مرت الايام عادي وعلي واية قرروا يحددون موعد الزواج مستعجلين😂اشتريت فستان للحنة والعرس وعزمت مينا ورغد بس رح يجون بالحنة العرس ميكدرون لأن مو بالقاعة وهالمرة رح تجي العشيرة كلها حتى بيت جدي😁 كلنا انسوي العرس بنص السنة علمود اني هم أكون مخلصة امتحانات ودراسة
نرجع للكلية ...من يوم ماشفنا ذولاك الولد يم المطعم والحمام واحد بيهم دائما يلحكنا بس المشكلة اكو مسافة بيناتنا يعني اذا كلناله ليش تباوع وتلحكنا يكول مو يمكم اني بس دااحس أكثر شي يباوع ع رغد لأن مرة رحت للمطعم اريد اشتري ببسي النا كلت لرغد انتضري ورجعت شفته يياوعلها ...
ريناد :اكول رغود
رغد:همم
ريناد:مو اكو فد واحد يلحكنا شو أحسه يباوعلج دائما 😉
رغد:يي اني هم انتبهت
ريناد :ها شعجب اني اعرفج ام السان ومتقبلين وادافعين
رغد:ها مو لا
ريناد:ها خير شدتحجين بيا لغة😂
رغد:هاي شبيج بس انتي شوفي شكد حلو😁
ريناد:عابت هوة ع الحلا غير أهم شي أخلاقه
رغد:دسكتي صاير بيه جفاف من وراكم انتي مكبلة وذيج مينا أربعة وعشرين ساعة بالفون متدرين أخذت رقمه واني ملتهية بالدراسة صايرة شاطرة😬
ريناد:ع كيفج مكلنا شي
خلصنا محاضرات ورحنا يم الكراج علمود نصعد بالسيارة طبعا احنا قبل منصعد بالسيارة لازم نعدل نفسنا وشعرنا بأي سيارة بيها جام ماكو بنية مسويها😆
احنا صعدنا بقت رغد ضلت تعدل بالسيارة الي بصفنا. .هسوتنا كعدنا جان صعدت رغد وجها مخطوف
ريناد:ها شبيج
رغد:ليش عفتوني خبيثات
ريناد:احنا خبيثات انتي دائما اطولين
مينا:يلة مصار شي
رغد:يمعودة شنو مصار شي غير من جنت أعدل بنفسي كدام الجام طلع اكو أحد بالسيارة
ريناد ومينا 😲😲صدوك
رغد:يي😧ولو تدرون منو
ريناد ومينا:منو
رغد:هذا الولد الي يلحكنا
ريناد :قصدج يلحكج😁
رغد:يي هوة😳
مينا؛يي وشسوة من شافج
رغد:كلشي مسوة ضحك شمعرفني اني جانت سيارته مضلله وحلوة
ريناد:يي والله تخبل سيارته جارجر😢
جان هوة صاف يم سيارتنا طلع من سيارته ضل يباوع علينا (رغد)😂
خلصنا الحمد لله امتحانات واخيرا رح أرتاح اجة وكت العرس💃
قبل يوم الحنة اجوي بيت جدي وباتوا يمنا بس الولد لا لأن مكفة ماادري وين راحوا وهم مسلمت عليهم .هدى ولارا نامو يمي والبقية جوة كلش هواي ماشاء الله😁
اجة يوم الحنة ورحنا للصالون طبعا حجزنا صالون2 لأن ميكفي احنا وبيت جدي وبيت اية يعني اني سوتلي ام الصالون شعري شالته وسوت تسريحة وخلتلي مكياج هادئ خلصنا طبعا حتى اني جانت موجودة بعد 4 خلصنا كلش اتاخرنا وعليمن مو وصلت السيارات احنا كلنا رحنا لبيت خالتي ام اية بقوا بس الرياجيل بالبيت والشباب هم مسوين الحنة اهناك بيتنا ومحضرين المهم اني لبست فستان اسود قصير فوك الركبة ما بي ردان حلو كلش وكعب اسود وهدى ولارا هم بدلوا طلعوا يخبلون احنا البنات جنة بالطابق الثاني والعالم جوة مشغلين اغاني وركص اني خلصت جان تجي طفلة كالت خالة ام علي تكول اجوي صديقات ريناد .،هية بس كالت هسة بسرعة اني ركضت مدري شبيه نزلت جوة ركض الكل ضلوا يباوعون😂استقبلت مينا ورغد جانوا لابسين عباية وجواها الملابس لأن قصير واني اخذتهم بسرعة وكومت اية وهدى ولارا وبدينا نركص كلش تونسنا وعرفتهم ع صديقاتي وأخذوا ميانة فوول😁خلصت الحنة أخير شي اجة علي وياه سيارات بس ماادري منو اجة.. حنا آية وركص شوي وياهة وراحوا سوية بالحديقة يأخذون صور اني لبست عباية فوك الفستان وذبيت هيج شال مع انو اني مو محجبة بس علمود يكمل وية العباية كلهم طلعوا بقينا بس اني وامي وأهل بابا وجايين كومة سيارات ياخذونا مو احنا هواي😂طلعنا اني طبعا جنت ادور ع زيد هوة كالي نروح اني وامي وياه بس ملكيته كومة سيارات واكو متشابهة تيهت وهوسة جان اسمع صوت باسمي التفتت لكيته ليث
ريناد:ها هلاو ليث شلونك
ليث:الحمد لله انتي شلونج عاش من شافج
ريناد:هههه اني زينة الحمد لله طبعا جانت وياية هدى ولارا وين مااروح يجون وياية😂هوة ضل يباوع ع هدى انسطر الولد من شافها
ريناد:احمم
ليث:ها
ريناد:هسة احنا ويامن نروح حتى أمي تيهتها
ليث:هههههه امج بسيارة اياد
ريناد :لا يالله اياد جاي وياكم
ليث:لعد شلون
ريناد :لا مااريد أروح وياه ..جان أمي اصيحني يووو...يلة باي
رحت وعفت هدى ولارا تستاهل ليش هدى خلتني أروح وية أخوها هية هم خلي تروح وية ليث😁
رحت تقربت من السيارة لزمت قلبي اكيد رح يعلق ويحجي😒
شفت أمي كاعدة ليورة وعمتي كدام صعدت
ريناد:السلام عليكم
الكل:وعليكم السلام
اياد:شلونج بنت عمي
ريناد:الحمد لله😑
ضل كل ساع يباوع من الجامة ويخزر من يمي خفت شبي هذا خبل وصلنا كلهم مشغلين اغاني بالسيارة إلا هوة عبالك فاتحة مو عرس افففف مصدكت وصلنا نزلت من السيارة وطبكت الباب قوووي😆حبابة مووو
سمعت حجة شي بس مفهمت عبالك عجوز بس يحجي😬
بسرعة صعدت لغرفتي خابرت زيد
ريناد:الو زيد ليش مااجيت واخذتني مو كلت انتة تأخذنا
زيد:شسوي حبيبتي علي كلي عندي شغلة واريدك تجي وياي استحيت منه هوة هم عريس ...
ريناد :اممم ماشي مدام سويت شغلة علمود اخوي عادي مرح احاسبك😊
زيد:اروحلج فدوة يلة نامي زين باجر اشوفج حضري نفسج اركص وياج
ريناد:لا والله وانوبة أهل ابوية اهنا يلعبون بيك طوبة😂
خلصت حجي من زيد بدلت واجوي هدى ولارا وهم بدلوا نمنا من التعب وخصوصا عدنا كعدة من الصبح ...كعدت من ساعة 5 رتبت الصالة وهمة هم كعدوا شلت الفراشات ساعدوني البنات وامي سوتلهم ريوك اني متريكت خلصنا الشغل ورتبنا البيت ورحنا للصالون قررت أفتح شعري واسرحه وخليت فول ميكب وايلاينر وكحل طوخ طلع ايجنن وخليت عدسات لون رصاصي وحمرة طوختها لون تقريبا أحمر رجعنا للبيت مااطول عليكم لبست فستان لون ماروني طويل عدل ع جسمي يعني مو ضيك ولا عريض بي ردان بس يعني شفاف لبسته وية كعب اسود طلع كلش حلو بدون مبالغة البنات تخبلوا عليه همة بدلوا همة طلعوا كلش حلوات نزلت جوة لكيت الكل وليث وغيث وهذا العصبي بس مشافوني كاعدين ينتضرون علي رجعت صعدت ع كيف دكيت الباب مال غرفة علي فتتت كتله شلون معنوياتك 😉ورح اشتاقلك وهيج وهوة اصلا رح يبقى ويانا بالبيت بس لازم اكو اكشن 😂كلي اخذي موبايلي وصوري همة رح يجيبون مصور بس لانو اني اخته الصغيرة وكذا😌نزلنا سوة
بيبي:ماشاء الله طالعين تخبلون اثنيناتكم يوم الج ريناد
ريناد:بيش طالبتني بيبي بعدني عنونة
بيبي:وين كبرتي وصرتي مرة لازم نزوجج😊
ريناد:بيبي بطلي سوالفج😁
خلصنا أخذنا صور هواي وسلمت ع ليث وغيث جانوا واكفين وجبت وياي هدى ولارا علمود يتقربون اكثر😁وشفت هذا اياد يباوع من فوك ليجوة 😒طلعنا بالسيارات علمود ناخذ أية الطريق كله اغاني وصلنا للبيت لكيت زيد واكف يم الباب باوعلي ابتسم اني هم ابتسمت درت وجهي شفت اياد يباوع خزرني اني هم خزرته😏ورحت طبينا جوة طكينا صور واخذناها وطول الطريق يسابقون بالسيارات😁وزيد يسابق وية سيارتنا فديته..وصلنا لبيتنا وصوت الهورنات وضربوا طلق واني بس امشي واصور شغلنا اغاني بالحديقة شوي بعدين دخلنا جوة واكفة واصور جان يجي يمي زيد
زيد:هاي طالعة تخبلين طول اليوم مااكدر اشيل عيني عنج
ريناد:كافي خجلتني😶
زيد:اخخ شوكت دورنا
ريناد:حبيبي اني كايلتلك بعد وكت علينا إني بدون شي مدااركز بدورسي انوبة انخطب احتمال اطلع راسبة😂
زيد:زين رح انتضرج شعندي غيرج
واكفين ونسولف ونضحك جان يجي😲
حبايبي خلص هذا البارت اشوفكم ببارت ثاني
لاتنسون التصويت وتعليقاتكم الحلوة
فديتكم😍
