امرأه ولكن متمردة ( مكتمله)

قصه غريبه

امرأه ولكن متمرده
البارت الثامن عشر
قصه غريبه

عندما تتجمع عليك المصائب والدنيا معا فلا تجد في حياتك شيء يجعلك تعيش تيأس تتحطم من داخلك تعلم بان الجميع قد تخلي عنك ولكنك نسيت بان الله موجود وقادر علي كل شيء وهو من يقول للشيء كن فيكون لا تيأس ولا تقنط من رحمه الله ضاقت ولما استحكمت حلقاتها فرجت وكنت اظنها لم تفرجوا .. تشبث بالامل واعلم جيدا بان لكل بدايه نهايه عافر وحارب كل الدنيا من اجل ما تحب وتمتع بكل لحظه ولا تقف مكانك عندما تجد الكل تخلي عنك قاتل واثبت وجودك في تلك الحياه لان الحياه لا يوجد مكان بها للضعيف فالضعف يقتلك ويقتل احلامك قبلك  هكذا تعلمت من الحياه بان اكون قوي دائما لكي اتحمل ما يحدث واواجه المصاعب ولا اهرب لان الهروب للجبناء اذا واجهت مشكلتك فقد تخطيت نصفها ووجدت حلها واذا هربت منها تثاقلت عليك كل الهموم ... الخوف لا يمنع الموت ولكنها يمنعنا من الحياه ....

امرأه ولكن متمرده ......... الراقي

مزتي
نعم ياروح مزتك
عامله ايه
زعلانه
ليه
بقالك كتير ياراقي مكتبتش امرأه ولكن متمرده ينفع كده تشوق معجبينك ومتابعينك عنها
معلش غصب عني كان عندي مشاغل والشغل
الله يعينك
يارب
هتكتب بارت جديد
مجتش هنا غير عشان البارت الجديد
طيب منتظرين ياراقي علي احر من الجمر قول واشجينا يافنان
تمام تمام ....

ياسين
نعم
انت نمت
بحاول انام
انا مش جيلي نوم
ليه
مستغربه صابر ده
مطلعي صابر ده من دماغك
مش عارفه اطلعه
ليه
حاسه ان وراه مصيبه ومش هسكت غير لما اعرف ايه الي وراه
جمس بوند هيشتغل
لا ناريمان بوند
اتنيلي ونامي
انت شايف كده
بطلت اشوف النوم في عيوني
منت دايما كده حابط معنوياتي وخيبلي احباط
انتي هتنامي في ليلتك السوده دي ولا لا
هتخمد خلاص
الله يهديكي
ويهديك انت كمان

ياسين
هاا
هو صابر ده اسمه صابر
لا حول ولا قوه الا بالله اقسم بالله شكلي هرتكب جريمه
انت وصابر
لا كده كتير بجد وادي ام النوم كمان والله منا نايم معاكي هنا هروح انام في الشارع
وهتسيبني لوحدي ينفع كده
اه هسيبك لوحدك
مش خايف ان صابر يجي يقتلني
😡😡😡😡😡😡😡 لا انتي اتجننتي خالص
تفتكر

خد الكوفيرتا ومخده وطلع من الاوضه وراح نام في الصالون وربنا عنده حق ناريمان مزوداها علي الاخر بسبب صابر ده متهدي ياما علي نفسك شويه مالك زهقتي الراجل وكرهتيه نفسه

طلعت وراه ونامت في حضنه في الصالون ضمها ليه وطبط عليها ونامووو وفي الصبح صحوا علي صوت جرس الباب قام ياسين فتح الباب لقي ٣ شباب فلبنين واقفين وجايبين اكل وفطار
المعلم صابر باعت الاغراض دي ليكم
خدها منهم ياسين ودخلهم بس كلام ناريمان معاه امبارح اشتغل معاه واستغرب الكرم الزايد للراجل ده لسه باعت بالليل من كام ساعه حاجات تكفي ٢٠ واحد وبعدها بساعات باعت حاجات تاني مش لدرجه دي يعني قعد علي الكرسي وبيفكر كان جنب الشباك شاف صابر واقف بره وبيلعب مع ٣ ولاد شكلهم جميل كوره وبيجروا وبيلعبوا وبيضحكوا ومبسوطين جدا طلع ياسين بره الفيلا وشاور لصابر وصابر شاورله وقال
تعال ياياسين تعال
راح ياسين عنده وسلم عليه