وحيده ووجدت قريني

بارت 19

نور : انطيت اصينيه لبابا و صعدت سبحت و بدلت لكيت اختي اتخابر بخطيبهه كاعده بغرفتي لان غرفتي هادئة و تحجي و مندمجه وياه خليت و نمت بغرفتهه غرفتهه كلش هوسه بس شسوي حكم القوي على الضعيف 😅

للصبح كعدت نفس الروتين نضفت و سويت الضيافه و صعدت بدلت و خليت مكياج خفيف كلش و نزلت ساعدت ماما و لل2 وصلت العروس طالعه اتخبل بس دمعتهه بطرف عينهه اني من شفتهه بجيت و انوب انتبهتلي جان اتصيحلي و اضل تبجي و اني ابجي و اجت ماما كملت المشهد هم بجت كوه عفناهه اشوي و اجه زوجهه اخذهه تقريبآ الساعه6 اخذوهه و ماما و زهراء راحن وياهه واني ماكدرت لان اعرف راح ابجي عليهه ضليت بلبيت و نضفت لل 10 رجعو اهلي

احمد: ثاني يوم رحت للعرس و هم ساعدت عمي سعد لل6 بليل رجعت لان ابوي متخربط اخذناه للمستشفى طلع الضغط صاعد عنده انطوه دوه و طلعناه للبيت اني كلشي ولا اهلي كلش اخاف عليهم يعني الدنيه عندي بس ابوي و امي

احمد: كعدت الصبح لكيت اهلي كاعد يتريكون صبحت عليهم و كعدت اتريك جان امي تفتح موضوع الزواج و ابني شنو رايك و من هاذه الحجي اني كتلهه اعرف عمي سعد زين و اكيد اتشرف اخطب بته اتوكلي و خطبيلي

امي كامت اتهلهل و ابوي فرح كلش فرحت على فرحوهم 😃😃😄

خابرنه على عمي و كلناله احنه رايدين نخطب نور كال يسأل نور و يردنه خبر و هو يتشرف بينه و وين يلكه مني و من هاذه الحجي

للخميس خابر عمي كال اموافقين اتكدرون تجون باجر
اني فرحت كلش
و للجمعه احنه جهزنه كلشي و امي عزمت كرايبنه

نور: جنت كاعد اقره لمن بابا صاحلي و كلي جايين خطابه علي و انو احمد خطبني و من هاذه الحجي اني كلبي كام يدك عشر عشر من التوتر حتى كمت ارجف باوعت كلت احمد خوش واحد و ماشايفه منه شي مو زين و اني بلفتره الاخيره حبيته و هو مالعب علي ليش ارفض
انطيت لبابا الموافقه و هو خابرهم علمود يجون باجر و ماما فرحت كلش و بابا هم فرح و كال متلكين مثله خوش ولد و بدينه انجهز اني رحت العصر للسوك جبت فستان و بديت اجهز روحي للخطبه