(اسكريبت 3) 💙🌚
"أول مره أحس إن الموت بيبقي موت الروح مش القلب"
كنت زى عادتي كل يوم الفجر بصلي وأقعد في بلكونتي جمب الورد بتاعي وأجمل ورد "التوليب"وفنجان قهوتي في أيدي أم كلثوم صوتها حواليا وهي بتقول"اخترت إبعد وعرفت اعند... حتي الهجر قدرت عليه.. شوفت القسوه بتعمل إيه!؟ " مش ام كلثوم بس اللي كانت حواليا.. لا.... كان هو كمان طيفه حواليا "أدم" افتكرت موقف حصل من تلات سنين وانا نايمه
..............
-كسلانه ممكن تقومي بقا؟
-............
_قومي بقا يا ورد إنتي نايمة كل دا ليه.
قومت وانا بنفخ مهو مش معقول من يوم ما أتجوزنا وأنا مش بتهني بنومي.
-أيوه يا ادم عايز إيه حبيبي
أبتسمت وباين غمازاته اللي بتخطفني
-عايز أكل يا ورد يا أجمل ورده في الكون.
-والله إنت مفجوع أوعي كده
حضرت ليه الفطار وهو واقف معايا بإبتسامة بتخطفني فطرنا مع بعض جمب ورد التوليب اللي زرعنا مع بعض بحب.. دايماً بسمع إن ورد التوليب ورد الحب.. علشان كده زرعته أنا وأدم بحب مكنتش متخيلة إن ممكن يجي اليوم اللي أبقي لوحدي جمب ورد التوليب دا مكنتش متخيله أن وردة التوليب تدبل زى ما أنا بدبل بس أنا كنت بسقي الورد بس يا تري مين هيسقيني أنا ؟... مين هيسقي ورد ؟ بعد آدم محدش ساقاني حتي آدم بقي يسقيني القسوه، القسوة وبس.
"" "" "" "" ""
اخدت أول حبه من قهوتي وغمضت عيني وكلام أم كلثوم بيخترق روحي وبيكوي الجرح الست أم كلثوم طرحت سؤال خطير وقالت :
"وأحب تاني ليه ؟ وأعمل ف حُبك ايه ؟ "
سؤال دا طرح في دماغي لو أدم رجع وطلب الحب هرضي بيه..؟!
أفتكرت لما بدأت حياتنا تتخرب ووردنا يدبل... وروحي تموت...
.....................
خرجت من المطبخ بعد ما خلصت الأكل اللي بيحبه...... قولت يمكن لما أعمل ليه أي حاجه يحبها يرضي عني.. مكنتش لسه عرفت إن صنف أدم كله نمرود وملوش قيمه وبيحب يأذي صنفنا إحنا صنف حواء... كان المفروض يعرف إني بنت حواء... حواء اللي خرجت سيدنا أدم من الجنه... مش هخرج انا آدم من حياتي... للأسف كان غبي!!
_آدم ممكن تسيب الفون دا شويه وتركز معايا حابه بس؟؟
رمي الفون من إيده وبص بعصبيه وقال
-أيوه يا ورد عايزه ايه؟...
تجاهلت معاملته معايا وقولت معلش يمكن تعبان وأعصابه تعبانه بس مكنتش أعرف إن أنا اللي تعبانه.. ورد اللي تعبانه
-عايزاك إنت يا آدم.. مبقتش أحس بوجودك.... فين أدم بتاع زمان بس ! آدم اللي كان بيخاف علي ورد؟
رد عليا بسخريه وياريته ما رد كلامه موتني
-ورد دبلت خلاص... وأدم مش بيحب الورد الدبلان!
...............
غمضت عيني وأبتسمت بوجع وأنا بفتكر كلامه اللي خلي ورد تموت مش تدبل وبس ورد كانت محتاجه حد يهتمم بيها... هو محدش قاله أن الورد بيدبل من الإهمال؟!!! بصيت لآخر حابه في القهوة وغمضت عيني وأنا بفتكر آخر كلام لينا مع بعض
"" "" "" "" ""
حسيت أن فيه حاجه غلط دا مش آدم.. آدم عمره ما كان قاسي حاولت أفهم إذا كان غلط في حاجه معاه ولا لا بس ملاقتش... ملاقتش غير كل خير
-وردددد طلعي ليا هدوم ورايا مشوار.
ابتسمت بمرار وانا بفتح الدولاب وبطلع ليه هدوم تلايق بيه... سمعت فونه بيرن حاولت أتجاهل بس مقدرتش رديت علي الفون وكان رقم غريب سمعت صوت بنت... بنت صوتها مايع بيدل أنها.... مش محترمه
-أيوه يا أدم إنت مش بترد ليه يا بيبي... انا علي أخر شارعك مستنياك علشان مراتك الحرباية مش تشك.
الفون وقع من إيدي حسيت إن العالم كله ضاق اووى حسيت إن العالم بيتهد من حواليا وإن انا بموت!!
لاقيته خرج وهو بيقول بعجرفه -
خلصتي؟!
اتصدم لما لاقي فونه في أيدي فهم شكلي كان يعبر عن كل حاجه
_بتخوني يا آدم!
_والله عمري ما لمست غيرك!!
_خنتني لو بنظره منك ليها!! أنت قتلتني بالحيا يا أدم... إنت قطفت ورد ورمتها علي الارض ودست عليها برجلك...أنا كنت بجهزك ليها يعني...! طلقني ياادم!!
..............
شربت آخر حابه في قهوتي وأبتسمت وأنا حاسه إن لحظه إنتصار بتتعاد لما أفتكره وهو بيركع تحت رجلي علشان أسامحه!!! بصيت من بلكونتي لاقيته تحتها وعيونه فيها كلام كتير... ندم...شوق... حب... وأهمهم الوجع!!!
إبتسمت بمرار وأنا بسمع صوت أم كلثوم وهي بتقول
"وعايزنا نرجع زى زمان قول للزمان أرجع يا زمان"
*****************************
#لِـملك_طارق
#حكايات_أدم
أنت تقرأ
حكايات لِـملك طارق (اسكريبت)
Roman d'amourبعض الأفكار المزدحمة في رأسي تجعل مني شخص لم تريديه يوماً، وبعض من الشكوك داخلي لم أستطيع أن أتغلب عليها،ولكن معك سوف أتغير مع ولأجلك فقط....💚🌚 شويه هلوسه علي حكايات بقلمي "ملك طارق"
