ما ذنبي لاكون فصليه

البارت السادس عشر

ما ذنبي لأكون فصليه
بقلمي Ghfran al_safe
البارت السادس عشر

أرجوك فوگ الجرح
لتخلي بيدك ملح
ما بيه أحمل هجر هجرك ذبحني ذبح
محبوبي بس أفتهم
بعدك أحس باليتم
والنوم مابي طعم لو ما تمرني بحلم
والليل وحشه صدگ
صدگني من نفترگ
والدمع بعدك جمر بخدودي يحرگ حرگ
ليش أنت ما تقتنع
من أشرحلك أني الوضع
الگلك أكرهك چذب ولك أنته تحت الضلع
مليت من الصبر
ما بيه بعد أنتضر
أرجعلي عمري أنت وهو العمر چم عمر

افنان:-كعدت الصبح سبحت وبدلت وتمكيجت ورحت للجامعه خلصت امتحاني ورجعت للبيت اول مدخلت لكيت رنين كاعده بالحقديقه

رنين:-افناان

افنان:-بگلبي(اهووو رجعت للبيت وبدت البومه بسوالفها التعبانه) هاا

رنين:-جيبيلي گلاص مي

افنان:-عفوا

رنين:-بعد ما اعيد كلامي خاف يصير شي بالطفل فنفذي اوامري لا اگول للشيخ عليج وانتي تدرين بي شكد يحبنه ومايرضه علينه

افنان:- ههههههههه يحبكم شنو هالثقه بالكلام تدرين اني انقهر عليج

رنين:-ليش بلا

افنان:-لان احتمال يجي يوم وتتخبلين هالگد ما ترددين هالكلمه وانتي اكثر وحده تعرفين ليش الشيخ وافق يتزوج وحده مثلج على كول حال اذا عندج شي تردين ادگولينه للشيخ روحي گوليله اني ما اخاف غير من ربي ... عفتها ورحت

رنين:-بسيطه افنان ادگولين عليه مخبله اني اعلمج اله ادمرج واخليج ماتندلين دربج منين

شيخ فيصل:-رجعت من الدوام دخلت للغرفه لگيتها ضلمه هندس بس اسمع صوت شهگات فتحت الضوه لكيت افنان كاعده تبجي ....افنان شبيج ليش تبجين شصاير وياج

افنان:-مو صاير شي بس ضايجه

شيخ فيصل:-ياهو مضوجج بس كليلي اله انتقم منه اشد انتقام

افنان:-ليش لهالدرجه اني مهمه بالنسبه الك

شيخ فيصل:-ماكو اهم منج بحياتي ولج احبج افتهمي

افنان:-(ما اكدر اصدك حبه ولا اكدر اتحمل رنين محتاره بالي ديصير صح ما اسكتلها وكدامها اتضاهر بالقوه بس بداخلي متحطمه)مو كادره اثق بكلامك

شيخ فيصل:-حقج ما الومج ادري من تزوجت رنين ثقتج بيه اهتزت بس انتي صفي ذهنج ولا تبقين ضايجه

افنان:-مدا اتحمل اشوفها كدامي

شيخ فيصل:-مو صديقاتج مسوين سفره روحي وياهم وغيري جو شويه

افنان:-بطلت بعد ما اريد اروح ما الي خلك اي شي

شيخ فيصل:-لا تحيريني وياج البارحه تتمنين اوافق واليوم ماتردين تروحين شنو الي تغير