ما ذنبي لاكون فصليه

البارت السادس

ماذنبي لاكون فصليه
بقلمي elegance-Girl
البارت السادس

فيصل:-(حليتها وجانت مثل الطير الخايف وفتحوله القفص فرت من ايدي وركضت للغرفه اعرف قسيت عليها واذيتها لان ما اريد ابني مشاعر تجاهها وره شويه نزلت مبينه باجيه ما اتحملت ابقه بالبيت سبحت وبدلت وطلعت رحت يم اصدقائي للعصر خابروني عدنه طلابه بالديوان مشيت للبيت اول ما طبيت لكيت البيت مخبوص) حجيت شكو
هبه:-اااا افنان
فيصل:-شبيها
هبه:-وكعت ...
افنان:- خلصنه غده ونضفت المطبخ وصعدت لغرفتي مكسره من التعب نمت شويه فزيت على صوت خالتي
رباب :-ها يالمعزايه فاتحتلج فندق اني كومي شوفي شغلج يله مو خدم عندج احنه
افنان:-(بكلبي استغفر الله شيخلصها اليوم فيصل مموجود )صار خاله
رباب:-وخلخاله تنام بين ضلوعج ولي للمراح (حقل البقر) احلبي الهوش
افنان:-شنووو وام محمد وين
رباب:-مريضه ودزيتها لبيتها خطيه
افنان:-خاله ليش تسوين بيه هالشكل
رباب:-اليسمعج يكول فقيره وناكل عشاج ولا يكول مجرمه وتكتلون الناس بدم بارد اذا ما شمرتج بالشارع شمره الجلاب انه مو بنت ابوي
افنان:-(بكلبي هيج وتخلين ابنج يطلكني وارجع لهلي يوم عيد)رحت للمراح اباوع على الابقار وافكر هاي شلون يحلبونهم والله اخاف تقربت على كيفي منها اول ما لمستها رفستني وكعت وبعد محسيت على شي
فيصل:-(ركضت للمراح لكيت افنان واكعه على طابوكه وراسها ينزف) افنان افنااان جاي تسمعيني اصحي شلتها وركضت بيها للمستشفى وهبه اجت وياي خيطولها الجرح واطوها منوم ومسكنات وكالو خلوها ترتاح)هبه اني لازم امشي عندي طلابه اني اطمنت عليها بس انتي ديري بالج عليها خوش
هبه:-خوش خويه امشي وانت مرتاح
فيصل:-(رحت للبيت سبحت وبدلت ورحت للديوان لليل خلصت الكعده وبالي يم افنان وره الكعده مباشره رحت للمستشفى اخذت عشه من الطريق لكيتها نايمه ويمها هبه وحرمه سامي (هاجر) حجيت)جبتلجن عشه روحن تعشن واني يمها راحن يتعشن كعدت يمها اشوف وجهها البريء سبحان الخالق ما ادري ليش احسها استثنائيه بحياتي ما اهتميت لحرمه ليش يمج احس بشي مختلف احسج ترديني مراهق ضليت ما ادري شكثر صافن عليها بس حسيت على نفسي من كعدت ...
افنان:-ماما
فيصل:-مو ماما هذا اني كليلي محتاجه شي
افنان:-شنو صار
فيصل:-لكوج واكعه بالمراح كليلي شجنتي تسوين هناك؟
افنان:-احلب البقره
فيصل:-ههههههه صدك مايعه وشجابج عليها وانتي ماتعرفيلها
افنان:-خالتي كالت
فيصل:-جا ام محمد وين هذا شغلها
افنان:-خالتي دازتها لبيتها مريضه
فيصل:- بسيطه هاي شلون حاسه روحج
افنان:-زينه
فيصل:-جا يله نطلع
افنان:-يله
فيصل:-(شلتها صعدتها بالسياره وصعدن وياها هبه وهاجر اخذتهن للبيت صعدت افنان لغرفتنه ونزلت )يممه يمممه
رباب:-ها ييمه شبيك شصاير
فيصل:-ليش تسوين هيج ويه افنان
رباب:-يا يمه شسويت
فيصل:-لا تمشيهن عليه شلون ادكليلها تحلب الهاشه وانتي تدرين بيها بت مدينه ماتعرفلها
رباب:-لا يمه ما ادري صدكني ما كلتلي
فيصل:-جا ليش ادزين ام محمد لبيتها
رباب:-مريضه ماتكدر تشتغل
فيصل:-انتي امي وتاج راسي وما اريد اقلل احترامي
وياج بس رجاءا اذا الي خاطر يمج عوفي البت بحالها هاي حرمتي واحترامها من احترامي
رباب:-مو حرمتك نسيت هاي فصليه
فيصل:- اذا فصليه لو قصه حب بالنهايه هي حرمه الشيخ وما اقبل عليها اتمنه تستوعبون هذا الشي هبه
هبه:-ها خويه
فيصل:-بغيابي افنان امانه بركبتج اريدج تهتمين بيها خوش
هبه:-تأمر خويه احطها بعيوني
فيصل:-صعدت فوك لكيتها كاعده تباوع على التلفزيون رحت سبحت ورجعت نمت...
افنان:-مرت الايام ورباب نفسها متغيرت من الولد هنا متحاجيني ومن يطلعون تستلمني اهانات واني اشتغل من الصبح لليل ما اكدر احجي ولا حرف هبه مرات تساعدني بالبوكه طبعا كولهم زينين وياي بس خالتي تكرهني ومرت 5 اشهر على هالحال اهلي مشايفتهم بس اخابرهم واطمن عليهم اخر شي عرفته ادهم صاير عنده توأم بنات(بنين ويقين) وبده الدوام واني مبطله ميته من القهر على وضعي ومستقبلي الي ضاع
فيصل:-صار 5 اشهر على زواجنه واني هسه صرت متأكد من حبي لافنان اي احبها وهايم بيها بس ما اكدر اعترفلها خاف ترفضني وخاف ماتحبني فبقيت ساكت وامي تلح عليه حته ازوج مره ثانيه بس اني ما اكدر ازوج احبها مو بأيدي ...
رباب:-يمه فيصل ليش ماتزوج اريد اشوف جهالك قبل لا اموت
فيصل:-عمرج طويل يمه عوفيني بحالي وانسي سالفه الزواج
رباب:-ولك يمه شمالك شمنتظر ولد سند من هاي الفاهيه
فيصل:-يمه كافي سدي الموضوع عفتها وطلعت رحت للديوان كملت شغل العشيره وطلعت للدوام خلصت كل شغلي ورجعت بالليل للبيت (لكيت افنان نايمه وكالعاده اكعد اباوع على تفاصيلها واتأمل ابداع الخالق اوووف يا افنان شكد احبج سلبتيني كلبي من نظره وحده بس اكيد كارهتني لان اخذتج فصليه) ما حسيت على روحي شوكت نمت كعدت ب 7 الصبح كمت سبحت وبدلت وتريكت وطلعت ...
افنان:-كعدت الصبح لكيت فيصل كاعد رحت سويتله ريوك تريك وطلع (صحيح تصرفاته وياي زينه بس هو ماعنده قلب لو عنده مياخذني فصليه شگد مكروه)سبحت ونزلت على الشغل الميخلص
فيصل:-خلصت شغل الديوان ورجعت للبيت... افنان تعاي شويه
افنان:- اجيت صاير شي؟
فيصل:-لا ما صاير شي بس مسويلج مفاجأه
افنان:-مفاجأه!! شنو هي
فيصل:-اذا حجيت ما تصير مفاجأه
افنان:-لا فدووووه احجي
فيصل:-بكلبي(اروحلج فدوه اموت عليها من تجر الحجايه) بهاي الاثناء اندك الباب حجيت وصلو
افنان:-منو هم الوصلو؟
فيصل:-هسا تعرفين رحت فتحت الباب
افنان:-لااا مستحيل باباا ماماا ركضت عليهم واني ابجي حسيت نفسي جنت ميته وهسه رجعتلي روحي كولهم جايين حته اسراء لارا ويارا وزيودي كبرانين وبنين ويقين فدوه لعمرهم يخبلون بقو يمنه لليل واحنه نسولف ومتونسين عيالي رحبو بيهم احسن ترحيب ما عدا رباب كول ساع ذابتلها بسمار بس اني ميهمني المهم شفت اهلي بعد كل هالمده بقو لليل وراحو ...
فيصل:-(من ازوجت افنان لسه ما شفت ضحكتها فكرت شلون اشوفها فرحانه لذلك قررت اعزم اهلها لبيتنه هم افونه تفرح بيهم وهم نبدي صفحه جديده وننسى الخلافات واليوم اول مره اشوفها تضحك ضحكتها تخبل سحرتني اكثر واكثر واني فرحت لفرحتها وره ما راحو حسيتها ضاجت قررت انسيها الضوجه حجيت)افنان شنو رأيج نطلع
افنان:-وين نطلع
فيصل:-نفتر بالسياره شويه شو ضوجه
افنان:-اي والله ضوجه فوول موافقه (رحت حضرت نفسي واني متفاجئه من حنيته الزايده فكرت مدام صاير زين وياي خلي البس بدي طويل وبنطرون بلكي يقبل خلصت ورجعت)
فيصل:-راح اطلعين هيج
افنان:-اي شكو بيها
فيصل:-شنو شكو بيها بويه انتي حرمه الشيخ تردين افتر بيج بهذا المنظر شدكول عليه الوادم
افنان:-الدنيا ليل ومحد يشوف بعدين احنه حنفتر بالسياره مننزل
فيصل:-هههههه بله اليشوفج يكول انتي حرمه الشيخ فيصل
افنان:-عشتو شبيه لعد حوله عرجه
فيصل:-لا بس نستله شمالج تتماوعين صيري قويه
افنان:-لا بله تريدني العب كراتيه يعني
فيصل:-شيفهمج امشي اتأخرنه
افنان:-يسسس يله
فيصل:-خزرتها شكلتي
افنان:-اسفه. 😊
فيصل:-ههههههه يله
افنان:-رحنه افترينه بالسياره حجيت فيصل اوكف اوكف
فيصل:-شكوو شبيج
افنان:-اريد شعر بنات
فيصل:-ولج خوفتيني عبالي شو شصار وياج وين لكيتي شعر بنات
افنان:-ذاك هناك يله حباب
فيصل:-يله (نزلنه اخذنه شعر بنات ورجعنه تصرفاتها طفوليه وخبله هم)نفتر بالسياره واسألها عن حياتها قبل الزواج وكل شي يخصها حته اتعرف عليها اكثر اكتشفت عدها حلم وتريد تحققه تريد تصير محاميه ...
افنان:-فيصل جاي على بالي موطه
فيصل:-تدللين هسه اجيبلج احله موطه
افنان:-اخذني على مطعم مال موطه وعصائر اكلنه موطه وطلعنه
فيصل:-ها بعد شتردين
افنان:-اريد ارجع للبيت تعبت
فيصل:-يله نرجع(رجعنه للبيت ب 2 بالليل)
افنان:-شكرا على هاليوم كولش تونست
فيصل:-ماكو داعي تشكريني هذا واجبي(بكلبي اني الي لازم اشكرج لان تعرفت عليج اكثر وتونست وياج)...