمطبخ مااحس الا بابا كدامي و شنو
مفاجأة البارت الجديد
أنت تقرأ
وحيده ووجدت قريني
General Fictionامممم قصه رومنسيه و مغامره و حب و كره بنفس الوقت بعض الاحيان الاهل يأخطأون و عليكم تتحملون الخطء و مرات الخطء مو غلط و انما هو خوف من الناس و حفاظ على السمعه و الشرف و خاصه اذا كان الشخص عنده بنات ٥ بنات و ماعنده ولد يساعده حيخاف الاب على كل...
