و جان اشوف مجموعه من البيوت مقابيل الشارع رحت ركض للبيوت و دكيت واحد منهن محد طلعلي و ضليت ادك هم مااكو خليت و حاولت افتحه جان ينفتح و دخلت و باوعت محد بلبيت بس البيت كلش نظيف لازم اكو ناس عايشه اهناء رحت لللحمام غسلت و باوعت شفت ملابس بدلت سامحني يارب مضطره جان اكو ملابس فلاحين فا ربستهه و خليت ضال مال عجايز على راسي و اني طلعت جان اشوف مجموعه من الفلاحين راجعين ضلو يباعون علي فا حاجيتهم جان اكو زلمه جبير و مره ليكدام يمشون
نور: عمو تكدر اتساعدني ؟
الشايب: اي بنتي اتفضلي
نور: عمو اني تايهه اهناء و مااندل (طبعآ كتله هيج لان خاف ميساعدوني اذا عرفو)
الشايب: سهله بنتي هسه انساعدج انتي من وين
نور : عمو هاي المنطقه شنو اسمهه؟
الشايب : بنتي انتي بلبصره خاف متدرين بمنطقه***
نور: شنوووو ؟ قصدي اي اعرف بلبصره بس اني هاي المنطقه كلش بعيده على اهلي / عمو عدكم موبايل اخابر على اهلي
الشايب: اي بنتي هاج هاذه موبايلي
نور : اخذته و خابرت على الشرطه طلعلي شخص صوته خشن و جان يكول
الضابط احمد: منو ؟ و شنو حالتكم ؟
نور : الو اني نور عندي حاله كلش ضروريه
و ابتعدت اشوي من الشايب لا يسمع شنو حكول
نور: اني نور بت الضابط سعد هسه اني مخطوفه و كدرت اشرد تكدر تجون تاخذوني
الضابط احمد: نور بت الضابط سعد انتي وين هسه اجيج
نور : اني حسب العرفته بلبصره و تكدر اتحدد موقعي من الجهاز عفيه بسرعه تعال لان حيوصلولي بااقرب وقت
الضابط احمد : ساعتين اني يمج اصلآ اني بلبصره شغلي
احمد(البطل): اني احمد عمري 30 من بغداد بس شغلي بلبصره يعني اول متعينت اهناء و اني شكلي حلو اسمر طويل كلش طولي 185 و معظل بطبيعت شغلي لازم العب حديد و اني اكثر وكتي يم الضابط سعد طبعآ كلش اعزه بين فتره و فتره اجي لبغداد و اشوفه لو هو يصير شغله بلبصره و نتشاف
هو امثابت ابوي لان اني ابوت اتقاعد و انطاني امانه عدنه خوش زلمه و قبل اسبوع سمعت خاطفين وحده من بناته و اني حاولت بكل طريقه الكاهه بس ماعدنه دلائل حتى نتعقبهم
فا بيوم و اني كاعد بشغلي و افكر اشلون راح نتعقبهم اجاني اتصال من رقم اول مردين عرفت هاي نور مدري اشلون وصلت للبصره و اني اشكد غبي بنفس المحافضه و مااندليتهه
فا صعدت بلسياره و انطلقت للموقع مالتهه و جنت كلش فرحان لان راح اسوي شي يفرح الضابط سعد
تعريبن ساعه و نص وصلن من كد ماجنت مسرع
نور : سديت الخط و رجعت الموبايل للشايب و و هو كلي ابقي بلبيت لحد ميجون اهلج اني خفت كمت مااأمن بااحد بس اضطريت انتضره
أنت تقرأ
وحيده ووجدت قريني
Fiksi Umumامممم قصه رومنسيه و مغامره و حب و كره بنفس الوقت بعض الاحيان الاهل يأخطأون و عليكم تتحملون الخطء و مرات الخطء مو غلط و انما هو خوف من الناس و حفاظ على السمعه و الشرف و خاصه اذا كان الشخص عنده بنات ٥ بنات و ماعنده ولد يساعده حيخاف الاب على كل...
