إمرأة ولكن متمردة
البارت سبعه وثلاثون
اللقاء
ديما كانوا بيقولوا إنك تقابل حد ده نصيب و كل ما تعيش حتعرف و تتأكد إنه فعلا نصيب . ناس كتير بنقابلها في حياتنا و بنفارق ناس كتير . و كل واحد بتقابله بيسيب علامة فيك ممكن يسيب ذكرى حلوة و كل مرة يخطر على بالك تفتكره بالخير و ناس لما تفتكرها تزعل على اليوم أللي قابلتهم فيه . الناس دي ممكن تسيب جوا منك جرح أو تعلمك درس كبير . و ناس بتيجي تفقدك الثقة في نفسك و في كل أللي حواليك .
و ناس تخاف لما تقابلها تعرف تخاف من أيه من لحظة فراق تبعد بينكم و ينتهي اللقاء . و ناس تحب قعدتهم و يمر الوقت بوجوهم زي النسيم متحسش بيه و ناس لما تقابلهم تقول أمتى الوقت يعدي و تنتهي المقابلة و تخلص على خير .
مقابلتك مع صحابك غير لما تقابل أهلك غير لما تقابل إنسان بتحبه و الشوق يملا عنيك . و ناس من غير ما تقابلهم روحك تروحلهم و مترجعش ليك . وجود الناس في حياتك رزق و محبتهم كنز فحافظ ديما على محبتهم ليك . بس أوعى تفتكر إنك لازم تتغير عشانهم لإنهم حبوك بكل ما فيك لو طلبوا منك تتغير يبقى أللي بينكم مش شيء أصيل .
في عز شبابك حتدور على أللي يشبهك عشان تتفاهموا و تعرفوا تكملوا الطريق و لما توصل للأربعين حتدور على أللي يكملك و يسكن روحك و يصلح أللي إتكسر فيك مش لازم يكون شبهك لكنك حتحس إنه بينتمي ليك .
إمرأو و لكن متمردة .............. الراقي .....اللقاء
حمدا لله على سلامتك يا حسن مش كنت تقول يا راجل كنا فرشنالك الأرض رمل ولا أقول نورت الدنيا يا صابر
المقدم جلال عاش مين شافك عدت سنين على أخر مرة إتقابلنا .
أكتر من 22 سنة و أنا مستني المقابلة دي كنت عارف إنك أكيدحترجع في يوم
يعني كل الوقت ده مستنيني ولا كنت بتدور عليا ولا عرفت من الجرايد
برافو عليك يعجبني ذكاءك يا حسن من أول مرة شوفتك و كنت معجب بيك و بقول دماغك دي ألماظ بس لو كنت شغلتها في الطريق الصحيح لكنك كنت شايف الفهلوة و التهريب دول شطارة و إنك كدا مبتأذيش قولي بعد العمر ده كله لسه شايف نفس الشيء .
أكيد الدنيا بتتغير و الواحد إتعلم كتير و دفع أكتر في التعليم و الدليل على كلامي إني بطلت كل حاجة من سنين .
و الدين أللي عليك
تقصد أحكام السجن هو حضرتك متعرفش أن بعد السنين دي كلها بتسقط
برافو عليك واضح إنك سألت و عرفت إنها أحكام و سقطت و عرفت كمان إنك إتصالحت مع ناس كنت نصبت عليهم و طلعت من قضيتهم براءة
أنا منصبتش على حد و أللي ليه حق عندي أخده
لسه بتكابر زي مأنت . طب و بالنسبة للرجالة دول يطلعوا مين ؟
أنت تقرأ
امرأه ولكن متمردة ( مكتمله)
Romantizmقصه عن فتاه صغيره ولكن عقلها كبير وناضخه وصارخه الانوثه ذات رونق خاص اوقعت فارس احلامها في شباكها او هو من اوقعها في شباكه شغل الحب قلبهم ولكن ترويضها كان صعب جدا عليه سنري كل ذلك في امرأه ولكن
