جنة كاعدين اني وأمي وعلي طالع من الصبح كتلها ماما احجيلي عن عائلتي شوي اريد أعرفهم واحد واحد
الام:مممم عندج خالتين وحدة تعرفيها ووحدة بالخارج مزوجة بس ماعدها جهال وخال واحد وهوة أبو زيد وجدج وجدتج ميتين
ريناد:زين ماما وعمامي وعماتي ما عندي.. زين انتي وبابا الله يرحمه شلون تزوجتو
الام:اخخخ أهل ابوج عندج حبيبتي عندج عمات 2 وعمام 4 وجدج وجدتج عايشين
ريناد:صدوك😲لعد ليش مااتعرفت عليهم وينهم
الام :شوفي ابوج مو منا ابوج من الجنوب أصله .اني جنت اداوم بالكلية وهوة جان وياية يداوم وتعرفنا وحبينا بعض وحجة ويااا أهله علمود يتقدملي ماقبلو ماادري ليش بس هوة عاند وتزوجنا واجينا اهنا بالشمال وابوج قطع علاقته وياهم جدج ما قبل يشوفه بعد بس من مات اجوي عمامج علمود يأخذون علي مني وخصوصا بعد ماعرفو انتي ضعتي اني مقبلت كتلهم بعده صغير ومحتاجني همة عاندو وقدمو بلاغ بالمحكمة علمود ياخذوه بس اني ربحت القضية لانو هوة جان صغير وميكدر يعيش وياهم و ميعرفهم. وحتى همة مايعرفون اني لكيتج لانو اذا عرفو يجون وياخذوج
ريناد:يااا ليش هيج احجي وياهم وفهميهم
الام:بنتي هذول محد يكدرلهم وهمة عشائر
ريناد:ورة ماامي حجتلي الصار ماادري ليش شوية ضجت منهم ..ورة شوية كتلها
ماما علي تأخر
الام:يي مو يروح يم عمامج
ريناد:شنو ليش
الام:صح همة مااخذوه بس يروحلهم كل نهاية شهر ...
مرت الايام واجتي الامتحانات وخلصتهن الحمد لله ونجحت السادس .وعلاقتي باهلي بدت تقوى مااكدر بدونهم يعني مرات أروح ازور اهلي الي ربوني .وتعودت ع زيد دائما يجي لبيتنا ونكضيها ضحك وشقة فد يوم جنت بالمطبخ اسوي كيك طبعا اني مااطبخ بس احب اسوي كيك ومعجنات دخل عليه زيد وكال
زيد:رينااد
ريناد :خيرر هاي اااابيها شي😁
زيد:احمم اني أحب
ريناد:شنو 😲منو وشسمها حلوة لا .أعرفها
زيد:شوي شوي
ريناد:حلوة
زيد :تخبل
ريناد :طويلة
زيد:يي زين
ريناد :بيضة لو سمرة
زيد:بيضة مثل بياض الثلج
ريناد:ديلة بقى ع اسمها😅
زيد:لاء بعدين
ريناد:أعرفها
زيد:يي كرايبنا
ريناد:هلا العب👏👏
زيد😂😂خبلة
اني خبرت صديقاتي ع الموضوع علمود لا يبقى أمل يمهم 😂تخبلو كالو طيرتي من ايدج. .بصراحة يعني زيد هوة عادي اعتبره صديقي
بالعطلة صادف عيد ميلادي فقرروا انو يسوون عيد ميلادي بالمطعم عزمنا الكل وطبعا نضرات اية وعلي صارت معروفة لبست فستان رصاصي مثل السيلفي صاير كلش حلو وفتحت شعري ولبست شوي سوارات وكعب وصلنا للمطعم مزين بالورود والبالونات
قطعنا الكيك وأنطوني هدايا استغربت انو زيد يصرف طبيعي حتى معايدني وانطاني هدية😦
ورة شوية جنة كاعدين بالمطعم جان تجي عيني بعينه شفته يباوعلي واشرلي اطلع برة بالحديقة مال المطعم جانت جبيرة كلش طلعت كتلهم أروح للحمام ..دورت عليه بالحديقة مالكيته ضليت ادور وصلت للحديقة الورة شفت مزينة بالشموع على شكل قلب وشفته واكف رح يمة
ريناد:شنو هاي😳
زيد:ريناد تذكرين من كتلج احب وحدة هاي الوحدة هية انتي
ريناد :شنو😶
زيد:يي انتي شبيج انتي اخذتي قلبي من اول مرة شفتج بيها اني كلت خلي اصبر يجوز بس إعجاب بس اني بديت احبج أكثر وأكثر حبيت تصرفاتج ضحكتج وقلبج الطيب كلشي بيج .بس ماخبرتج عن هالشي لانو كلت خلي تتعود عليه
ريناد:مااعرف شكلك فاجاتني
زيد:لاتكولين شي فكري بالموضوع واخذي راحتج وهاا نسيت هاي هديتج ..كل عام وانتي احلى شي صار بحياتي
ريناد:كلش ارتاحيت لكلامه جان حنون .فتحت الهدية جانت سوار فضة بيه حرفه وحرفي
Z_R
هيج جانت وكلش حلوة ونازكة حبيتها لبسني ياها بأيدي فرحت بيها
رجعت للبيت شوية مشوشة مااعرف شكولة بعدين حبيت أخذ رأي اخوية وامي رحت كتلهم أمي كالت اكيد يحبج بصدق لانو ابن خالج ومستحيل يضحك عليج ..واخوية كال اني اعرف زيد كلش زين مؤدب ومااعنده سوالف بنات يعني أطمئني
فقررت انو انطي فرصة نتعرف اكثر بعد من شفته مرة ثانية خبرته فرح كلش وانطاني رقمه...
حبايبي خلص هذا البارت اشوفكم ببارت ثاني
لاتنسون التصويت والتعليق فديتكم😍😍
