جان يجي اياد
ريناد:شفته إجه ووجهه أحمر ومبين معصب على شنو اجة بسرعة لزم أيدي قوي وكلي امشي اني كلش اتاذيت حتى مكدرت احجي كلها ناس وتباوع جان زيد كال
زيد:هي هي انته شلون تتجرأ تلزمها هيج متستحي وسحب أيدي منه
اياد:انته اسكت احسلك اني ألما استحي لو انته واكف وتتمضحك وية البنية كدام العالم
زيد:وانته شعليك احجي اضحك بنت عمتي وبكيفي
شفت اياد تعصب
ريناد:اوكفوا هاي شبيكم مو محلها ابد ترة عادي احجي وياه انته شعليك وثانيا عيب اسوي هيج بعرس اخوية عضلاتك طلعهن برة مو اهنا فضحتنا وبعدين مو حذرك جدي بعد متتقربلي حل عني احسلك😠كلش تعصبت شكو يدخل رحت وعفته بدون مااسمع منه اني دائما اسوي هيج أروح ومااسمع منه شكد مكروه 😬
رحت ساعدت أمي بالضيافة وكاموا يركصون كلهم خبط😂 بس بيت جدي كاعدين لانو عدهم ميصير مختلط 😒 بس اني ضليت اخذ صور وية الكل جنت أخذ صور وية غيث ولارا جان اشوف إياد يباوع درت وجهي بسرعة مالي خلكه بس شفت زيد ورة الي صار شوية وبعدين راح اتصلت عليه يطلع مغلق انشغل بالي خلص العرس الحمد لله وراحوا العرسان للفندق كالوا يبقون يومين... تعبت من راحوا الناس ضلينا اني وامي انضف بالبيت وانعدل خلصنا كل واحد راح ينام لانو كالوا باجر الصبح يرجعون بيت جدي صعدت فوك
شفت هدى ولارا مبدلين وكاعدين يصفطون ملابسهم
ريناد:اخخ بدلت ونزعت العدسات بس بقيت بالمكياج والشعر مالي خلك كتلهم ب...بنات ميته جوع أروح اجيب اكل تاكلون
هدى:لا احنا أكلنا جوة
ريناد:نيالكم اني من الصبح مماكلة شي😢
نزلت لكيت باقي كومة لفات مال عرس أخذت 3 لفات كص وببسي وصعدت فوك فتت للغرفة وكعدت بالكاع اكل لأن ماكو مجال للغرفة كلها غراض ..ضلوا يباوعولي هدى ولارا
ريناد:اكللكم ترة جوعانة مو محل نزاكة😫
خلصت اكل وغسلت ومسحت المكياج وخابرت زيد الحمد لله جاوب كتله ..ليش مجاوب وطلعت بسرعة من العرس كلي. .شوية اختنكت وضجت من هذا اياد جنت مااريد اشوف وجهه كتله.. ميخالف حبيبي معليك بي خ يولي طبعا هوة عرفه اياد لانو اني كايلتله عليه ..نمت متأخرة واني احجي وياه كلت باجر لازم اكعد من وكت اودعهم
كعدت الصبح ملكيت أحد بالغرفة بس لا راحوا لبست تراكسود رصاصي وشلت شعري وغسلت ونزلت لكيتهم يودعون بعضهم بسرعة نزلت من الدرج كتلهم
ريناد:هاي شنو ردتوا تروحون بدون ماتودعوني😢
الجد:لا حبيبتي بس كلنا خليها نايمة البارحة جنتي تعبانة
ريناد:بس يروح التعب من اشوفك رحت حضنته قوي وبست رأسه حبيبي جدو
الجد:الله يخليج الي يااحلى حفيدة عندي
بيبي:ها بس جدج من تشوفي ترتاحين
ريناد:لا شلون بيبي انتي النفس مالتي 😘بوستها
وسلمت على البنات وع عماتي وزوجات عمامي ضلينا بس بالكراج نسولف بعدين صاحوهم وراحوا بس مسلمت ع الولد وعلى عمامي لأن جانوا برة طبيت جوة شفت الفراشات شايليهن بعد احسن ماما كالت تعاي تريكي كتلها شبعانة البارحة بالليل اكلت كومة😁
