برنامج للصحة :
شنو الأسباب التخلي بدني صحيح سليم
أولًا الاهتمام بطبيعة تغذيّتنا
وممارسة الرياضة
وشرب الماء الكافي
بالنسبة للتغذية
أول شي نخليه بالمقدمة
فيتامين c ضروري بهالفترة جدًا موجود بالحمضيّات والفراولة وغيرهن سوو سيرچ ع گوگل واقروا شويه عنه
ثانيًا نتعلم نكون صحيين
مثلًا هذا الاسبوع نسوي تحدي لا للسكريات
الاسبوع البعده مناكل دهن.
نبدل القلي بالشوي او السلك.
فد اسبوع نلتزم لا تمن ولا خبز
اسبوع منهن نعتمد ع البروتين الموجود باللحم والبيض وعلى الدهون الصحية اللي هي الدهون الحيوانية
او زيت الزيتون والخضروات بكل انواعها
وكل اسبوع نلتزم بعادة صحية تبني جسمنه وتنفعه
وبالنسبة لممارسة الرياضة فيا بنات عمرها خسارة الما تهتم بيها
هي مو شرط للرشاقة
لكل شي للصحة النفسية بالأخص حيل حيل مفيدة
لأن الحركة تساعد على افراز هرمون السيروتونين هرمون السعادة.
بالاضافة الرياضة تطرد السموم المتراكمة بالجسم وكذلك شرب المي
وشرب المي ضروري باليوم لترين.
يعني بطلين
اني متعوده عندي بطل ومطارة وين ما اروح وياي دائمًا اشرب
مفيد للبشرة وللدماغ ولخلايا الجسم
أصلا اليعتني بصحته البدنية
ما يكبر بسرعة يبقه دائمًا يحس بنشاط.
سووا جدول صحي وضيفوا عليه وغيروا
باليعجبكم لكن بحسب إرشادات الصحة
