ما ذنبي لاكون فصليه

البارت العشرون

ما ذنبي لأكون فصليه
البارت العشرون
بقلمي Ghfran al_safe

افنان:-رحت بدلت ملابسي ونمت كعدت شفت الساعه 9:00 بالليل شو محد كعدني معقوله لسه بعدهم بالمستشفى غسلت ونزلت ... مساء الخير

الجميع:-مساء النور

نسرين:-تعالي فوفه احطلج عشه

افنان:-لا حبي ارتاحي اني ما اشتهي بس من كميه الدلال الي دا اشوفها مبين بس انتو بالبيت

هبه:-اي والله بعدهم بالمستشفى

افنان:-اتصلتو عليهم خاف صاير شي على رنين

هاجر:-لا تخافين ما يطگها عرج خابرت سامي وكال مابيها شي شويه بعد يجون

هبه:-مو گنالج حياله

افنان:-يمعوده ختولي يطبها مرض اني شايله هم الجنين خطيه

نسرين:-وداعتج افنان حته الشيخ كل همه الجنين اصلا رنين مو بعينه

افنان:-بعينه او لا اني مدخلني نارهم تاكل حطبهم

هاجر:-افنان اعقلي تره الشيخ حبه الج واضح مثل الشمس تصرفاته وياج ودفاعه عنج ما مسويها من قبل ويه اي وحده حبه مفضوح ولا ادكولين ما منتبهه عليه

افنان:-لا منتبهه بس شسويله هو جابها لنفسه

هبه:-زين انتي ما تحسين بشي تجاهه ماكو اي مشاعر

افنان:-لا ماكو شي غير الكره

نسرين:-ليش تكرهينه لو اني بمكانج ما اتردد لحظه بحبه

افنان:-زين لو انتي بمكاني تتحملين وحده مثل رنين تشاركج زوجج

نسرين:-من هاي الناحيه حقج بس جربي بلكي ترهم

هاجر:-ولج انتي تضلين فطيره دخلي يجي الولد واذا سأل عنها تعالي عاتبيني

افنان:-هسه اني شعليه بيهم اذا يريدها او لا كل واحد يهتم بنفسه افضل (بهالاثناء سمعنه الباب انفتح) شفتن ذكرنه القط اجه ينط

هبه:-بهمس... اششش ولج لا يسمعوج

شيخ فيصل:-مساء الخير

الجميع:-مساء النور

رباب:-كومي افنان ساعدي رنو تروح لغرفتها

نسرين:-لا خاله اني اريد اصعد لغرفتي اخذها بطريقي

هاجر:-يلا واني وياج

هبه:-اني اروح اسويلكم عشه

افنان:-واني جايه اساعدج (رحنه دنسوي عشه اني وهبه وره شويه دخلت ورانه رباب )

رباب:-ها افنان كملتي شغلج لو من طلعت اني ضليتي تسختين

افنان:-بگلبي(راحت عليج افنان خلصتيها نوم جيبي الي ينقذج هسه)