نور: طبعآ مشت الايام كلش عاديه و طبيعي اروح للدوام و اكيد احمد يوصلني بس علاقتنه زينه صارت يعني من ياخذني يبدأ يحجي و اني هم اجاوب و هيج نستمر بلحجي لحد ما اوصل و العرس باجر كلش متوتره اختي احسهه بس واحد يكلهه اشلونج تبجي ( عائلة كيووت😁🤭) باجر لازم من الصبح اتروح للصالون و ياهه اختي زهراء و اني هسه كلش ملتهيه بلتنضيف البيت كله نضفناه تعببب بشكل لان بيتنه كلش جبير يحتاج اهواي اشخاص حتى يخلص بس الي ينظف بس اني و حوراء و رقيه بت خالتي ويانه خطيه خوش ابنيه و ماما كاعد اتوصي اكل و سوالف المطبخ كلهه عليهه هي و خالتي لان خالتي و بنته اليوم راح يباتن يمنه
يووووم العرس💕💞🌺
كعدت من الصبح عبالك عدنه تجنيد واتريكت و بديت انضف بس تنضيف عادي لان البارحه كشرناه للبيت مو نضفانه 😂😂 طلع جديد و بعدين لل10 صعدت اجهز نفسي و الكه بنات خالي و خالاتي كلهن بلغرفه مالتي صايرات هوسه تعاي و شوفي
خليت مكياج كامل بس عادي الشغله الوحيده حلوه بي هو الحمره حمره و ايلاينر سحبته ايخبل 💕😅 و بدلت لبست الفستان و الكعب و باوعت لكيت نفسي اميره شنو هاي طالعه عبالك ملكه خرب اجننن تبآ للتواضع 😂
بنات خالاتي هم خلصن نزلنه سوه بس اني كاسرتهن حتى هنه يكولآ هيج
و خالاتي يصلن على النبي و كل وحده حجي شكل بس خجلت والله هههه😅
عاد شغلنه الديجي و ركص ولا عبالك هاي اني عبالك وحده ثانيه
اشوي و شفت ماما اتوزع عصاير اخذت منهه الصينيه و وزعت انطيت لمره مااعرف شو بس تسأل اني شنو اسمج و عمرك و ادرسين لولا مخطوبه لولا و من هاي الحجي (😅 الكاتبه تتكلم ، مبروك عليج خيه راح اتخطبج 😅😂)
المهم كملت توزيع و با 3 اجت اختي طالعه اتخبل و وراهه دخل زوجهه اني طلعت لان لبسي مو مستور و راهه اجت اختي زهراء كالت راح ادخلي اركصي ههه و بعدين صبو عشه و خلصت الناس اكل و طشت بس مره بقت كاعده وي ماما هي نفسهه الي تسأل اهواي
خلص اليوم عادي لليل با9 بابا اجه كال صبو عشه لخالج و احمد لان همه مااكلو و وكفو وياي
أنت تقرأ
وحيده ووجدت قريني
Fiksi Umumامممم قصه رومنسيه و مغامره و حب و كره بنفس الوقت بعض الاحيان الاهل يأخطأون و عليكم تتحملون الخطء و مرات الخطء مو غلط و انما هو خوف من الناس و حفاظ على السمعه و الشرف و خاصه اذا كان الشخص عنده بنات ٥ بنات و ماعنده ولد يساعده حيخاف الاب على كل...
