هلاو حبايبي رجعتلكم بقصة جديدة وحلوة .اخليكم وية صاحبة القصة .استمتعوا
مرحبا اني أسمي ريناد وعمري 16 وعايشة ببغداد هالسنة نجحت للصف الخامس إعدادي ورح احجيلكم قصتي .عائلتي متكونة من بابا هوة يشتغل بشركة مال نفط وماما هية مدرسة وأخواتي 2اكبر مني الجبيرة اسمها نور وعمرها 21 والثانية اسمها سراب وعمرها 19 واني آخر العنقود 😆طبعا اثنيناتهم يداومون بالكلية وبصراحة اني كلش متعلقة بيهم.أما موصفاتي. اني طويلة يعني طولي مناسب لعمري وضعيفة وكلش بيضة وشعري اسود وزين طولة يعني يوصل لخصري ودائما احب اكصة شوية من جوة علمود يترتب وملامحي ناعمة واني احب أهتم بنفسي كلش واتانق.طبعا كل بنية هيج. اني بطبعي كلش عفوية ودائما احب اضحك واشاقة واسولف يعني اني أكثر وحدة مشاغبة بالبيت😂 عكس أخواتي ابد ميشبهوني لا بالشكل ولا بالتصرفات بس سراب شوية تميل لتصرفاتي لانو هية أكثر وحدة قريبة مني .وخلي اعرفكم على صديقاتي اني طبعا رئيسة الشلة😁 وبعدين تجي رغد وراها مينا .اوصفلكم ياهم رغد كلش قصيرة بس ناعمة وشعرها كاري قصير وحلو وعيونها كبار وعسليات وطبعها شوية عصبية فوك ما قزمة تتعصب😅.ومينا طولها مثل طولي وضعيفة وشعرها ماشاء الله كلش طويل وطبعها انو متحب ابدا الدراسة مرات تكعد يمي علمود اغششها😂..احنا صديقات من الابتدائية ولحدالآن و كلشي نسوي سوية وأربعة وعشرين ساعة نتراسل حتا من نرجع من الدوام نتراسل..وكتلكم نجحت الخامس جان بوكتها بعد مابادي الدوام باقي شهر تقريبا وبيوم من الايام ابوية صاحني اني علاقتي بابوية كلش زينة لانو دائما يتفهمني. صاحني نزلت من الدرج ..
ريناد:نعم بابا صحتني
الاب:يي حبيبتي تعاي كعدي
شوفي بابا اني بحياتي ماقصرت وياج بشي والي تريدينة اسويلج ياه ودائما اددللج لانج أكثر وحدة احبج
ريناد:بابا خوفتني صاير شي
الاب:سمعي بنتي امج من جانت حامل قبل سنوات من جابت الطفل طلع ميت وكلش انقهرناعليه فإني جنت بالمستشفى رايح أودي الأوراق مالت امج للدكتورة وشفتج كاعدة بالعربانة مالتج خفت عليج ماكو أحد يمج وناس رايحة جاية اخذتج ووديتج بسرعة ع امج حجيتلها الصار وقررت تاخذج وتربيج ماادري بشنو جنة انفكر بسبب فقدان ابنا اخذناج ومن ذيج اللحضة صرتي بنتنا وربيناج ومافرقنا بينج وبين اخواتج وللأسف من كبرنا حسينا بالذنب شنو ذنب امج اكيد قلقة عليج كلنا شوية تكبرين علمود نخبرج لانو احتمال اصير بيج صدمة اذا انتي صغيرة وانتي هسة جبيرة واكيد رح تتفهمين موقفنا هاا بابا شو ساكتة متحجين
ريناد:صار بية صدمة كل هالاسنوات الي عايشة وياهم جذب يعني ذولة مو اهلي ..كتله ياء موقف .ومنهم اهلي .احجي وابجي
الاب:والله بنتي احنا دورنا بس مالكيناهم
ريناد:شنو مالكيتهم اني اريد اعرف منو اهلي
الاب:هوة احنا انشاء الله باجر نروح للمستشفى ونشوف المواليد والسنة مال ولادتج وشوكت واليوم والتقرير مالتج وهم نخابر ابن خالج بالمستشفى اكيد يعرف بهيج أشياء وخالج بمركز الشرطة يخبرهم
ريناد:مااعرف شحجي لساني انربط مصدومة ..تخيلوانو الي عايشين وياهم مو أهلكم ..
مرت الايام وكل يوم ابن خالي يتوصل لشي بالمستشفى والشرطة ما كلنالهم كل الحجي لأن احتمال اهلي ينسجنون لانو همة يعتبرونها خطف واني بس ساكتة مااحجي شي ..ورة تقريبا أسبوعين.اندك الباب مال بيتنا ..وطلع ابن خالي كال تقريبا بس عرفنا المنطقة الي همة بيها بس منعرف ياء بيت جم يوم واعرفلكم
كتله زين ليش مو احنا ندور
كلي لا مو المنطقة كلش جبيرة ومحد يقبل ينطي معلومات
اني كلت ماشي بس بقلبي بس اريداعرف اهلي اريد اشوفهم وليش عافوني
ورة يومين اجانةاتصال وعرفنا مكانهم اني فرحت بسرعة رحت بدلت واتانقت وباوعت ع نفسي بالمرايا يعني بس اشوفهم رح اعاتبهم لو احضنهم لو شنو ورة شوية أمي كالتلي يلة بنتي تاخرنة .ركبنا بالسيارة وبعد نص ساعة وصلنا لمنطقة كلش راقية وحلوة وصلنا للبيت شفته من برة جبير طابقين ماادري ليش كمت ارجف خايفة .دكينا الباب.طلعنا شاب كال نعم منو انتو
الاب:اااااحنا نريد نسأل ونتاكد من صاحب البيت
الشاب:تفضل اني صاحب البيت
الاب:انتو بيت حسن
الشاب:يي شلون تعرفنا
الاب:بس اريد احجي بموضوع شوية خاص يعني ممكن اصيح الوالد
الشاب:الوالد متوفي عندك شي احجي وياي
ريناد:اني كمت ابجي واشهك ابوية طلع متوفي معقولة ليش هيج حضي يعني من عرفت اهلي ابوية طلع متوفي
الاب:أهدي بنتي خلي نتفهم من الولد
الشاب:عفوا عمو بس اني مداافهم انتو منو
الاب :الموضوع ما ينحجي بالشارع وكدام الباب
الشاب:اسف بس مااكدر ادخلك وما اعرف انتة منو
الاب:شوف ابني انتو قبل سنوات ضيعتو بنتكم واني جاي ارجعها الكم
الشاب:شنو يعني قصدك هيةجانت كلش صغيرة موو
الاب:يي ومخليها بالعربانة مالتها
الشاب:زززين اووكف هيةة وين
ريناد:شفته توتر ميعرف شيحجي
الاب:هاي البنية
ريناد:ضل يباوعلي وصافن راد يحضني اني بسرعة بعدت
الشاب:حبيبتي اني اخوج علي
تفضلو تفضلو
دخلنا جوة وكعدنابالصالة كال دقيقة هسة اجي اعتقد راح يخابر ورة شوية رجع ويااه مرة تقريبا يطلع عمرها 39 اجتي عليه بسرعة وحضنتني وتبجي اني تلقائيا كمت ابجي وياها وكالتلي بنتي لو تدرين بيه اشصارمن رحتي وعفتيني. .كتلها
ريناد:اني عفتكم لو انتو عفتوني😯
حبايبي خلص هذا البارت اشوفكم ببارت ثاني
لاتنسون التصويت وتعليقاتكم الحلوة
فديتكم😍😍
