وحيده ووجدت قريني

البارت 13

احمد راح اعرفكم على عائلتي

امي : عمرهه ٦٠ وهي
مره حبابه كلش مو لان امي اكول هيج لا تره صدك من نسوان الزمن القديم و ازوجت من هي اصغيره و هي رغم ازوجت اصغير بس ابوي ساعدهه اتكمل دراسهه بس علمودهه لان هي اتريد تدرس و تعب وياهه اهواي

ابوي : عمرهه٦٥ و متقاعد جان ضابط وي عمو سعد و زلمه عصبي بس من يهدء يصالح الي زعله او صيح علي اني نسخت ابوي بكلشي

عندي اخوي
محمد : عمره 25 خاطب و يشتغل بشركه مال ادويه و فتره و انشالله يزوج لان هو مجهز كلشي البيت.....
بقه يجيب الغرفه مال الاخشاب و قوائم المعازيم

اختي
ساره: عمرهه 28 مزوجه و عدهه طفله اسمهه ملاك
و هي كلش حلوه عمرهه سنتين و مزوجه ابن عمي

و هاي عائلتي صغيره كلش

وره ما طلعت من بيت الضابط سعد رحت شفت اهلي و سلمت على امي و سبحت و طلعت كملت معاملات نقلي لبغداد و العصر رجعت للبييت لكيت اخوي كاعد يخطط لعرسه لان بعد شهر و لازم يجهز كلشي و ساعدته اشوي و جهزنه قائمة المعازيم اني دعوت الي اعرفهم من الضباط و الملازمين و اصدقائي و اكيد الضابط سعد اول واحد 😅😅 علمود الحلو بس

مر اسبوع و اني يم اهلي قررت ارجع للبصر اخلص كم شغله و هم اجيب اغراضي و ارجع لبغداد و رحت للبصره بعت البيت الي جان عندي و لميت اغراضي و نقلتهن لبغداد و كملت اوراق النقل و رجعت لبغداد
اشتريت بيت قريب على اهلي و جهزته و كملت علمود اكعد بي لان مااحب اكعد ابيت اهلي احس ما اخذ راحتي و اني هم اريد استقر

هسه نرجع لنور لان اهواي حجينه على احمد 😅😅

نور : انتظرت بابا يجي حتى اسأله على احمد😅😅
اجه بابا

نور: هلو بابا اشلونج

الاب : الحمدالله بنتي انتي اشلونج شخبارج اشلون صرتي

نور: الحمدالله بابا اريد اسألك سؤال

الاب: كولي بنتي

نور: بابا الضابط احمد مزوج لولا خاف مرته قلقت علي من جابني

الاب: لا بتي احمد مامزوج ولا خاطب خطيه ملتهي بشغله

نور: صدك 😏😏
قصدي ها خوش همزين
قصدي خوش حتى متقلق علي ( خرب ملكيني غير اتسحكين اهناء)

خلص يومي عادي و جنت منتظره باجر لان راح اداوم لان فاتن علي اهواي ادروس بس بابا كال راح اشوف شخص ياخذج اأمنج يمه
و هم احنه صايرين هوسه لان عدنه عرس اختي فا راح انجهز القائمه مال معازيم و هم انروح للصالون انرتب اشكالنه عبالك اقروده 😂😂
انحف و نلبخ ومن هاي السوالف المهم جهزت الملابس و صليت و نمت