امرأه ولكن متمردة ( مكتمله)

حلاوه روح

امرأه ولكن متمرده
البارت الرابع بعد العشرون
حلاوه روح ...

تمنيتها واختارت هي قربي كل الود والعشق منها كان لاجلي فانا من ملكه العقل قبل القلب واصبحت انا اسيرها وهي اسيره حبي هي كل الدنيا بما فيها هي من تحمل اسمي هي من علمتها كيف تنطق امام الناس اسمي وعادت كل الرجال وبرئت القسم بانها لن تكون لغيره مهما حدث وانا ايضا عاهدتها بالبقاء دائما واقسمت علي التفاني والعطاء فكانت بمثابه الام الي عندما تضيق بي الدنيا ارتمي في احضانها وكانت نعم الملجا ونعم الملاز...
ولكن تغيرت بعض الامور فانشغالي عنها كان سبب في توعكها وضيق صدرها غبت وغابت معي البسمه غبت وغابت معي امالها وظلت وحيده منعزله عن البشر ولكنها تعلم جيدا ان انشغالي ليس بارادتي ولكنها تريدني معها لان الوحده قاتله ودموعها اقوي من الف جرح فهكذا سارت الامور من السعاده الي الحزن ومن الاكتفاء الي الحرمان وعندما عدت لها من جديد كان قد تغير الكثير فهل ياتري ستكون معي ام ستفضل ان تكون بعيده عن انظاري ام ستقبل بي من جديد ... كلمات عابره من ارشيفي القديم

امرأه ولكن متمرده ..... حلاوه روح .... الراقي

ناريمان انكسر قلبها وبقت في وضع لا تحسد عليه بقت ساكته ومش عارفه تتكلم او تقول ايه كان نفسها تاخده في حضنها وتبكي علي كل لحظه مرت وهي مش معاه قلبها بيقول روحيله وعقلها بينفي كل ده وبيقلها كان فين من زمان كان بعيد غنكم ليه طمعه وجشعه خلاه بعيد عنكم ومتجوز وعايش حياته وامك دفعت عمرها كله وضحت عشان تربيكي وعايشه علي ذكراه وهو هنا عايش بيتمتع بفلوسه وبحياته وانتم اخر اهتماماته وقلبها بيبكي من جوه وبيقلها انه ابوكي الي انحرمتي منه اكيد الظروف كانت اقوي منه ضميه واستخبي في حضنه وشمي ريحته الي اتحرمتي منها من زمان سامحيه زي ما سامحتي كل الي اسائوا ليكي قعدت ناريمان تجيب وتودي وخيالها سرح بيها لبعيد والدموع نزله من عنيها علي خدها وياسين واقف متابع كل ده وخايف يتكلم معاها فضل انه يسيبها لحد ما تهدي مسحت دموعها وبصت لياسين وقالت

هو انا وحشه اوي كده ياياسين
ليه بتقولي كده ايه الي حصل
عشان رفضت اني اتقبل وجوده
انتي مش غلطانه والي عملتيه صح
ولما هو صح انت ليه كنت مصمم اني اسلم عليه
عشان ده يبقي ابوكي
وابويا كان فين وانا عايشه يتيمه
الله اعلم بظروفه ومن امته واحنا بنحاسب الناس ياناريمان
بس ده مش اي حد ده ابويا
عمرك سمعتي عن ابن حاسب ابوه
بس حقي فين
محدش بيختار اهله ياناريمان ومهما غلطوا واسائوا لينا في النهايه محدش بيستعر من اصله والظوفر مبيطلعش من اللحم
انا مش عارفه اعمل ايه
سامحيه واقعدي معاه واسمعيه
قلبي مش مطاوعني اعمل كده
حاولي
انا عاوز اكلم ماما واحكيلها عن كل حاجه ولو سمحته انا هسامحه
لا متعمليش كده عشان متقلقهمش علينا
طيب