وحيده ووجدت قريني

حياتي اليوميه

اليوم يوم جمعه معندي شي فا اضل نايمه لل10 يله اكعد
سمعت ماما اتكعد بيه باوعت لكيتهه فوك راسي
الام : بنتي اكعدي يله ساعديني بليت محد موجوده بس انتي
نور: اولآ صباح الخير و ثانين ليش وين راحن اخواتي
الام: 😒صباح النور و اخواتج طلعآ زينب و فاطمه راحن لزهراء لان زوجهه طالع و بقت وحدهه و حوراء كاعد تقره متكدر اتساعدني لان سادس بس انتي ظليتي هسه اكعدي يله ساعديني
نور: اوك هسه جايه
نزلت ماما و رحت سبحت و مشطت شعري اهواي يضوجني لان طويل لنهاية الحوض طوله😂 وصف خنفشاري و نزلت طبعآ اني غرفتي وي اختي فاطمه بلطابق الثاني و غرفه لحوراء لان سادس و زينب هم غرفه وحدهه و الطابق الاول بي غرفة ماما و بابا و مطبخ و استقبال و حمام و ديوانيه لبابا لان يجون اهواي ضباط يمنه طبعآ بيتنه ٢٠٠ متر فا كلش جبير (هاي خريطة بيتنه 😂😂) المهم وين رحت اني خل ارجع للموضوع المهم نزلت نضفت البيت كله و سقيت الزرعات و ودخلت لكيت ماما مسويه دولمه العشق فا كعدت منتضره الدولمه لل١ اجه بابا و اتغدينه و خلصنه صعدت للغرفه و كلبت بتلفوني مابي شي رجعت نمت كعدت العصر لكيت خواتي جايات دخلت سولفت للمغرب كمنه سوينه عشه و كملنه غسلنه الاماعين و قبلهه اني صليت و هم رجعت صعدت للغرفه و كعدت اقره لان عندي تحضير و باجر دوام لل12 جهزت ملابسي و صليت صلاة الليل و نمت

كعدت الصبح با 6 غسلة و صليت و بدلت ملابس و نزلت اتريكت لكيت اخواتي كاعدات و ماما مسويه ريوك و كملت اجه الخط و رحت للجامعه اول مدخلت لكيت المحاضره حتبدي دخلت و خلصت اول محاضره وراهه محاضره ثانيه بعدين رحت للكافتريه و كعدت اتغديت بعدين دخلت اخر محاضره و طلعت للبيت رجعت لكيت البيت هدوءاليوم بابا ملتحق بلجيش و ميرجع اليوم اعتقد عاد بدلت و درست لل١٢ نمت و هيج استمرت حياتي قليل احجي وي صديقاتي بلتلفون و هم اخواتي كلش قليل احجي وياهن بس زهراء انطيهه اسراري و هي كلشي عندي

الى ان اجه اليوم اليوم الي خرب حياتي تقريبآ
شنو تعتقدون حيصير