كعدت الصبح غسلت وبدلت نزلت جوة شفتهم كعد يتريكون
ريناد؛صباح الخير
الكل:صباح النور
ريناد:ماما مرح اتريك اهناك عود اشتريلي شي مستعجلة كلش
الام:ريناد كل مرة اسوين هيج مو زين شوفي صايرة اشضعفج
ريناد:شسوي والله مستعجلة عود من ارجع نتغدة سوة
الام:ماشي انتبهي ع نفسج
ريناد:اوكي بست سيوفي وطلعت .شغلت سيارتي وصلت للمستشفى اشتريت من المطعم الموجود بي كوفي واخذته لمكتبي دخلت للمكتب لبست السترة مالتي وانتضرت المراجعين دزيت ع السكرتيرة اسمها شهد
شهد:صباح الخير دكتورة
ريناد:صباح النور .هاء شكد عندي مراجعين
شهد :حاليا 14 بس بعد كعد يسجلون ويأخذون موعد
ريناد:ماشي دخليلي واحد واحد زين
شهد:حاضر دكتورة وطلعت
ريناد؛ززين العدد البارحة جانوا هواي مراجعين
خلصتهم وكالعادة مشه يومي بالدوام رجعت للبيت بدلت وسبحت جان أمي اصيحني
ريناد:اجيت ماما
على الغدة
الام:اكول حبيبتي الصبح خابروني بيت عمج وعزمونا ع عرس لارا
ريناد:اممم
الام:يي لازم تحضرين نفسج
ريناد:منو كال رح أروح
الام:لا ماما عيب هسة شيحجون عليج
ريناد:خليهم يحجون منا للصبح شعليه ..
الام:وإذا كالوا ليش مااجتي
ريناد:عادي كوليلهم مشغولة وترة ماما مالي خلك حجيهم واكيد رح اشوف إياد واصير مشكلة مالي خلكهم ابد الي بيه مكفيني
الام:زين شلون نروح كلنا ونعوفج
ريناد':ادري ماما قابل طفلة شكبرني. .بس دقيقة شوكت العرس
الام:بعد يومين يعني الأربعاء
ريناد:هه زين اصلا عندي خفارة يعني تطلعون الصبح واني هم وثاني يوم ترجعون اذا تريدون وبوكتها اني راجعة للبيت بس خليلي المفاتيح خاف ارجع قبلكم
الام:اوفف منج دائما هيج اسوين
ريناد:شمسويه يا ماما قابل جريمة
كمت غسلت المواعين ونمت مرت هاي اليومين عادي شغل واجة وكت سفر اهلي سافروا طلعوا بسيارة علي واني طلعت بسيارتي واخذت احتياطاتي للخفارة وصلت للمستشفى شفت مينا تنتضرني كدام الغرفة مال مكتبي
ريناد:😕😕
مينا:ها شبيج😂
ريناد:لا بس متفاجاة
مينا:بعدها المفاجأة خلي نطب جوة واكلج
ريناد:طبينا خير ياربي شصاير
مينا:أمم حللت اهنا وطلعت حامل وانتي ثاني وحدة ابشرها بعد حسام
ريناد:صدووك الف مبروك حبيبتي كلش فرحتلج والله تستاهلين
مينا:الله يبارك بيج ايي والله اني هم متصورين شكد فرحانة خو من خابرت حسام حسيته رح يغمى عليه بالفون😁
ريناد:ههههه ايي بعد شخبارج وكفت لبست السترة واحجي وياها
مينا:والله ماكو بس اريد ارجع واشوف حماتي شسوي
ريناد:لا تخافين اكيد حتفرح حفيدها بعد...نزعت الكعب ولبست حذاء رياضة..وشلت شعري
مينا :اكلج هاي شدسوين ليش نزعتي الكعب جان حلو
ريناد:مو مااخذ راحتي بالكعب والعصر عندي عملية لازم اسويها
مينا:اها ماشي مارح اعطلج رح أرجع للبيت اتأخرت اني هم
ريناد:ماشي حبيبتي
مينا:ديري بالج بالعملية
ريناد:هههه قابل اول مرة
راحت وحضروا غرفة العمليات ودخلت واني هم حضرت نفسي مااجذب عليكم هاي العملية جانت صعبة لأن المريض جبير بالعمر وما عنده مناعة وهوة قلبه ضعيف بس الحمد لله عدت ع خير طلعت وطمنت أهل المريض وخلصت وكالعادة استقبلني دكتور مؤيد ورة كل عملية هيج ..
مؤيد:مبروك نجاح العملية
ريناد:الله يبارك بيك دكتور
حجة وياي شوي واستفسر وراح خلصت للخفارة مالتي وصار الصبح لأن تعبت كلش نزعت السترة ولبست الكعب وفتحت شعري واخذت جنطتي وطلعت ورحت أبلغ الإدارة هية تكون كدام باب المستشفى كتلهم رح أروح خلصت خفارتي طبعا جنت مطفية وتعبانة حيل طول الليل من مريض لمريض دااطلع من المشفى جان تجي سيارة إسعاف نزلوا من عدها مريض حالته صعبه امبينه وكله دم وأهله بالسيارة الثانية خايفين صاحبين الإدارة صاحوني لأن المريض يحتاج طبيب
ريناد:ها ها اجيت
:دكتورة هذا مريض اجة وحالته صعبه ولازم اندخله لغرفة العمليات
ريناد :ماشي حضروا الغرفة وهسة جاية أروح ابدل واجي
حضرت نفسي صح تعبانة بس مستحيل أترك المريض هذا واجبي بس استغربت من دخلت حالت المريض صاير عنده نزيف بدماغه واني اختصاصي قلب بسرعة دزيت الممرضة اصيح اي دكتور اختصاصه جراحة دماغ
ريناد:اني هم مقصرت حاولت أوقف النزيف واني هم اعرف بالدماغ بس خاف أصير خطأ طبي واروح بيها وقفت النزيف بس أخذ مجهود ودزيت ع دم لأن خسر هواي دم أتأخر الدكتور شوي واجة
ريناد:ادري ساعة المريض رح يروح من ادينة
الدكتور:على كيفج مو محلها هسة خ نشوف المريض
ريناد:اوفف ضجت منه شنو هاي احنا بيا حال وهوة بارد طول العملية سكوت واني هم ساعدتهم الحمد لله خلصت العملية بنجاح وطلعت أمسح راسي لأن جانت حالته خطرة اول مرة اشوف هيج حاله
عائلته جانوا موجودين سألوا الدكتور وتشكروا ولا عبالك اني الي ساعدته ووقفت النزيف ولولا اني جان هسة ميت
مؤيد:عفية عليكم العملية جانت ناجحة
ريناد:شكرا دكتور
:شكرا
مؤيد:ماعرفتكم انتو احسن اثنين بالمستشفى دائما بهيج مواقف تعرفون تتصرفون
هاي دكتورة ريناد وهذا دكتور عمر
ريناد:تشرفنا
عمر؛ الي الشرف دكتورة
ريناد:يلة اني اترخص
مؤيد:يي الله يساعدج اكيد تعبتي اخذي راحتج بنتي
رحت وعفتهم راسي كام يوجعني انوبة ذولة صديقاتي يردون ننجمع سوية بالمطعم رجعت للبيت واهلي بعدهم مراجعين سبحت و لفيت راسي ونمت كعدت متأخرة يوو اتأخرت عليهم والدنيا مطر
......حبايبي التكملة هوة المشهد الي كاتبته فوك👆رجعوا بالبارتات ورح تلكوا مااكدر ارجع أكتبه لانو النت ضعيف وبالزور كعد انشر وبأي لحضة ينكطع عذروني😧
