ما ذنبي لاكون فصليه

البارت الثالث عشر

ما ذنبي لأكون فصليه
البارت الثالث عشر
بقلمي Ghfran al-safe

افنان:- دخلت للبيت وجان اشووووووف صدمه عمري لا يا الله 😨😨😨😨😨😨😱😱😱😱😱اول مدخلنه اجتي رنين ركضت على فيصل حضنته وفيصل محجه شي اكتفه بس بعدها عنه بعدني واكفه اريد ابلع الصدمه حجت خالتي

رباب:-ليش اتأخرت يمه مرتك ضل بالها عليك

افنان:-شنووو ؟ مرتك ! فيصل شنو الموضوع

رنين:-اي مرته چا شعبالج اخذج فصليه يبقه يباوع عليج

شيخ فيصل:- بسسس رنين انتي شجابج

رنين:- نفس السبب الي جابها جابني بيت رجلي ولازم اعيش بي

شيخ فيصل:-بصوت هز اركان البيت ... اني مو كتلج تنكبرين يم اهلج لحد ما اني اجيج

رباب:-لا تصيح عليها وشصار هسه اول وتالي ست الحسن والجمال تعرف لان زواجك من رنين مايبقه بالسر

افنان:-عفتهم وركضت على غرفتي الي سمعته كافي وزايد قفلت الباب وكعدت بالكاع خليت راسي بين رجليه وضليت ابجي واشهگ واني احس قطعه من روحي راحت فجأه ملكت الدنيا كولها بحبه وفجأه خسرت كولشي جان الي اجه فيصل وضل يدك بالباب ويصيح يريد افتحه بس مگدرت اشوفه لهالدرجه احبه اوووووف ياربي شسويت حته اتعاقب على شي ما الي ايد بي حالي حال باقي البنات تمنيت حب وزواج مثل الناس بعد ما اتخرج واصير محاميه يعني لازم ينشلع گلبي استغفر الله ربي واتوب اليك لا اعتراض على حكم رب العالمين بقيت ابجي وما ادري شوكت نمت گعدت ثاني يوم مو گادره اشيل نفسي من الفراش تعبانه من البجي وحيلي مهدود بقيت كاعده ابجي وافكر ليش هيج خدعني بتصرفاته وخلاني اتعلق بي صعدني لسابع سما ورگعني بالگاع بقيت بالغرفه حابسه نفسي لليل وهو كول ساع يجي...

شيخ فيصل:-افنان فدوه افتحي الباب لازم نحجي وافهمج ليش تزوجتها مو كلشي تشوفي هو الحقيقه اذا مافتحتي الباب اكسره افناااان انتي بخير جاوبيني

افنان:-جنت ما اكدر احرك نفسي كوه كمت اريد افتحله الباب وجان يكسره ويدخل

شيخ فيصل:-صار ساعه ادگ بالباب ليش هيج تسوين بروحج لازم تسمعيني وبعدين احكمي

افنان:-جان ديحجي وياي بس اني دايخه ممركزه ويا وكعت وبعد محسيت على شي...

خلي نشوف ليش فيصل ازوج على افنان:-

شيخ فيصل:-بعد مارجعت من بغداد رحت للبيت تعبان نمت گعدت الصبح سبحت وبدلت ونزلت تريگت حجت امي ...