امرأه َلكن متمرده
البارت الثامن والثلاثون
من أمنك لم تخونه
من أهم الإمتحانات أللي بتبين معادن الرجال و الشخص الأصيل هي الأمانة . لما تشيل سرك مع حد أنت بتشيله أمانة ، و لما بتعرف خير أو شر عن حد و تحفظه دي أمانة . بس حتلاقي مش أي حد يعرف يشيلها و يتحملها ميعملش كدا غير بس الرجال بحق . علاقات كتير بنسمع عنها لما بتنتهي فضايح كتير بتظهر وناس بتطلع لبعض إسكرينات . لو راجل بجد حتوقف كل ده لأن النهايات أخلاق .راجل بجد يعني تقدر تنهي أي علاقة لو أثبتت فشلها بعد ما تكون حاولت معاها كتير بطريقة محترمة تحترم بيها نفسك و تحترم بيها أللي معاك طريقة تخلي الطرف التاني يحلف بأخلاقك و رجولتك لأخر العمر لكن مفيش راجل محترم حيعيب أبدا فالطرف أللي كان معاه أو يشهر بيه لو عمل كدا تعرفوا إنه أصلا مش راجل و إنه مجرد ذكر في البطاقة لأن الرجولة أخلاق و مبادئ . و الراجل أللي معدنه أصيل بيفضل طول العمر شهم و يحفظ السر لسنين و سنين .
لكن للأسف فيه ناس ميعرفوش حاجة عن معنى الرجولة يفضلوا يحاولوا يتقربوا لواحدة لو رفضتهم يقولوا عنها البدع كلها و ممكن توصل بيهم الخسة و الندالة و يفبركوا حاجات كتير . فنصيحة لأي بنت أو ست لما تفكري تقولي لحد سرك إختاري صح واحد أو واحدة معدنهم أصيل ،
أمرأة لكن متمردة ..... الراقي ....... من أمنك لم تخونه
ألو ناتاشا
نعم سيدي
أين أنتي الأن
بالمطار متوجهة إلى القاهرة
إذا سأنتظر منكي تقريرا يوميا صغيرتي
علم و ينفذ سيدي
كم إشتقت إليكي صغيرتي و لكن لا تقلقي سنجتمع قريبا
في إنتظارك سيدي بكل شوق
***************************
إيه رأيك يا ولاء في القصر الجميل ده
حلو أوي يا حسن بس يا خسارة الحلو ميكملش
ليه بس يا حبيبتي
لإني لما إجتمعت بيك من تاني و هنعيش في بيت واحد حلاقي أللي يشاركنى فيك . صدقني غصب عني مش عارفة إن كنت حقدر على ده ولا حيحصل أيه ؟
أنا متأكد إنك حتقدري عليه أم سمير حتحسي إنها أختك و أنا عارف هتكون ليكي أقرب من صفية و نينا دي أخت إديمار الراجل أللي حماني لما كنت فاقد الذاكرة و وقف جنبي و شغلني معاه سنين أما ناتاشا دي كانت الوسيط في صفقة و كنت لازم أضمن ولائها ليا فإتجوزتها .
كل واحدة فيهم إتجوزتها لسبب كنت فاكر مع أم سمير إني حعوض معاها إحساسي بالوحدة و إني غريب في بلد غريبة الشهادة لله عملت كل أللي تقدر عليه بس هي أكتر واحدة عارفة أنا بحبك قد أيه . كل جوازة منهم كان ليها سبب لكن أنتي الوحيدة أللي أتجوزتك لأني بحبك و فضل حبك جوايا العمر كله يا ولاء و عشان تصدقي كلامي و تحسي إنك ست البيت أنا كتبت القصر باسمك يعني وقت ما تحبي تقدري تطردينا كلنا منه .
أنت تقرأ
امرأه ولكن متمردة ( مكتمله)
Romanceقصه عن فتاه صغيره ولكن عقلها كبير وناضخه وصارخه الانوثه ذات رونق خاص اوقعت فارس احلامها في شباكها او هو من اوقعها في شباكه شغل الحب قلبهم ولكن ترويضها كان صعب جدا عليه سنري كل ذلك في امرأه ولكن
