امرأه ولكن متمردة ( مكتمله)

تمرد ملحوظ

مملكه الراقي
الجزء السابع
تمرد ملحوظ

تمايلي امامي بجسدك الممشوق فالليله من لهيب اشواقك ساثور .. قفي في حضرتي بشموخ لان قلبك ملكي وكل ما بكي يشتاق الي ويجول.. عصفوره انتي اتت الي قفصي وطلبت حق اللجوء .. اردتي ان تكوني سجينتي وفضلتي هذا علي التحرر الملحوظ ..قيودك بالنسبه لكي تحرر من كل احدا غيري وليس لكي حدود ... قلبك يشتاق وروحك تحتاج للغذاء انا قائدك وصديقك وحبيبك انا الامل الملحوظ بادليني القبلات لعل الشوق يزول .. تبسمي لنكسر كل القيود ... ونعبر البحار والمحيطات ونكسر كل الاسوار ونعبر تلك الحدود ... اليوم انا هنا لكي وغدا ليس معلوم .. لا اخيفك ولكن الحذر مطلوب .. ربما اموت وربما ارحل لا تجعلي مسيرك مجهول ..
وبعد ذلك اقول لكي كلمتين ....
ابتسمي وارقصي وتمايلي وعيشي كيفما تريدين فانا اكون سعيدا جدا بوجودك بجواري واكون اسعد الناس عندما تكوني سعيده فسعادتك وضحكتك انا عنهم مسؤل هيا ابتسمي فقد زالت كل الهموم وادعوا الله ان يبقيكي بلسم وشفائا للجروح ....

امرأه ولكن متمرده.... الراقي

تمرد ملحوظ ......

ولاء.... مالك يابت مش قاعده علي بعضك ليه
مافيش حاجه
طيب ايه مالك شويه يمين وشويه شمال.
حبايه ياماما وبتوجعني
طيب تمام ابقي اخطلك مرهم عليها
حطيت
ياسين ... اخدك اوديكي للدكتور
لا شكرا
انا في الخدمه لو عاوزه حاجه
شيلاك للكبيره
ماشي

عمي...
نعم
كنت عاوزه اروح النهارده عند نوال صاحبتي عشان تعبانه وعاوزه اشوفه لو سمحت
وماله يابنتي روحي شوفيها
تسلم ياعمي
بس خلي ياسين يوصلك
مش عاوزه اتعبه ياعمي هاخد تاكسي من اول الشارع وخلاص
لا مافيش تعب هو هيوصلك وراك حاجه ياياسين
لا يابابا مافيش حاجه ورايه
طيب تمام وصل بنت عمك
من عنيا ياحج انت تامر

دخلت ناريمان اوضتها عشان تلبس وتخرج وبصت علي مكان ضربه ليها واتألمت وزعلت جدا ان حصلها كده لان جسمها غالي عليها جدا ومتحبش تهينه لبست وهي مش طايقه نفسها وزعلانه اوي والي دايقها اكتر انها هتركب معاه هتبصله ازاي وهتكلمه ازاي خرجت من غرفتها وبصت ليه بحاجب ونص وقالتله انا جاهزه ومستنياك عشان نمشي .. طيب دقيقه هلبس ونخرج ..طيب .. لبس هو كمان وخرج ركب السياره وركبت جنبه ومتكلمتش باي حرف وهو لاحظ انها مدايقه
مالك
مافيش
لا بجد مالك
قلتلك مافيش
انتي حره
اكيد طبعا انا حره ومحدش ليه حكم عليا
ماشي لما انتي حابه تخرجي مقلتيش ليا ليه
بصفتك ايه
ابن عمك
وهو ده يديك الحق انك تتحكم فيا انت حياله ابن عمي ملكش حكم علي وربنا يدي عمي طولت العمر وميحوجنيش لحد غيره
انتي بتتكلمي كده ليه معايه
اومال اتكلم معاك ازاي ياعم انت قلي
عم بقلك اقسم بالله منا طايقه نفسي خالص
منا بقلك مالك
يعني مش عارف عملت ايه
من كام ضربه يحصل كل ده
انا متعودش علي كده ومحدش مد ايده عليا خالص متعرفش انا صعبان عليا منك قد ايه ياياسين ومش هعديهالك اقسم بالله
هتعملي ايه يعني
هعمل كتير ولو فاكر انك ماسك عليا ذله بتاعت الجامعه قلهم انا مبقتش اخاف من حاجه خالص ولعلمك مش انا البنت الي ممكن تكسرها وتلوي دراعها اقسم بالله لو عملت كده تاني ومديت ايدك همد ايدي والعين بالعين والسن بالسن والبادي اظلم ..
نزلت الكلمات دي علي ياياسين زي الصاعقه ومعرفش يرد عليه لا بخير ولا بشر وصلوا لبيت نوال ونزلت من العربيه ناريمان بصتله وطلعت فوق بدون اي كلام ولا قالت هتمشي ولا يرجع الساعه كام ياخدها وهو بقي محلك سر مش عارف يتحرك ولا عارف يمشي ولا عارف يعمل حاجه وقعد في عربيته يفكر في كل الي حصل وعاوز يعرف سبب لتمردها ومستغرب رده فعلها دي الي مكنتش متوقعها ومش عارف يتصرف ازاي لان لهجتها معاه في الكلام كانت تخوف فكر انه يعتذر ليها بس خاف لتقلل منه بعد مت وصل معاها لمرحله متطوره جدا وقدر يغير من سلوكها وخوفه ان كل الي عمله ده يضيع في لحظه بسبب ضربه ليها بس كبريائه وثقته في نفسه كان ليها راي تاني طلعت هي عند صحبتها وحكتلها كل الي حصل بالتفصيل ونوال صاحبتها قالتلها انه بيحبها وعاوز يقرب منها بس انتي قويه وهو شخصيه قويه مش هينفعوا مع بعض لازم واحد يشد وواحد يرخي وسالتها انا كانت بتحبه ولا لا قالتلها ساعات بحس بحبه وحنيته وخوفه عليا وساعات بحس بقسوه قلبه وجبروته بحب منه ده وبحب منه ده بس معتقدش اني حبيته
ناريمان انا عارفه صاحبتي انتي عمرك ما اتكلمتي علي راجل كده وثانيا الراجل ده غير منك كتير جدا في شخصيتك وحياتك بقي كل زعلك منه عشان ضربك ومش عارفه تقعدي
انتي هتهزري انتي كمان
طيب متوريني كده
متتلمي يابت احسن والله اجيبك من شعرك
ايوه مش قادره عليه هتشطري عليا
والله طيب تعالي بقي تعالي
خلاص خلاص ماليش دعوه والله وهسكت
وبعد ٣ ساعات اتصل بيها ياياسين وقلها انه تحت البيت وقالتله انا نازله استاذنت من صحبتها ونزلت تحت وركبت مع ياياسين وبيدور في دماغها انها ازاي تكلمه وهو كمان عاوز يفتح كلام معاها بطريقه شياكه وهو ماشي بالعربيه وقف قدام محل ايس كريم ونزل جبلها ايس كريم بالشيكولاته وعطاهلها خديته منه وقالتله شكرا
ناريمان نعم
حقك عليا لو كنت زعلتك
وانا كمان حقك عليا لو كنت دايقتك بكلامي
طيب ممكن اعرف انتي زعلتي ليه
انت لسه بتسال
ايوه يعني عشان ضربتك ولا ليه
بصراحه ايدك كانت تقيله ووجعتني اوي وانا متعودش علي كده
اممم وايه كمان
بس
يعني لو كان ضرب حنين كنتي مزعلتيش
ممكن
طيب انتي غلطتي ولا لا
غلطت بس في نقطه انت مش واخد بالك منها
الي هي
انا اتغيرت عشانك غيرتي حياتي وشخصيتي وعملت كل حاجه عشانك وف الاخر انت الي جيت عليا..
لا استني
استني ايه
انتي اتغيرتي عشان نفسك وعشان مصلحتك غشان انا صح عشان انا خايف عليكي وعلي مستقبلك واوعدك هخليكي ست يعتمد عليها هخلي الكل يحلف بيكي
طيب وانت مستفاد ايه بتعمل كل ده ليه
عشان ابن عمك
متقليش بس ابن عمي والكلام ده انا كنت ماشيه زي ما ماشيه ومحدش قالك ان كنت عاوزه اتغير عشان تعمل كده انا كده كده شخصيتي عجباني ...
عجباكي بس كنتي غلط
غلط صح دي ليه وتخصني انا
رن تليفونها وفتحت لقت عمها
انتي فين يابنتي
انا في الطريق ياعمي راجعه مع ياسين
طيب تعالي بسرعه عشان عندنا ضيوف
ضيوف مين دول
قرايب ام صفيه
طيب وانا هعملهم ايه ياعمي
يابت تعالي بلاش لماضه
والله جايه ياعمي في الطريق
ماشي

في ايه يانونه
عمي بيستعجلني بيقول عندنا ضيوف
طيب

وصل ياسين وناريمان البيت ودخلت جوه لقت وائل ومامته وابوه هناك ووائل لابس بدله وجايب بوكيه ورد واول ما دخلت تسلم عليهم قالت ام وائل اهلا اهلا بعروستنا اهلا وقامت تبوس فيها وتفعص فيها وقالت والله ياوائل عرفت تنقي يابني يازين ما اخترت كل ده وناريمان مش فاهمه حاجه من الي بيتقال شد وائل امه لبره وقلها ياماما في ايه انا مش فاهم حاجه خالص فهميني
يابني وائل جي هو واهله يتقدم لناريمان عقبالك يابني
بص لناريمان ياسين وكانه بيعاتبها او بيقلها متقبليش بس مش عارف يقول ايه خالص ومتردد وارتبك ومش عارف يتكلم طلع بره البيت والف حاجه في راسه طيب هو المفروض يزعل ولا يفرح مافيش حاجه بينهم ومفتحهاش ولا حتي باين ليها اعجابه ربنا يسعدها ويفرحها ... ازاي يعني تضيع من بين ايديا لا لا مستحيل تجوز التافه ده ....
ناريمان مشتته ومش عارفه عاوزه ايه في حاله زهول انا اصوم اصوم واتجوز وائل لا طبعا وياسين فين وساكت ليه واضح كده انه مش بيحبني ولا عاوزني ومصدق اني هغور من قدامه عادي جدا واهو هيرتاح من لماضتي ومشاكلي ..

ناريمان
نعم ياعمي
وائل واهله جايين يطلبوا ايدك رايك ايه
ايوه ياعمي
قولي رايك ايه موافقه ولا لا
بصت لعمها وقالت .....

انتظروا الجزء القادم
من امرأه ولكن متمرده
بقلم الراقي