اتمنى تعجبك
ماحس الا بابا واكف ورايه و امبين عصبي كلش و اعيونه مخنزرات علي و شكله يخوف كلش و مااحس الا و هو يجرني من شعري و كفخني راجدي كلش قوي بدة يضرب بيه عبالك مو بته عبالك عدوته او واحد ارهابي و هو يحجي و يكول
الاب : ولج كلبه هاي نهايت تربيتي الج تتعرفين على الولد بلجامعه و مخليته يجي يخطبج ولج نزلتي راسي ياحقيره (طبعآ بابا مو شخص متخلف لا بلعكس كلش يفتهم و مثقف بس جان يحذرنه من انسولف و نحجي وي الاشخاص الغريبن و انحب لان يخاف انزل راسه و هو ضابط اتصير سمعته كدام الناس موزينه ) و مااحس الا خشمي طك دم و ماما و اخواتي يباعن هلي لحد ما ماما كالته عوفهه بابا خله و كلي انطيني التلفون انطيته اله جان يكلب بي و مالكه بي شي خله و كسراه و كال
الاب : خل اتروح من كدامي هسه لا اموتهه و اقفلي الباب عليهه هاي المايستحيعلى روحهه
الام : كومي اصعدي لغرفتج ولج سودتي وجهنه
نور : اني ابجي و اكللهم والله مااعرفه و مشايفته والله صدكوني و مااحس الا راجدي لخ من ماما و اخواتي صعدني للغرفه و قفلن الباب علي
طبعآ بجيت و ضليت ابجي لليل و محد صعدلي عشه طبعآ نفسيتي كلش تعبت وحسيت روحي وحده نزلت راس ابوهه بلكاع خليت و كعدت بلزاويه مال الغرفه و ظليت ابجي لحد ما نمت و كعدت الصبح با ٦ الصبح و جنت كلش جوعانه بس حسيت مااكدر اكل ماادري يمكن اتمرضت اني من نوع كلش حساسه و كلبي ضعيف مايتحمل خليت و رجعت نمت و هم كعدت مره لخ با ١٢ لكيت روحي عركانه كلش باوعت لكيت اكل و الباب مفتوح خليت و رحت سبحت طبعآ محد بلطابق الثاني بس اني كملت و رجعت للغرفه خليت و صليت و ضليت ادعي ماعندي احد غيرك يارب بين الحقيقه و اني مظلومه و نمت لحد مااحس الا سوت اختي زهراء اتكعد بيه
زهراء: نور اكعدي؟ نور حبيبتي هاي ليش هيج كومي لا تتمرضين كومي نشفي شعرج
نور: باوعت شفت زهراء تحجي كلش فرحت و شبكتهه و ظليت ابجي و هي تحجي وياي
زهرا: حبيبتي اختي احجي الصراحه و اني واكفه وياج تره
نور: حجيتلهه كلشي صار وياي و مضميت اي شي
أنت تقرأ
وحيده ووجدت قريني
General Fictionامممم قصه رومنسيه و مغامره و حب و كره بنفس الوقت بعض الاحيان الاهل يأخطأون و عليكم تتحملون الخطء و مرات الخطء مو غلط و انما هو خوف من الناس و حفاظ على السمعه و الشرف و خاصه اذا كان الشخص عنده بنات ٥ بنات و ماعنده ولد يساعده حيخاف الاب على كل...
