ما ذنبي لاكون فصليه

البارت الرابع والعشرون

ما ذنبي لأكون فصليه
البارت الرابع والعشرون
بقلمي Ghfran al_safe

يكسر خاطري مرات حته الطير😔
هم مثلي غريب وحسرته بصدره😿
يلم عشه على شجره وعود لازم عود😣
ويجي الما خايف الله يطيح الشجره 💔

في البارت السابق:-

افنان:-الووو

شيخ فيصل:-صباح الخير

افنان:-صباح النور

شيخ فيصل:-شلونج

افنان:-تمام وانت

شيخ فيصل:-نحمد الله خابرتج على مود النقل قبلوج بجامعه بغداد وهسه انتي عليج بس ترحين اداومين

افنان:-تعبتك وياي

شيخ فيصل:-لو كل التعب مثل هذا يا هلا بي اشتريتي ملابس للدوام

افنان:-لا بعدني

شيخ فيصل:-محتاجه فلوس ادزلج

افنان:-لا ممحتاجه

شيخ فيصل:-حبيبي جاي يصيحوني لازم اروح امانه اي شي تحتاجينه اني موجود

احداث البارت الحالي:-

افنان:-اوك .... سديت الخط وتنهدت اوووف يا فيصل شلون اطلب الطلاق منك وشلون حتوافق على هذا الشي وشيصبرني على فراكك اعرف الطريق الي اختاريته كولش صعب بس لازم اتحمل ماعندي حل ثاني كمت سبحت وبدلت ونزلت... صباح الخير

الجميع:-صباح النور

ابتهال:-تعالي ماما الريوك جاهز

افنان:-لعد وين بابا وادهم ومهند شنو مسوين اخلاء

ابتهال:-كل واحد راح على شغله هسه اتريكي قبل ليبرد الجاي

افنان:-يا سلام هناك حته نسيت الدلال شلون شكله

ابتهال:-ليش

افنان:-ماما رباب مو حنونه مثلج حته تحضر الريوك وتصيحلي

ايلاف:-زين متساعدج بشغل البيت

افنان:-اصلا لترحم وله تخلي رحمه الله تنزل عليه حته اذا البنات رادو يساعدوني متخليهم

تغريد:-كبور الي تاخذها شدعوه هالحقد زين والشيخ شلونه وياج

افنان:-فيصل فدوه لگلبه شگد حنون وحباب وحلو وشخصيه ويحبني و....