أذكر جان وكت شتاء ومنتضريني صديقاتي بالمطعم وكعد تمطر كلش جان حلو الجو رومانسي يوو إتأخرت راحت عليه النومة البارحة جان عندي خفارة بالمستشفى واليوم وصلت ونمت من التعب بسرعة كمت أحضر نفسي احنا متفقين نلتقي بال4 وهسة 4 آلة ربع اكيد رح أتأخر بدلت خلصت وشلت شعري ولبست هذا👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
واخذت سيارتي وسقت وصلت 4 ونص دخلت للمطعم دورت ماكو صعدت اكو جان طابق ثاني بالمطعم صعدته وشفتهم كاعدين اشرولي رحت يمهم جريت كرسي وكعدت
مينا :اتاخرتي
ريناد:شسوي والله اليوم الصبح اجيت للبيت ونمت ومحسيت ع نفسي
رغد:اني بطني اصوفر من الجوع
مينا:هوة انتي دومج جوعانة
رغد:لا شبيج متغديت كلت لأمي مااتغدة صديقاتي عازميني
مينا:اليوم مو دورج شنو عازميج
ريناد:لا اني كلتلها ذيج المرة معزمتكم جان عندي شغل وماعزمتكم
مينا:مممم يلة شتطلبون
رغد:اريدصاج وفنكر وببسي
مينا:واني همبرغر وفنكر وعصير برتقال
ريناد:اني مشتهية بيتزا اريد قطعتين وبس مااريد اي مشروب خلي ورة الغدة
مينا:اوكي صحت الكرسون أخذ الطلبية ورة شوية جابها بسرعة.. كعدنا ناكل واني ورغد نسولف بس ريناد كاعدة تأكل بصمت .خلصنا اكل ورة شوية طلبنا ع كوفي حارة وكعدنا نشربها..
رغد:يي شصار وية عمتج احجيلي تحمست كلش ذيج المرة ماكملتي
مينا:يي لج غير اجة زوجي وقفلته مالحكت بعد اخابر المهم هية بس عرفت اني حامل انصدمت خطية وكالتلي لا لا ضلي كاعدة ولا تتحركين اني انصدمت منها😂
رغد:معقولة مااصدك هاي المسمومة يطلع منها😁
مينا:يي واتكولي بعد ماتشتغلين .فإني بسرعة استغليت الفرصة وكتلها لا شلون عمة تتعبين وحدج ومن هيج حجي كتلها واتلوكت 😂😂
رغد:عفية عليج كسبيها هسة واستغلي الفرصة علمود تحبج
مينا:ولو مامتفاءلة بس يلة الله كريم..انتبهت ع ريناد صافنة وبغير عالم ..
ريناد:جانوا يحجون وبالي مو يمهم لانو جانت تمطر واني احب هيج أجواء والمطر صوته يخبل وكعد اشوف الناس شلون يركضون مستعجلين خاف لا يتبللون اكيد كل واحد بيهم عنده هموم ضليت صافنة ع الشباك فززني صوت مينا..
مينا:الوو وين صفنتي
ريناد:هاء لا وياكم
مينا:وين ويانة جنتي صافنة بعدج مانسيتي الماضي مو
ريناد:يااا ماضي اني معندي شي يرتبط بالماضي
مينا:ترة انتي تحجين هيج كدامي وكدام الناس بس اني صديقتج من الطفولة احجيلي بعدج تذكريه مو
ريناد:انتي شبيج مينا احنا طالعين نتونس لو شنو انتي غلطانة اني نسيت كلشي وعايشة حياتي ومرتاحة
مينا:يعني انتي مقتنعة بحياتج
ريناد:يي وسعيدة هم
مينا :يا سعيدة متكوليلي انتي هواي تغيرتي جنت تشاقين وتضحكين وأكثر وحدة تسولف ومرحة والسانها طويل هسة لا صح صرتي قوية بس تغيرتي طريقة كلامج وحجيج وبرودج هسة احنا صديقاتج ونعرفج مو هيج طبعج بس الناس من تتعرف عليج يكولون مغرورة وشايلة خشمها وحنا منقبل يحجون عليج هيج لانو نعرفج
ريناد:مينا لخاطر الله سدي الموضوع جم مرة تحجين بيه وثانيا اني آخر همي كلام الناس وحجيهم المهم اني اعرف شصرف وواثقة بنفسي وأعتقد هذا الشئ كافي
مينا:لا مو كافي ريناد كعد تنرسم صور الهم غير الصورة الي نعرفج بيها
ريناد:واني شعليه بيهم اني معايشة علمود أرضي الناس وآراءهم شستفاديت من جنت حنونة ومرحة
مينا :ريناد علاقل مو الج لاهلج حتى همة ضايجين
ريناد:لا مستحيل وخاصة اهلي اذا أتغير تعرفين شيسوون رح يرحون لبيت جدو ويكولون ريناد رجعت نفس قبل واكيد حتوافق مالي خلك اني هذا طبعي ورح يضل ومستحيل اغيره بسبب الي شفته وكمت من الكرسي وعفتهم طلعت من المطعم وشغلت السيارة وسقتها جنت أسوق كلش سريع مااعرف شلون وصلت انغثيت من كلام مينا صح هية صديقتي واحبها بس بعد مااحب أحد يتحكم بحياتي....
حبايبي تفاعلكم كلش ضعيف
تفاعلوا علمود انشر أكثر لانو اني متحمسة أكمل القصة 😍
