ما ذنبي لاكون فصليه

البارت السابع عشر

ما ذنبي لأكون فصليه
البارت السابع عشر
بقلمي Ghfran al_safe

مزاجيه واحبج حيل
بس عيبج مزاجيه
ولأنج حيل مختلفه
احبج ميه بالميه
تنگرطين
يالحلقوم
من تمشين
كلها ادگوم
وجهج لو عسل مخلوط
احب كليبج الزعطوط
انطيني شويه موش هواي
من شفاج رجفه ماي
ادري انتي الشغب وياي
ولج مو گلنه سلميه
مزاجيه واحبج حيل
بس عيبج مزاجيه
اني وياج لو هلكان
احس يطيرن همومي
صيحي وجربي وك يفلان
گبلي يركضن هدومي
بيه خبال ما ينگال
حالي حال گلب اطفال
احبچ والله احبج موت
احبچ اني معليه
#للشاعر سرمد السبتي

ومرت الايام بسرعه وافنان تحسنت بفضل الله واكيد بمساعده الاشخاص الي يحبوها ❤️❤️❤️❤️ طلعت النتائج وجانت ناجحه 😍بطله قصتنه بدت توصل لهدفها بعد عوائق كثيره ياترى تكدر تتحدى الصعوبات القادمه ويكون الها اسم بالمستقبل وشنو حيصير بحياتها العاطفيه حنعرف هذا الشي بالاحداث القادمه تابعو القصه🌹🌹...

وبيوم من الايام:-

افنان:-كعدت الصبح على صوت الموبايل ... فيصل فيصل موبايلك ديدك

شيخ فيصل:-لحظه هسه ارد

افنان:-رحت غسلت ونزلت جوه ...صباح الخير

الجميع:-صباح النور

افنان:-رحت للمطبخ دا احظر الريوك

رنين:-ها يالحياله شو نزلتي

افنان:-لعد شسوي هاذي سنه الحياه

رنين:-على الاساس مريضه رجليج بيها شلل شبسرعه طبتي

افنان:-اسم الله على گلبي ان شاء باليكرهوني 😏 ما الج علاقه هذا بيتي وشوكت ما اريد انزل بكيفي

رنين:-افنان ابتعدي عن الشيخ تره تشوفين غضبي شيسوي بيج

افنان:-انتبهي على كلامج مدتحجين ويه صاحبته اني زوجته الاولى يعني الاصل

رنين:-خوش انتي جبتيها لروحج ...بگلبي(سهله هاي اذا ما اخليج تتوسلين بيه حته اسامحج اني مو بنت ابوي)

"احيانا الحقد والغيره تكون قويه لدرجه تعمي عيون صاحبها وبعد ميشوف الحقيقه يريد بس ينتقم من الشخص المقابل والي هو اصلا ممسوي شي غلط ميحاول يفهم الصح من الخطأ مع الأسف هذا الشي يخلي يسوي اشياء غير متوقعه وهذا الي ديصير ويه رنين حاليا"

هبه:-فوفه شبيها رنين شو طلعت معصبه

افنان:-يمعوده هاذي مختله عقليا كالعاده ادكولي ابتعدي عن فيصل ماعدها جمله جديده