طلعت من غرفة اياد بسرعة رحت للغرفة البنات سديت الباب ضليت صافنة بكلامه شنو يقصد اني ناقصني اكشن الي بية مكفيني جانوا هدى ولارا كاعدات يسولفن طبعا كلما أجي لبيت جدي لارا اشوفها تجي تبات علمود كلنا بنات وسوة المهم جانوا يسولفون اني كتلهم اريد انام فرشت مكدرت انام ضليت اتقلب شبيه اني شاغلة بالي بهذا العصبي قريت اية الكرسي ونمت كعدت الصبح هم مالكيت البنات اكيد كالعادة كعدوا قبلي غيرت ملابسي ولبست تراكسود جديد وشلت شعري وغسلت ونزلت شفت الكل كاعد حتى هذا العصبي كلت:صباحوو
الكل:صباح النور ..جريت كرسي وكعدت بصف مرت عمي ام اياد كمت اكل بس ماادري حسيت اياد يباوعلي هسة شبي هذا مو حتى رح اغص بالأكل خلصت بسرعة اني آخر وحدة اجيت اكل وأول وحدة خلصت 😂رحت للحمام غسلت ونزلت جوة اساعدهم شوية بالشغل وسوو غدة بس ما شفت اياد بعد مر الوقت عادي إلى ان صار الليل جانت كلش ضوجة اقترحت ع البنات نطلع اريد اشوف بلكت اكو شغلات حلوة لخطوبة علاوي .كالوا لازم أحد يودينا اجة أبالي غيث وليث رحت كتلهم وكلت لجدي ووافقوا جهزت نفسي لبست بنطرون ابيض وسيلفي وفتحت شعري وخليت مكياج خفيف ولبست حذاء رياضة ابيض واخذت وياية افلوس جايبتهن وياية احتياط والبنات هم بدلوا نزلنا كلنا لعمتي كالت ينتضروكم بالسيارة طلعنا شفناهم جان غيث يسوق وليث بصفه طبعا كل واحد عنده سيارة بس لانو احنا وياهم ركبنا 3 ليورة وشغلنا الاغاني اهم شي هاي😁كلش احب طبعهم يشاقون وسبورتيين وصلنا لفد مول مااعرف اسمه دخلنا همة اطونا فلوس كلنالهم عدنا كالوا شلون واحنا وياكم ميصير قنعونا احنا نمشي وهمة ورانا علمود ناخذ راحتنا طبينا محلات هواي محسينا لكينا محل صغير تقريبا محل يبيع عطور testجنت اريد اشتري عطر جديد كتلهم اوكفوا خ نشتري جان هوة ولد شاب رش ع أيدي والبنات هم كلنالة هذا شكد وهذا جان يجوون غيث وليث كالولنا يلة مخلصتوا ساعة تشترون عطر تعصبوا مدري ليش يحجون ويباوعون ع هدى ولارا😂فهمت السالفة كتلهم مصار شي هوة عطر وراها خلصنا رحنا تعشينا بمطعم ورجعنا بس شوية تأخرنا وصلنا للبيت طبيت للصالة بست جدو فديته كلش احبه صرت وجان هذا العصبي كاعد ويخزر عابتله والله عفته وصعدت فوك بدلت وفتحت موبايلي وراسلت البنات عزمتهم ع الخطوبة كالوا منكدر وحدة عدها سفرة والثاني امها مريضة انفلونزا شمرت الموبايل واستلمت البنات
ريناد :احمم اكول بنات 😌
هدى ولارا:كولي
ريناد :انتو متحبون يعني ماكو أحد بحياتكم
هدى:ها
لارا:لاءء
ريناد :متأكدين احجولي عادي اني مثل أختكم
هدى :بس متكولين لحد
ريناد :عيب شنو هالحجي
هدى :هوة أي
ريناد:عرفتهم ليث وغيث اتحبوهم موو
لارا :شمدريج ولج😮
ريناد :اكو أحد معرف الدنيا كلها درت امبين من عيونكم..بشروا وهمة
هدى:مااعرف
ريناد :شلون متعرفون اذا مثلا أحد تقدملكم شلون .
لارا :شمعرفنا اصلا همة يسوون روحهم ميهتمون .ومامتاكدين احنا ..هسة انتي كوليلنا انتي متحبين
ريناد:ضليت صافنة بعدين كلت لاء.بصراحة محبيت استعجل واكوللهم ع زيد
هدى ولارا:اممم صدكناج
ريناد:هاي شبيكم
هدى:ترة واضح أربعة وعشرين ساعة بالفون وتضحكين
ريناد:لا تخافين وية صديقاتي😆
عفتهم ونزلت شوية وباقي يسحبون الساني دخلت للمطبخ اشرب مي عطشوني😑
شفت من الشباك مال مطبخ الولد كاعدين بالحديقة ويسولفون ويشربون نركيلة وعمتي كاعدة يمهم رحت بسرعة وكعدت ع المرجوحة
ريناد:عمة أدني شوي
العمة:وين بعد ماكو مجال
ريناد :ادري انتو طلعتو غير اطلعون وياكم كراسي متكولون ناس تريد تكعد😤
غيث:ع كيفج عيني هسة اروح اجيب
ريناد:يي بسرعة
غيث:مو علمودج علمود أمي😒
كعدنا نسولف ونشاقة ورة شوية كامت عمتي بقينا احنا
ريناد:حجيت وية نفسي شوكت يجون باجر لو ورا خاف ماالحك اشوفهم
ليث:شبيج خبلة
ريناد:ها لا بس كعد اكول شوكت يجون
غيث:منو
ريناد:يي شبيكم يعني منو الخطابة
غيث وليث:شنو عليمن
ريناد:يعني عليمن ع البنات
غيث:شكعد تحجين شو احنا مندري
ليث راد يكوم صحته
ريناد:اوكف اوكف هاي شبيكم ترة عادي جدي يدري واياد يعرف جايين ع اخته شكو بعد ...طبعا لازمتني الضحكة😂
ليث:واحنا شنو مالنه رأي
ريناد:لا بس انتو ولد عمتها وبس عادي ..
غيث:أروح اكول لجدي ليش مكالي
ريناد:هههههه اوكف اوكف تعال لك تعال
اجة
غيث :سكتي فضحتينا
ريناد:اشاقة جذب لا خطابة ولا زواج ولاجدي يعرف شي 😂😂😂
ليث:انتي مخبلة شي
ريناد:أمم اني مخبلة لو انتو شبيكم ضجتوا ترة عادي هاي قسمة البنات اذا مو باجر غير يوم يجي أحد ويخطبهن وهمة ماشاء الله مامقصرات بجمالهن وندارتهن
ليث:ايي والله
ريناد:شنو
ليث:لا هيج
بقوا غيث وليث صافنين
ريناد:يي كافي عاد ترة امبين انتة غيث تحب هدى مدري ليث يحبها مدري انتة تحب لارا المهم تاهت عليه انتو تحبون هدى ولارا 😬
ليث:شمدريج
غيث :شنو
ريناد:اكللكم ترة امبين محتاج حتى الجهال افتهموا وهسة كولولي كلامي صح لو لا😉
غيث:يي
ليث:يي
ريناد :شنو بس يي متكولولهم لعد شبيكم
غيث:خاف ميردون احنا كلنا نخليهم ع راحتهم حتى يتعودون
ريناد:يتعودون ع شنو همة هم يحبوكم
شو ذولة وكفو وكالوا شنو😯
ريناد:يي شبيكم عادي نصيحة مني اعترفوا الهم قبل لا يفوتكم القطار😅
غيث وليث ضلوا يضحكون بعدين كالوا
والله طلعتي مو هينة.
ريناد:لعد شعبالكم اني أقرب القلوب😂
ليث:افتهمنا عاد لذلينا
ريناد :اذلكم لو مو اني جان باجر هدى ولارا انخطبن😠
غيث ليث:انتي مو كلتي ماكو خطابة
ريناد :يي صرعتوني ماكو بس هيج كلت خ اكوم احسلي
طبيت جوة لكيت باب المطبخ مفتوح واياد كاعد ومنطي ضهرة همم بعد ميكدر يحجي وياي ليش طلعتي بالحديقة وهذني الشغلات حيل بيه الرزالة مال جدي😁
صعدت فوك لكيت البنات نايمات رحت نمت وياهم كعدت الصبح نفس الشئ بس هالمرة سمعت هدى وام اياد يحجون بس شوية صوتهم عالي كلت: خير
هدى:اخوية اليوم التحق
ريناد :يي وشبيج ضايجة مو هذا شغله
هدى:مو هالمرة ماكال لحد اول مرة يسويها وامي خايفة
ريناد:اتعجبت والله غريب هذا الولد ..كتلها خابروا
هدى:يي أمي هسة كعد اتخابرة
خابرتة وجاوبها الي عرفتة كايللها جنت مستعجل ونسيت ملفلف السالفة واني مصدكت. شسوي تريكنا ومر اليوم عادي واجة الليل جنة كاعدين اني ولارا جان تدخل هدى ووجها أحمر وتلهث
ريناد:هاي شبيج
لارا :شصاير
إجت عليه هدى لزمتني
هدى :ولج شكايله لغيث
ريناد :هاءء كلشي مكتله😶
هدى:عليه هوة كلي انج كلتليلة اني احبه فشلتيني كدامه. .جان بسرعة لارا تباوعلي
لارا:بس لا اني هم كلتي لليث
ريناد:يي
لارا:وجعي
ريناد :عوفكم مني شبيج انتي هيج وجهج أحمر
هدى:جنت بالمطبخ احجي وية امي جان غيث صاحني من فوك صعدت دخلت للغرفة وولزمني من أيدي وكالي يعني احمم كلام رومانسي واحبج وهيج فهموا😳
ريناد:وصلت وصلت 😁..اتشكريني يلة وانتي لارا الدور رح يوصلج
لارا:لا ماريد مااعرف اصرف بهيج مواقف
ريناد:علساس هدى تعرف شوفيها اشصار بيها😂😂ضليت اضحك عليهم
حبايبي خلص هذا البارت اشوفكم ببارت ثاني
لاتنسون التصويت وتعليقاتكم الحلوة 😇
فديتكم😚
